Litemi Batɛne 7:22 - Katɔti Ɔku Kedee

²² Uwi ɔni na Gideon bekyuli bakya baavwi bana kɔkpɛɛ ni, Unwoti ɔ́ya na bekisine bammɔ béti bana atula na bakya beekpóku lɛlɔ. Na bekyuli bammɔ ƒui békeli bakɛ Serera bétédu Bet-Sita na bákɛ bétédu Abel-Mehela ɔni nde Tabat.

Litemi Batɛne 7:22 ပူးပေါင်းရင်းမြစ်များ

Baga 1 19:16

Na ewi Nimsi ubidi Yehu lɛnɔ nnɔmii lili na ese-nwu Israelƒuɔ ɔga. Na ewi Saƒat ubidi Elisa ɔni na ɔ́si Abel-Mehola nnɔmii lili na uti-ɔ kenyekɔ aani kenye udiene kalɛ.

Baga 1 4:12

Na Ahilud ubidi Baana mɔɔnu Taanak ku Megido ku Bet-San ɔni nde Sartan na Yesreel kada kakɛ lɛlɔ. Na ɔdanku ɔ́si Bet-San útédu Abel-Mehola na ɔ́via útédu Yokmeam.

Ala Alɛdi 2 20:23

Anwuɔsu Amonƒuɔ ku Moabƒuɔ básala lɛlɔ na békpo Edomƒuɔ na bádu-ma ƒui. Na ɔmmɔ kama bana akpa anyɔ lɛnɔ bénwini bálɛku lɛlɔ na békpoku lɛlɔ na bádu lɛlɔ béwi bana kakyakɔ bewi kalɔ kede kede na asɔ alanu ukyuli ɔdi na bana nvo bɔmmɔ kemmo!

Kɔgya 83:9

Ɔmɛni ɔsu na buuvele-ɔ ka ani-ma kɔtu kalɛ na áni Midian kadi bekyuli kɔtu na ádu Gisera ku Ɔga Yabin lɛnɔ na Kisai Ketu kɔtu

Yesaia 19:2

Ɔsika Unwoti ɔnini, “Ndubɔtu-ma lɛkya ama alati lɛlɔ lɛlɔ, na ama Egyipteƒuɔ lɛti lɛti bekpoku lɛlɔ. Ɔnwa ɔnanabi ɔdubukpoku ɔnwani ɔnanabi, na ɔkpana ukpoku ɔkpana, na ɔma ɔta na ukpoku ɔma na kalɛkɛ kata kekpoku kalɛkɛ.

Yesaia 9:3

Na Israel kadi badubɔsɔ balɛ lili na baƒɔ lɛnyi na lɛlɔ lɛyɔ-ma aani kalɛ na lɛlɔ lɛɛyɔ́ bekyuli si báƒɛ edula awɔdi. Na badubo kudu bubo geen ku lɛlɔyɔ aani bekpone muule ala ani na béƒie báƒɔ bana bekisine kudɔ.

Yesaia 9:4

Ɔsika lɛbibo ku ukyuli kalala bɔbla bɔni nénwini lɛbibo kɔgba na kɔda ƒula bekyuli ni, adubo-ku bɔƒɛ ƒui, aani kalɛ na áyila Midianƒuɔ bekpone udu ƒui.

Esekiel 38:21

Ami Unwoti ndubɔya na Israel abi aƒɛ ebi-ɔ lɛlɔ. Na liƒu lɛni ndubo ƒula bekpone bɔda ɔsu badubo bunwini bunye bana lɛlɔ lɛlɔ beteekpoku bana bakpana ku kuwii.

Habakuk 3:14

Bekisine bammɔ bébo aani ɔƒɛƒɛɛ kpakplaa ku kasusu ka begyingya-bu. Na lɛlɔ lɛɛyɔ́-ma ka badubo-bu bɔyila aani kalɛ na baada lɛla lɛdi teedie na ɔsa. Buse na buse búte-ma aani banyanane bani mɔɔbɛ́. Nsu ama alati bana ekpola kani na éti ábwɛ-ma eli.

Hagai 2:22

Ndubo lɛga kɔdikɔ agaboku ammɔ budi bubo na lɛbwɛ kadi bakyuli bammɔ lɛga kɔdikɔ kɔmmɔ ƒui. Na lɛtu bana bapɔnkɔ kɛɛkɛ lɛmmɔ libi kalɔ na bapɔnkɔ bammɔ ku bana beliene bammɔ betébi kalɔ ɔni na ama alati ndubo bana banwa banwa lɛlɔ kuwii bɔtu bɔdu.’

Sakaria 14:13

Na Unwoti ɔdubɔya na bataayia lɛlɔ ɔni na badubɔta beteekpoku lɛlɔ lɛlɔ taabla lɛlɔ kalala

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.

Yosua 3:16

ntu bɔni nási katɔ kakɛ bɔ́da bɔgba bɔ́ya. Na bɔ́sala lisu liku linwi. Na kesii kani na ntu bɔmmɔ búdi búnye mmɔ baalɔ Adam na ude Sareta na ɔgyunku kesii kani bávia mmɔ. Na ntu bɔni nágba bɔ́yu búsela Mma Ɛpu búkulo kɔnakunwi. Anwuɔsu bekyuli bammɔ bávia Yordan Ketu na kesii kani nde Yeriko.

Yosua 6:16

Si báka bámana ɔma ɔmmɔ na udu maatɛdi lɛlɔ ni, kɔkpɛɛ bavwine bammɔ bedie bana kɔku kɔmmɔ. Mmɔ na Yosua úbo nwuna bekyuli bammɔ ɔda ɔnii babla kudu, na ɔ́su-ma ɔnini, “Unwoti úti ɔma unengudi ɔmɛni ɔ́kya-mii enu kemmo.

Yosua 6:20

Amu na bakpane bammɔ bávwi kɔku gyɔlɔɔ kɔdi ku bana atunkpɛ. Na ka bekyuli bammɔ bénu kɔku kɔmmɔ ni, bése kalɔ beedie kudu momoomo. Mmɔ na awodu ammɔ áƒɛ éwi kalɔ kɔnakunwi. Na bekpone bammɔ bétéduo ɔma ɔmmɔ kemmo na békpo bádi-ma lɛlɔ.

Yosua 6:4

Na bakpane maatɛ ɔdi biala uti kakpɛɛ ɔda. Na ama ndubo bɔgyu bɔtɔ asa na Unwoti Bunyimi Adaka ɔmmɔ ɔsiaku-ma kama. Na limeyi maatɛdi lɛlɔ ni, awɔ ku bekpone bammɔ bɛka bɛmana ɔma ɔmmɔ maatɛ. Na bakpane bammɔ bataavwi bana kakpɛɛ.

Samuel 1 18:19

Anwuɔsu ka uwi údu ka nka beti Saul ubidi Merab bete Dawid na uti ni, béti-nwu béte ɔnana ɔni baalɔ Adriel na ɔ́si Mehola ɔma kemmo.