Litemi Batɛne 6:25 - Katɔti Ɔku Kedee

²⁵ Amu na usien ɔmmɔ ni, Unwoti ɔ́su Gideon ɔnini, “Ti ƒula ɔti ɔmantɛ akɔ ɔni nsiaku ebuo unengudi kama unyɔdi ɔni náakɛ akwa maatɛ. Na atáƒɛ ƒ'ɔti Baal baƒiɔ bani na ɔ́tu ɔ́lɛ mmɔ. Na amɛnɛ Asera kugyii kɔni kunye-nwu kudɔ mmɔ ewi kalɔ.

Litemi Batɛne 6:25 ပူးပေါင်းရင်းမြစ်များ

Ala Kalɔ Buse 35:2

Anwuɔsu Yakob ɔ́su nwuna kaduli bekyuli ku bani ƒui nkya-nwu kudɔ ɔnini, “Biti baƒiɔ udu biala nse ɔdi kudɔ ƒui bivaakun. Na bɛbla lɛlɔ kedee na bɛvumana bina adala.

Baga 1 18:21

Amu na Elia úsie ɔ́vi bekyuli bammɔ akɔ na uuyé-ma ɔnini, “Uwi ɛlɛ geen na bɛdubulie bitaabla kasusu kunyɔ kunyɔ bitálɛ? Si Unwoti ndi Katɔti ni, bɛsiaku-nwu kama. Na si Baal lɛnɔ ndi bina Katɔti ni, na bɛsiaku-nwu kama.” Nsu bekyuli bammɔ bétedie kenye kadi.

Hiob 22:23

Geen ni, sɔku lɛlɔ te Katɔti ku lɛlɔ kalɔ buboku na ƒula keyi kayɔ na ala adianku-ɔ. Die ƒula lɛlɔ ƒui atu.

Kɔgya 101:2

Bo na ebebunku-mi. Mmɔ na ndubɔkana lɛlɔ bɔda kaduɛ ntaabla lɛbuni kalɛ na naaaƒiɔ-ɔ na mina kaduli.

Israelƒuɔ Bɔlɛ 34:13

Mmomu bo bana akpabi ƒui bwɛ na ayila bana baƒiɔ bani baalɔ banii Asera ligyii lɛni bálɛ ƒui udu.

Mateo 10:37

“Na ukyuli biala ɔni mayɔ ɔti iye uni metulo-mi ni, útamanku ka ɔbla mina ɔtɛyane. Lɛni kani na ukyuli ɔni mayɔ ubidi ɔnanabi iye ulekubi metulo-mi lɛnɔ ni, útamanku ka ɔbla mina ɔtɛyane.

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Batalane Kabla 4:19

Amu na Petro ku Yohane bédie kenye banini, “Amii alati bɛbu bɛnu. Bi mada Unwoti kubiti? Si bunu bina ɔda bubo munuu Unwoti bɔdi?

Batalane Kabla 5:29

Mmɔ na Petro ku batalane bammɔ bédie kenye banini, “Ɔlɛka bɔka Unwoti bɔbu asa bɔbu bekyuli bayawine.

Lɛkpa Ulu 7:5

Anwuɔsu ni, bibo bana akpabi ƒui bɛbwɛ. Na bibo bana atabi ani baalɔ banii atabi kedee lɛnɔ bɛbwɛ kpɛtɛ kpɛtɛ. Na bɛƒɛ bana lɛƒiɔgyii lɛni na bálɛ béte bana baƒiɔ beledi bani baalɔ Asera baƒiɔ. Na bibo bana baƒiɔ ƒui bɛkya ogya kemmo.

Litemi Batɛne 2:11

Uwi ɔmmɔ na Israelƒuɔ bábla likpidi na Unwoti anumi, na bésie bakya baakpá Baal baƒiɔ lidu lidu.

Litemi Batɛne 3:7

Amu na Israelƒuɔ bábla likpidi na Unwoti anumi. Na ɔkɛnku ɔmɛni ɔsu báyiƒala bana Unwoti Katɔti, na bénwini bátákpa Baal ku Asera baƒiɔ.

Litemi Batɛne 6:26

Na atu lɛkpabi buni lɛni nákuku ete ƒula Unwoti Katɔti na katɔ mmɔ. Na eti ɔmantɛ akɔ ɔmmɔ abla bɔkyula akpala ete-mi. Na eti kugyii kɔni na amɛnɛ mmɔ ekyweni abla akpala ammɔ.”