Litemi Batɛne 6:3 - Katɔti Ɔku Kedee

³ Na uwi biala na Israelƒuɔ bákya edula ni, na Midianƒuɔ ku Amalekƒuɔ ku bekyuli bamba bani nási ɔƒɛ katukɔ kakɛ beebo teebeyu-ma taatu na bekpoku-ma.

Litemi Batɛne 6:3 ပူးပေါင်းရင်းမြစ်များ

Ala Kalɔ Buse 25:6

Nsu na nwuna ngba kemmo ni, úte nwuna bebi bani na beleku bamba báwɔ béte-nwu ƒui ɔdi biala nwuna kadikɔ na údie-ma ulu na úbu Isak lɛti pɛ.

Ala Kalɔ Buse 29:1

Ɔmmɔ kama ni, Yakob ɔ́sɔ úti ala na ɔ́yu ulu. Na úbedu kadi bekyuli bani nli ɔƒɛ katukɔ kakɛ akɔ.

Baga 1 20:27

Na Israelƒuɔ lɛnɔ báta na bátu akpagya na béle lɛlɔ kemmo inyɔ ka betékpoku-ma. Na si ánu Israelƒuɔ bekpone bammɔ ƒui ni, bálɛ aani bese esu anyɔ blii badi nnye kesii kadi si éti ákɔku Siriaƒuɔ bekpone bani nnye kalɔ ƒiaa lɛlɔ.

Baga 1 4:30

Na Salomo lɛnunda litulo lɛnunda lɛni na banana bani ƒui na bakya kalɔ kammɔ ɔ́ƒɛ kanukɔ ku Egyipte ƒui bebo.

Baga 1 5:10

Anwuɔsu Hiram úte Salomo sida egyii ku egyii bamba etenku ani na ɔɔwia ƒui.

Hiob 1:3

Na ubo baƒonu mpim maatɛ ku bebuo ala betine ku keƒu mpim ɛtɛ ku ɔmantɛ bakɔ ku kɔgba kɔni baabala-ma eti leevu ku bebuo ala betine eti leevu ku kabla bablane pii badi. Na ɔdi unengu geen na bekyuli bani nkya ɔƒɛ katukɔ kakɛ mmɔ ƒui akɔ.

Hiob 31:8

na ɔya na bekyuli bamba beti mina kabla kani na lɛ́bla ƒui benwini bana ɔdi, na baƒɛ-mi edula ƒui, na beku ani nkya mina kalɔ lɛnɔ bedie.

Israelƒuɔ Bɔlɛ 17:8

Amu na Amalekƒuɔ báta ka bébekpoku Israelƒuɔ na Reƒidim.

Yesaia 11:14

Mmomu badubɔsala lɛlɔ na babwɛ bayu Ƒilistiƒuɔ besie ɔƒɛ kanukɔ. Na basi mmɔ betékpoku kadi kani bekyuli nkya bésie ɔƒɛ katukɔ.

Yesaia 62:8

Unwoti úse kenye kpakplaa ɔnini, “Nsɔ lɛɛɛdubo bina edula buti bute bina bekisine na badi. Na kadi bamba bekyuli basɔ baaadubo bina ntɛ bɔwɔdi bɔni lɛnɔ na bíbo abi bídie bɔni kudii.

Yeremia 49:28

Binu lɛla lɛni na Unwoti ɔ́su ɔ́siku Kedar kɔdua bekyuli ku akpaklɔ lɛma lɛni na ketele kalɔ kakwiidi kammɔ lɛlɔ na Babilon kalɔ lɛlɔ. “Amii Kedarƒuɔ, ku adua bamba ani na akya kalɔ kakwiidi kani néti kése ɔƒɛ katukɔ mmɔ binu. Lɛ́ɛsu Nebukadnesar nnii ukpoku-mii na ɔyila-mii udu ƒui.

Esekiel 25:3

na asu-ma anini, ‘Lɛlɔ lɛ́yɔ-mii na bɛ́kɛ ebiti uwi ɔni na bábwɛ mina kakpakɔ ku uwi na bádi Israelƒuɔ lɛlɔ na béti-ma bátɔlɔku aani bekyuli beƒiedi kalɛ.

