Litemi Batɛne 6:15 - Katɔti Ɔku Kedee

¹⁵ Amu na Gideon údie kenye ɔnini, “Unwoti, dɛ na ndubo bɔbla asa na makana Israelƒuɔ bukpo bɔƒɔ? Na Manase kɔdua bekyuli akɔ ni, abu nse kpɛtɛ kpɛtɛ ntulo ƒui, na ami lɛnɔ ndi ukplodi na mina ɔtɔ badi akɔ.”

Litemi Batɛne 6:15 ပူးပေါင်းရင်းမြစ်များ

Ala Kalɔ Buse 32:10

Ńtamanku ƒula lɛƒɔndia lɛni na aabla-mi ku kalɛ na aadi ƒula etemila lɛlɔ teete ami ƒula kabla ɔblane. Mina ugyii ɔdadi kani nkya-mi kɔnu uwi ɔni na lɛ́via Yordan Ketu kamɛni. Na ɔƒaani ni, mina kaduli bekyuli lɛti pɛ bubo esu akpa anyɔ.

Israelƒuɔ Bɔlɛ 3:11

Amu na Mose ɔsu Katɔti ɔnini, “Ami ndi ɔma, na muusié nténye Ɔga Ƒarao anumi nnii mɔɔkpanku Israelƒuɔ lɛlɛku Egyipte kalɔ lɛlɔ?”

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Yeremia 1:6

Mmɔ na lídie kenye nnini, “Unwoti Ɔyikune Ƒui, lɛɛɛgyi bɔtɛmi na ńtabi lɛlɔ lɛnɔ.”

Yeremia 50:45

Bise atu na binu lɛla lɛni na lɛ́ɛlɛ ugyii líse na amii Babilon bekyuli lɛlɔ. Badubo bina bebi ɔbuli bɔkya bɔni bɔtɔlɔku na babwɛ bina kalɔ kemodi kammɔ ƒui.

Mika 5:2

Unwoti ɔnini, “Awɔ Betlehem na Eƒrata kalɛkɛ kemmo, awɔ ndi ɔma blii suɛ ntulo na Yuda kalɔ lɛlɔ. Nsu uuuse lɛni, ɔsika ƒula kemmo na ɔtɔnkune ubendi ɔdubɔlɛ ɔsi na watɔnku mina kaduli bekyuli Israelƒuɔ wete-mi. Na ɔdubɔbla ukyuli ɔni na nwuna kaba kése kalɔ kási kukuuku na ala kalɔ kesekɔ ƒui.”

Luka 1:34

Amu na Maria úye-nwu ɔnini, “Dɛ na ɔmɛni webo wete lɛni ka adagyaa na ndi?”

Korintoƒuɔ 1 15:9

Ɔsika ami ndi batalane bammɔ akɔ ubliidi ƒui. Na ńtamanku ka balɔ-mi banii ɔtalane muedi, ɔsika ami líkpoku Katɔti baƒɔtaadine lɛkpa lɛmmɔ.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Litemi Batɛne 6:11

Amu na Unwoti ɔtu ɔdi úbo na úbelie kugyii bonwu kɔdi kalɔ na Oƒra ɔma kemmo. Na kugyii kɔmmɔ kɔdi Yoas ɔni nási Abi-Eser kɔdi. Mmɔ na ubidi Gideon ɔkya uuwiile edula ebi teewi ntɛ kebulokɔ kalɛ na Midianƒuɔ balanu-nya beledie kemmo.

Samuel 1 18:23

Amu na béti kenye kamɛni bésienku-nwu sɔsɔ. Nsu ka Dawid únu kenye kamɛni ni, ɔ́su ɔnini, “Ɔwabane na ndi na ńtaƒɔ lɛnyi. Na ɔƒɛni ni, uuuse kpɛtɛ kpɛtɛ ka linwini ɔga ubi ɔgya.”

Samuel 1 9:21

Mmɔ ni, Saul údie kenye na ɔ́su Samuel ɔnini, “Kɔdua kubliidi ƒui ndi Benyamin kɔdua na Israelƒuɔ akɔ, na mmɔ lɛ́si. Na mina ɔtɔ bekyuli ndi bani neeebo kenyekɔ geen kadi na Benyamin kɔdua kɔmmɔ kemmo. Bi ɔsu na aasu-mi lɛmɛni udu?”