Litemi Batɛne 6:31 - Katɔti Ɔku Kedee

³¹ Amu na Yoas údie kenye na otogyi ɔmmɔ anumi ɔnini, “Amii ndubɔtɛ litemi lɛmmɔ bite Baal? Munuu amii mɔɔwia ka bɛƒɔ-nwu ngba? Na mɔɔsu-mii nnii ukyuli biala mata mekpo mete-nwu ni, ɔlɛka badu-nwu ɔtanta ɔmɛni kani. Na nsɔ mɔɔsu lɛnɔ ka si Baal ɔgyi ka ɔyikune na ɔdi ni, na anwu ɔlati ukpo ute lɛlɔ si ukyuli ɔdi ɔ́ƒɛ nwuna lɛkpabi.”

Litemi Batɛne 6:31 ပူးပေါင်းရင်းမြစ်များ

Baga 1 18:27

Amu ka udu ɔƒiiwi lɛbo ni, Elia úse kalɔ uubo-ma kenye ɔnini, “Bitaakpali-nwu momoomo, ngyi ka ɔkya uuti kasusu kadi. Ɔsika unwoti na ɔdi. Iye kɔnu kɔda-nwu kpakplaa. Iye úsie ulu ɔdi iye ngyi ka ɔtɛ ɔlɛɛ na ɔlɛka bagyila-nwu.”

Baga 1 18:29

Ɔƒɛ ɔmmɔ úulii, nsu bátada bɔkpali bɔmmɔ bátaya útédu ka useyi akpala uwi údu. Nsu lɛla biala lítalɛ. Na lɛla biala lɛnɔ lítakpete-ma.

Baga 1 18:40

Amu na Elia úbo bekyuli bammɔ ɔda ɔnini, “Biƒie Baal kenye bediene bammɔ ƒui, na bitaya na ɔdi biala ukeli.” Amu na béƒie-ma na Elia ɔ́ya béti-ma bésienku Kison Kɔwɛ kemmo na bádu bana ƒui na mmɔ.

Israelƒuɔ Bɔlɛ 23:2

“Na tasiaku bekyuli bumomo kama na atábla likpidi. Na si eedie lɛla lɛdi kenye na litemi katɛkɔ ni, tanu bekyuli bumomo anumi na enwini litemi geen lɛmmɔ.

Yesaia 41:23

Na bɛsu-bu lɛla lɛni na uwi ɔni mebo mmɔ ɔdanku ɔduboku, na bɔti ka bɛdi baƒiɔ bayikune. Bɛbla akɔla budie taatina bɔdi na bɔnu, likpidi lɛdi o-o, lɛbuni lɛdi o-o ni, na bɔnu bɔyia ku liƒu, na bina ala abla-bu yaa.

Yesaia 46:1

Babelƒuɔ baƒiɔ bani ndi Bel ku Nebo ɔdi ɔ́sa. Bana baƒiɔ egyiiku na bála básia bebuo ala betine lɛlɔ bésela. Na ɔdi etila úte bebuo bani náanɔ geen mmɔ.

Yesaia 46:7

Baagyú baƒiɔ bammɔ taasia lɛmangba taatáwia-ma kesekɔ, nsu ama alati balákana busie. Na si uwi ɔni na lɛla lɛdi lítulo bekyuli bammɔ ni, na besie batákpali-ma banii baƒiɔ bammɔ bebunku-ma nsu balákpete-ma na bedie kenye kadi na balákana-ma bubunku lɛnɔ.

Yeremia 10:11

Awɔ násu-mi anii nsu-ma ka ɔɔɔdi baƒiɔ nédie kalɔ kammɔ na adubo baƒiɔ ƒui udu bɔyila.

Yeremia 10:5

Baƒiɔ bani na bánwi bátavumanaku ala ani na baabla taalɛ kemo taagya baasɛ ku bebweyi bamba bani muubile edula. Lɛla lɛnwidi lɛmɛni lilátɛmi na lilákana busie lɛnɔ, anwuɔsu bɔgyu na baagyú-ni teeti teetése mmɔ. Na bi ɔsu na ɔlɛka ukyuli ataayia baƒiɔ bani naaadubo-ɔ kebunku kadi bɔkana bute na balakana-a lɛla lɛdi lɛnɔ bɔbla?”

Bumomo Bɔka 14:6

Na Nun ubidi Yosua ku Yeƒune ubidi Kaleb bani mbunku bekyuli bani nésie bátávi bánu kalɔ kammɔ báni bana lɛwu bábwɛ.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Eƒesoƒuɔ 5:11

Amii ku bekyuli bani na bana ablala akya lɛdisa kemmo ni, bitasala lɛlɔ bitabla bana ɔbladu ukpidi ɔdi. Mmomu bidie-ma keyi.

Litemi Batɛne 6:30

Amu na ɔma ɔmmɔ bananabi bátásu Yoas banii, “Ti ƒ'ubidi Gideon boku. Ɔ́manku ka badu-nwu, ɔsika ɔ́ƒɛ Baal lɛkpabi uwi kalɔ na ɔ́sɔ ɔ́mɛnɛ kugyii kɔni nnye lɛkpabi lɛmmɔ kudɔ ɔ́va kalɔ.”

Litemi Batɛne 6:32

Anwuɔsu ɔ́si limeyi lɛmmɔ básia Gideon lɛnyi banii Yerubaal, ɔni kalɔ ndi “Bɛya na Baal alati ukpoku Gideon.” Ɔsika ɔ́ƒɛ Baal lɛkpabi.

Samuel 1 12:11

Na Unwoti ɔ́tala Yerubaal ɔni basɔ baalɔ Gideon, Barak ku Yeƒta. Na kawɔlɔkɔ kamɛni ni, ɔ́tala ami Samuel. Na úkpo ɔ́ƒɔ-mii ɔ́lɛku bina bekisine bani nkya bina amadɔ ƒui enu kemmo na bɛ́kɛ bɔnwuna.