Litemi Batɛne 6:23 - Katɔti Ɔku Kedee

²³ Nsu Unwoti ɔ́su-nwu ɔnini, “Keyi buɛɛ kasiaku-ɔ! Na ada bɔyia aya. Ɔsika elekpi.”

Litemi Batɛne 6:23 ပူးပေါင်းရင်းမြစ်များ

Ala Kalɔ Buse 32:30

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Ala Kalɔ Buse 32:31

Uwi ɔni na ɔkɛ Paniel mmɔ ni, kadi káata, na ɔkɛ ɔɔtu ɔgba taakya ka nwuna kasɔma likubi líkpeli ɔsu.

Ala Kalɔ Buse 43:23

Mmɔ ni, Yoseƒ kaduli lɛlɔ ɔnune ɔmmɔ údie kenye ɔnini, “Bɛsɔ bitayia. Ɔmmɔ útebile lɛla lɛdi. Bina Katɔti ɔni ndi Unwoti Katɔti úte bina ɔti ni, anwu néti lɛkɛ ɔ́kya bina aƒo kemmo. Ami ndi ukyuli ɔni na bɛ́ƒɔ kayu kammɔ bíte.” Ka ɔ́su-ma lɛni ɔ́wɔlɔ ni, útédie Simeon úboku-ma.

Kɔgya 85:8

Ndubuse atu na linu lɛla lɛni na Unwoti Katɔti ubo na wasu-mi. Ɔsika ɔ́su úse ka ɔdubute nwuna kadi bekyuli keyi buɛɛ si bátasɔ bétenwini bétesie bana kɔdɔlɔ ngba bulie kemmo.

Yohane 14:27

“Keyi buɛɛ na lɛ́da muusé-mii. Na mina keyi buɛɛ na líti muute-mii. Ɔɔɔdi aani kalɛ na bayawine beete ukyuli keyi buɛɛ kalɛ. Kayi ku kasusu ketekpoku-mii na ala ani ndubo bɔlɛ lɛlɔ. Na bitayia.

Yohane 20:19

Na Kwasida kadi kammɔ useyi ni, batɛyane bammɔ básala na bákalɛ lɛlɔ bákya ɔtɔ kemmo ka baayia Yudaƒuɔ benengu bammɔ ɔsu. Amu na Yesu úbo úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Yohane 20:26

Amu na Kwasida unwi kama ni, batɛyane bammɔ básɔ bása belie ɔtɔ kemmo, na Toma lɛnɔ ɔkya-ma akɔ. Básɔ bákalɛ ɔtɔ ɔmmɔ lɛni kani. Nsu Yesu úbo na úbenye-ma ntɛ, na ɔ́su-ma ɔnini, “Keyi buɛɛ kasiaku-mii.”

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Litemi Batɛne 19:20

Na unengu ɔmɛni ɔ́su-nwu ɔnini, “Bibeduo-mi kaduli na ndubɔnu-mii lɛlɔ, ɔsika útamanku ka bɛsɔ bɛtɛ ɔblɔnu lɛlɔ mɛni bigye kadi.”

Litemi Batɛne 6:22

Uwi ɔni na Gideon ɔ́nu ɔ́ti ka Unwoti ɔtu na ɔdi ni, ɔ́va kɔnakunwi na ɔ́su ɔnini, “O Unwoti, Ɔyikune Ƒui! Lɛ́nu Unwoti ɔtu anumi ku anumi!”

Litemi Batɛne 6:24

Amu na Gideon ɔ́tu lɛkpabi úte Unwoti na ɔ́sia-nwu lɛnyi ɔnii, “Unwoti Ɔdi Keyi Buɛɛ Unwoti.” Na lɛkpabi lɛmmɔ lɛmu lɛ́lɛ Oƒra Abi-Eser kalɔ kemmo.