Litemi Batɛne 7:2 - Katɔti Ɔku Kedee

² Na Unwoti ɔ́su Gideon ɔnini, “Bekyuli bani nésela betékpo Midianƒuɔ bammɔ bemomo bagya. Na kalɛ na Israelƒuɔ balakun lɛmɛne balatina-mi ka bana ɔyikun lɛlɔ na békpo bádi lɛlɔ ɔsu ni,

Litemi Batɛne 7:2 ပူးပေါင်းရင်းမြစ်များ

Ala Kalɔ Buse 46:2

Na mmɔ ni, Unwoti Katɔti útemiku Israel na kɔna kemmo usien na ɔ́kpali-nwu ɔnini, “Yakob! Yakob!” Na Yakob lɛnɔ údie kenye ɔnini, “Ati, aanu-mi mɛni.”

Ala Alɛdi 2 14:11

Amu na Asa ɔ́kpali úvele ɔnini, “Unwoti Katɔti awɔ kani ndubɔkana na ebunku bekpone bani neeebo ɔyikun na badi bani na bebo ɔyikun lɛlɔ. Anwuɔsu ƒula lɛlɔ na bula anu asia ka ebunku-bu. Na bɔdubo bekpone bani mbo ɔyikun geen mɛni bukpoku buti bute ƒula lɛnyi ɔbu. Na bɔgyi ka ulakana na wadi-ɔ lɛlɔ, ɔsika awɔ ndi Unwoti bula Katɔti.”

Yesaia 10:13

Ɔɔtina lɛlɔ ku enyekpi taasu ɔnini, “ ‘Ami ɔlati mina ɔyikun ku lɛlati ku lɛnunda kemmo na líkpo bekyuli bamɛni na lɛ́di-ma lɛlɔ na líƒie kɔlɔ pii ku bana akɛla lɛ́ƒɔ na lɛ́di baga bammɔ lɛlɔ na lɛ́yila-ma udu ƒui.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yeremia 9:23

Unwoti ɔnini, “Ɔdi biala utakun lɛmɛnɛ na nwuna lɛnunda iye ɔyikun iye lɛkɛ lɛlɔ.

Esekiel 28:17

Ƒula bɔdia bɔni na aadia bɔnu nátɔlɔ na énwini ukyuli ɔni na asɔ alábu lɛla lɛdi na aatina lɛlɔ. Na ka ƒula lɛnyi lísie ɔgyu ɔsu ni, ese kalɔ aabla adɔlɔla. Anwuɔsu na líkpeli-ɔ lɛ́va kalɔ na baga babambadi baamá-a.

Esekiel 28:2

“Esekiel, ɔyawine ubi, su Tiro ɔga anini, ‘Aatalaku lɛlɔ katɔ taavili na aawia ka bekyuli banu-ɔ aani kayaa ɔyikune ɔdi na adi na Tiro ɔma unengudi ɔmmɔ ɔdi ƒula lɛga kadikɔ, nsu ukyuli keeke kani na adi.

Habakuk 1:16

Na beesié taatákpa ala na baanwá teete bana lɛsawu ku lɛdaliwa lɛmmɔ bɔdi ka bákɛ lɛla lɛni na baawia ɔsu.

Sakaria 12:7

“Nsu ni, ndubɔya na Yuda ɔ́ka lɛlɔ bɔdi kalɛ na bekyuli balanu Ɔga Dawid lɛga kadikɔ ku Yerusalem ku nwuna bukeye ƒui beletulo Yuda.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Bumomo Bɔka 31:4

Na kaba biala kemmo ni, bidie nkyuli apim unwi na betékpo.”

Romaƒuɔ 11:18

Anwuɔsu bitakun lɛmɛnɛ na kugyii kɔmmɔ kɔgba kɔni náƒɛ kɔ́lɛ lɛlɔ. Ɔsika si bɛ́bla lɛni ni, bɛnu bɛti ka ɔɔɔdi amii nda ligyiitu lɛmmɔ. Mmomu ligyiitu lɛmmɔ nda-mii.

Romaƒuɔ 3:27

Na bi lɛlɔ na bɔdubɔkana lɛmɛnɛ bɔkun ka ani na bɔ́bla asa na bɔ́kɛ bɔƒɔ? Ku lɛla! Ɔsika ukyuli ulábla siin ka ɔɔdi ɔda bubo bɔmmɔ lɛlɔ ɔsu. Mmomu ɔkɛnku bɔƒɔtaadi lɛlɔ kani na Katɔti ɔɔklibi abu ku-nwu ntɛ.

Korintoƒuɔ 2 4:7

Na abu bani mbo Kɔyu kemmo akɛla enengudi amɛni ni, buse aani ebwi avɔdi ani nátamanku ala ammɔ bɔkya. Na ɔmmɔ mɔɔtina geen ka ɔɔɔdi bula kudɔ na ɔyikun ɔmmɔ ɔ́si, mmomu Katɔti kudɔ na ɔ́si.

Eƒesoƒuɔ 2:9

Na útasi bina kabla kadi lɛnɔ kemmo kalɛ na ɔdi ɔkun lɛmɛnɛ lɛdi.

Lɛkpa Ulu 32:27

Nsu naaawia ka bana bekisine bataakun lɛmɛnɛ taasu banii, ‘Bɔ́di-ma lɛlɔ ɔni na kebunku kadi kátasi Unwoti kudɔ.’ ”

Lɛkpa Ulu 8:17

Na si bɛ́kɛ akɛla amɛni udu ni, ɔdi utasu ɔnini, “Akɛla pii ani na mbo mɛni ni, ami ɔlati ɔyikun ku ɔlɔkplu na líti lɛ́kɛ-nya.”

Lɛkpa Ulu 8:18

Mmomu binyimo ka bina Unwoti Katɔti néte-mii ɔyikun ɔmmɔ asa na bɛ́bla akɛla ammɔ na úti ɔɔtina ka ɔ́di kenye kani na úse ku bina bati kuuku úse lɛlɔ aani kalɛ na use ɔmwi mɛni.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”