Litemi Batɛne 6:16 - Katɔti Ɔku Kedee

¹⁶ Amu na Unwoti ɔ́su Gideon ɔnini, “Nnyeku-ɔ, na adubukpoku Midianƒuɔ ƒui na abla-ma kpɛtɛ kpɛtɛ.”

Litemi Batɛne 6:16 ပူးပေါင်းရင်းမြစ်များ

Israelƒuɔ Bɔlɛ 3:12

Amu na Katɔti údie Mose kenye ɔnini, “Ndubulie-ku-ɔ. Na likposela lɛni na ndubɔtina-a ka ami nátala-a sɔsɔ ndi ka si ákpanku-ma álɛku mmɔ áwɔlɔ ni, amii Hebriƒuɔ bɛdubo-mi bɔkpa na kɔbi kɔmɛni lɛlɔ.”

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Batalane Kabla 11:21

Na ka Blɔti ɔyikun ɔkya-ma akɔ ɔsu ni, baƒɔtaadine bammɔ bémomo bébu.

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Yosua 1:5

Na mɔɔsu-ɔ ka ukyuli ndi ukyuli ɔdi ulakana bɔta bukpoku-ɔ ƒula ngba emeyi ƒui kemmo. Na kalɛ kani na lílieku Mose ni, lɛni kani na ndubulieku-ɔ. Na lɛɛɛdubo-ɔ bɔnyonu iye lidie-ɔ atu kudii.

Yosua 10:8

Mmɔ na Unwoti ɔ́su Yosua ɔnini, “Tayia Amoriƒuɔ baga ku bana bekpone bammɔ Líiti-ma lɛ́kya-a enu kemmo kukuuku. Na mɔɔsu-ɔ ka ni, ina ukyuli unwi ulakana-a anumi bɔkpɛ bude.”

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Litemi Batɛne 6:12

Amu na Unwoti ɔtu ɔmmɔ údie lɛlɔ ɔ́tina Gideon na mmɔ na ɔ́su-nwu ɔnini, “Unwoti ulieku-ɔ, awɔ ukpone ɔyikune.”

Litemi Batɛne 6:36

Amu na Gideon ɔ́su Unwoti ɔnini, “Si sɔsɔ na ásu ka adubɔƒɔ Israel ngba asiaku mina lɛlɔ ni,

Rut Keliela Ɔku 2:4

Na uwi útetu asa na Boas ɔlati ɔ́si Betlehem na ɔ́da ɔ́lɛ kemo mmɔ. Na ɔ́kya kabla bablane bammɔ kenye ɔnini, “Blɔti ulieku-mii.” Na kabla bablane bammɔ lɛnɔ bédie kenye banini, “Blɔti ute-ɔ kusɛ kusɛ.”