Litemi Batɛne 7:15 - Katɔti Ɔku Kedee

¹⁵ Amu ka Gideon únu kɔna kɔmmɔ ku kalɛ bédie-nwu kalɔ ni, ɔ́lɛ akɔnkɔ na ɔ́kpali Unwoti. Mmɔ kani na únwini úsie Israelƒuɔ kakyakɔ na ɔ́kpali bekpone bammɔ ɔnini, “Bɛta na bɔgyu! Unwoti úti Midianƒuɔ bammɔ ku bana kevo ɔ́kya-bu enu kemmo.”

Litemi Batɛne 7:15 ပူးပေါင်းရင်းမြစ်များ

Ala Kalɔ Buse 24:48

Na ɔmmɔ kama lɛ́kya lili kalɔ na límwi Unwoti Katɔti. Lɛ́kɔliku Unwoti mina ɔtɔlati Abraham Katɔti lɛnyi katɔ. Anwu nátɔnku-mi ɔ́vinku ulu ɔni geen lɛlɔ na ɔlɛka lɛsia. Na ḿbasiaku mina ɔtɔlati Abraham ɔlati ɔnwani uwɔ lite ubidi ɔnanabi ka uti-nwu.

Ala Kalɔ Buse 40:8

Amu na bédie kenye banini, “Bula inyɔ ƒui búgye ana ani na bútakɛ ukyuli ɔni nedie-nya kalɔ ute-bu.” Mmɔ na Yoseƒ úye-ma ɔnini, “Bɛɛɛgyi ka Unwoti Katɔti muudie ala kalɔ? Bɛsu-mi bina ana ani na bígye.”

Ala Kalɔ Buse 41:11

Mmɔ ni, bula inyɔ ƒui búgye ana adi usien unwi kemmo, na kɔna biala ku lɛla lɛni na kɔdanku.

Litemi Batɛne 3:28

Amu na údie lɛdi na úbo-ma ɔda ɔnini, “Bɛsiaku-mi kama, ɔsika Unwoti ɔ́ya na bɛ́di Moabƒuɔ bani ndi bina bekisine lɛlɔ.” Anwuɔsu Israelƒuɔ bammɔ lɛnɔ básiaku-nwu kama na báyu abi na béténye báda Yordan Ketu kesii kani baavia teesie Moab, na bétete kuƒi ka Moabni ɔdi biala ɔvia mmɔ.

Litemi Batɛne 4:14

Amu na Debora ɔ́su Barak ɔnini, “Yu teesie! Ɔsika ɔmwi kadi Unwoti úti Sisera ɔ́kya-a enu kemmo.” Anwuɔsu Barak úti nwuna bekpone mpim leevu ɔ́siku Tabor Kɔbi mmɔ.

Litemi Batɛne 7:11

Na bise atu na binu ala ani baasu. Mmɔ na bɛdubuse kayi na bɛta bikpoku-ma.” Anwuɔsu Gideon ku nwuna kabla ɔblane Pura báyu besie kesii kani na bana bekisine básala bakya mmɔ.

Litemi Batɛne 7:14

Amu na ɔkpana ɔmmɔ ɔ́su-nwu ɔnini, “Ɔɔɔdi lɛla bamba lɛdi na ánu utulo Yoas ubidi Gideon, Israelni ɔmmɔ kewii. Katɔti úti Midianƒuɔ ku abu bani ƒui násala bɔ́bla unwi mɛni ɔ́kya-nwu enu kemmo.”

Litemi Batɛne 7:16

Na úle bekpone bammɔ akpa atɛ na úti kɔkpɛɛ ku ebui ani kemmo na likpo lɛkya ute ɔdi biala na ɔda.

Litemi Batɛne 8:7

Amu na Gideon ɔ́su-ma ɔnini, “Ɔdia! Si uwi ɔni na Unwoti úti Seeba ku Salmuna ɔ́kya-mi enu kemmo ni, ndubuti ketele liyu ligyii libo-mii kaduɛ!”

Samuel 1 1:28

Ɔmɛni ɔsu ni, líti-nwu muute Unwoti na unwini nwuna ɔdi nwuna ngba bulie uwi ƒui.” Na ɔmɛni kama ni, bákpa Unwoti na mmɔ.

Samuel 1 14:12

Na Ƒilistiƒuɔ bekpone bani nkya bana keliekɔ mmɔ bákpali bémene Yonatan ku nwuna ekpola utine banini, “Amii bɛkɔ bibo-bu kudɔ mɛni na bɔdubɔtina-mii lɛla lɛni bɛɛwia.” Anwuɔsu Yonatan ɔ́su nwuna ekpola utine ɔnini, “Siaku-mi taakɔ kɔbi kɔmmɔ. Unwoti unye abu Israelƒuɔ kama na bɔdi Ƒilistiƒuɔ bamɛni lɛlɔ.”