Litemi Batɛne 6:5 - Katɔti Ɔku Kedee

⁵ Beeti bana bebuo lisu bonwu ku bana nvo teeboku, na bebewi mmɔ aani baalɔlɔ, na bebile ala ƒui ɔni na lɛla lɛdi lɛsɔ lilebu. Na ukyuli ɔdi ulakana-ma bɔka na bana bumomo ɔsu.

Litemi Batɛne 6:5 ပူးပေါင်းရင်းမြစ်များ

Lɛnu Ƒui Ɔnu 1:5

Yerusalem beleku, ɔlɔgyii otondi na ɔdi-mi, nsu mɔɔdia bɔnu geen. Na nse aani kevo kani na bátu bényene Kedar ketele kalɔ kakwiidi kemmo iye Salomo kayakun aduni abuni ammɔ adi.

Yesaia 13:20

Ɔsɔ ɔɔɔdubo bekyuli keliekɔ bunwini úsela kaba kaba kemmo ƒui. Belusiene ɔdi kevo kasɔ kelenye mmɔ, na baƒonu ɔdane ɔdi ɔsɔ ulawia nwuna bebuo katɛnkɔ na mmɔ.

Yesaia 60:6

Na bina kalɔ ƒui kadubuyi ku kɛɛkɛ lɛni na bebuo ala betine bani bási Midia ku Eƒa ku ala abuni pii bebeyile ɔma ɔmmɔ. Na Seeba kadi bekyuli badubɔsiku bana sika ugyiedi ku oloƒui beboku na adubunu ka beemwi Unwoti lɛnyi.

Yeremia 46:23

Na si egyii badane ku bana kɔdadi bése kalɔ baaƒɛ egyii ammɔ teewi kalɔ ni, uƒiomu kani na baavwi na baawia kasiakɔ.

Yeremia 49:29

Nwuna bekpone bani lɛlɔ mbo liƒu geen mmɔ badubo-mii bɔka bɔkya. Na badubo bina adi nvo ku bina ala ƒui buƒie bɔƒɔ ku bina baƒonu ka bebuo ala betine bani mbo keƒu mmɔ.

Yeremia 49:32

Na mmɔ na bɛdubɔyila bina bebuo ala betine ku bebuo bamba pii badubo-mii enu bɔlɛ na lɛla lɛdi lɛsɔ lilabla bina ɔdi. Amii bani na Arabia kalɔ kakwiidi kemmo mmɔ ƒui ɔgbankpi ɔdubo-mii lɛlɔ ɔ́si lɛƒɛnyi ƒui lɛlɔ, na badubo-mii bugyingya bɔkya kalɔ kammɔ ƒui lɛlɔ.

Yeremia 51:14

Ami Unwoti Ɔyikune Ƒui nkɛnku ami ɔlati mina lɛlɔ líse kenye ka bekisine bekpone badubɔƒɔ ƒula lɛblɔnu lɛlɔ aani baalɔlɔ. Na badubo kudu buteebo taakɛ lɛlɔyɔ ka bádi-mii lɛlɔ ɔsu.”

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.

Litemi Batɛne 7:12

Midianƒuɔ ku Amalekƒuɔ ku kadi bamba bekyuli bani nási ɔƒɛ katukɔ ƒui bábla kakyakɔ na kɔwɛ kɔmmɔ kemmo na lisu bonwu kemmo aani baalɔlɔ. Na bana bebuo ala betine ku keƒu bemomo geen aani ɛpu kɔnwinimi, na balakana-ma bɔka.

Litemi Batɛne 8:10

Ɔƒɛni ni, Seeba ku Salmuna bákya kesii kani na baalɔ banii Karkor ku bana bekpone bani ƒui nébu-ma ɔ́si kalɔ kammɔ ɔƒɛ katukɔ mmɔ. Na bana bumomo ndi mpim leevu-ɛlɔ (15,000). Na bakladi bani békpi ni, ama ndi kuwii badane mpim eti anyɔ ku aavlanyɔ (120,000).

Litemi Batɛne 8:21

Amu na Seeba ku Sulmuna básu Gideon banini, “Awɔ ɔlati bo na abadu-bu. Ɔsika ɔnanabi mɔɔbla ɔnanabi kabla.” Ɔmmɔ ɔsu Gideon ɔ́du-ma na ɔ́da adala ani nkya bana baƒlumu bammɔ údie.

Samuel 1 30:17

Dawid úduo-ma lɛlɔ kadi kegye ɔtanta tutuutu na úkpoku-ma ɔ́si lɛdigye ƒlu ƒlu lɛmmɔ útálɛ useyi uwi na ɔ́du-ma ƒui amu ntu bakloƒu eti maane bani nélie bana bebuo ala betine lɛlɔ na békeli kani nákɛ ngba.