Litemi Batɛne 6:39 - Katɔti Ɔku Kedee

³⁹ Amu na Gideon ɔ́su Unwoti ɔnini, “Buvele nda-a, teti kɔnyi takya-mi. Ya na lɛsɔ lɛsu-ɔ na abla lɛla lɛdi na kpekpe ɔmɛni lɛlɔ ete-mi. Ɔƒɛni ya na kpekpe ɔmmɔ utaƒɔyi, na aya na amii ammɔ ɔƒɔyi kalɔ kammɔ mmomu.”

Litemi Batɛne 6:39 ပူးပေါင်းရင်းမြစ်များ

Ala Kalɔ Buse 18:30

Ka Abraham únu lɛni ni, ɔ́su ɔnini, “Unwoti muuvele-ɔ nnii teti kɔnyi takya-mi, mmomu ya na lɛsu lɛla lɛdi. Si nkyuli avlaatɛ na bákɛ nɔɔ?” Unwoti údie kenye ɔnini, “Lɛɛɛdubo lɛla lɛdi bɔbla si lɛ́kɛ nkyuli avlaatɛ.”

Ala Kalɔ Buse 18:32

Abraham ɔ́sɔ úvele ɔmmɔ kama ɔnini, “Unwoti, muuvele-ɔ nnii teti kɔnyi takya-mi, ya na lɛsɔ livele lɛla linwi. Si banii nkyuli leevu kani nkya mmɔ nɔɔ?” Unwoti ɔnini, “Na nkyuli leevu ɔsu ni, lɛɛɛdubo mmɔ bɔkyula.”

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Mateo 21:43

Amu na Yesu ɔ́sɔ ɔ́su-ma ɔnini, “Anwuɔsu mɔɔsu-mii nnii Katɔti ɔdubɔƒɔ nwuna lɛga kadikɔ kammɔ na bina kudɔ bileduo-ka! Na ɔdubuti ute bekyuli bamba bani ndubɔbla nwuna lɛyɔla.

Mateo 8:12

Nsu Katɔti ɔdubɔbɔku Yudaƒuɔ badi bani nka badi bagadine mmɔ utákya kasuudikɔ. Mmɔ na badubuwulo na badu bana anumi.”

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Batalane Kabla 28:28

Amu na Paulo ɔ́wɔlɔ-ma bɔtɛmiku ɔnini, “Ɔlɛka lɛsu-mii na bɛti ka ni, bekyuli bɔƒɔ litemi lɛmɛni ni, béeti-ni béselaku bani naaadi Yudaƒuɔ. Na ama ni, badubɔƒɔ-ni!”

Litemi Batɛne 6:38

Na úbo ute lɛni pɛpɛɛpɛ. Ka Gideon ɔ́ta ɔtanta tutuutu ni, úti kpekpe ɔmmɔ na ɔ́ka-nwu. Na ntu bɔni nálɛ kpekpe ɔmmɔ lɛlɔ buyii lɛkpibui.

Litemi Batɛne 6:40

Na usien ɔmmɔ ni, Katɔti ɔ́bla lɛni kani. Koƒo kɔmmɔ kútaƒɔyi, nsu amii áƒɔ kalɔ kammɔ na káƒɔyi.