Esekiel 25:4

Anwuɔsu ɔƒɛni ni, ndubo bɔya na adua bamba bekyuli bani nási ɔƒɛ katukɔ kalɔ kakwiidi kemmo bebo na badi-mii lɛlɔ. Na badubɔbla kuliekɔ na bina kalɔ kemmo na badi bina egyiibi na bani bina bebuo anyi ntu.

Lewiƒuɔ Ɔda Bubo 26:16

ala ani ndubo mɛni na ndubo-mii bɔbla. Ndubɔya na liƒu ala ada alɛ-mii lɛlɔ kɔnakunwi na lɛya na lɛlɛ buɛ lidu ku lɛlɔ ogya bɔƒɔ buteekpoku-mii na anumi abwɛ-mii na biteekpi. Bɛdubo bina edula bɔva keeke, ɔsika adubunwini bina bekisine adi.

Mika 6:15

Bɛdubo bɔtuma, nsu bɛɛɛdubo edula ammɔ bɔƒɛ. Na ndubɔya na bidie nnɔ kaduɛ, nsu amii alati bileti-mu bilabla lɛla lɛdi. Na bɛdubo egyiibi bubulo na bidie ntɛ, nsu bilákɛ-mu biláni.

Lɛkpa Ulu 28:51

Na bekyuli bammɔ badubo bina edula bɔdi na badu bina bebuo bakun ƒui na kɔka kɔda-mii kaduɛ úti útédu ka bíkpi bɛ́sa ƒui. Na bekyuli bammɔ baaadubo edula iye ntɛ iye nnɔ iye ɔmantɛ bakɔ iye baƒonu badi bɔda buse-mii. Badubɔkyula ala ammɔ ƒui kede kede na bikpi bɛsa.

Litemi Batɛne 10:12

ku Sidonƒuɔ ku Amalekƒuɔ ku Maonƒuɔ bánya-mii bakya na baabla-mii kalala ni, bíwulo bɛ́kpali-mi na lɛ́ƒɔ-mi lɛ́lɛku bana enu kemmo.

Litemi Batɛne 3:13

Na Eglon ɔmɛni ɔ́ya na Amoriƒuɔ ku Amalekƒuɔ bébebunku na bétékpoku Israelƒuɔ. Na bádi Israelƒuɔ lɛlɔ na béti bana ɔma unengudi Yeriko ɔni baalɔ banii Ebo Ɔma.

Litemi Batɛne 6:2

Ka Midianƒuɔ bamɛni bebo ɔyikun bétulo Israelƒuɔ ɔsu ni, Israelƒuɔ bátáwia kɔkyakɔ na abi akɔ ku atakpɛ libu ku kɔgyumanakɔ kpakplaa kemmo.

Litemi Batɛne 6:33

Ɔmɛni kama ni, Midianƒuɔ ku Amalekƒuɔ ku bani ƒui nli ɔƒɛ katukɔ kakɛ bátu akpagya na bávia Yordan Ketu, na bésie batásala lisu na Yesreel Kɔwɛ kemmo.

Litemi Batɛne 6:4

Baabla kuliekɔ na mmɔ, na bebile bana edula ani ƒui bákya mmɔ kede kede úti útédu Gasa amadɔ. Na Israelƒuɔ bebuo bani ndi baƒonu ku bese ku bebuo ala betine ƒui ina unwi pɛ muedi baláda teenyene-ma.

Litemi Batɛne 7:12

Midianƒuɔ ku Amalekƒuɔ ku kadi bamba bekyuli bani nási ɔƒɛ katukɔ ƒui bábla kakyakɔ na kɔwɛ kɔmmɔ kemmo na lisu bonwu kemmo aani baalɔlɔ. Na bana bebuo ala betine ku keƒu bemomo geen aani ɛpu kɔnwinimi, na balakana-ma bɔka.

Litemi Batɛne 8:10

Ɔƒɛni ni, Seeba ku Salmuna bákya kesii kani na baalɔ banii Karkor ku bana bekpone bani ƒui nébu-ma ɔ́si kalɔ kammɔ ɔƒɛ katukɔ mmɔ. Na bana bumomo ndi mpim leevu-ɛlɔ (15,000). Na bakladi bani békpi ni, ama ndi kuwii badane mpim eti anyɔ ku aavlanyɔ (120,000).