Litemi Batɛne 5:6 - Katɔti Ɔku Kedee

⁶ “Na Anat ubidi Samgar uwi ku Yael uwi ni, bekyuli béni lilu linengudi lɛmmɔ lɛlɔ bɔsia na belusiene baasia lilu lɛni nse gonti gonti lɛlɔ.

Litemi Batɛne 5:6 ပူးပေါင်းရင်းမြစ်များ

Ala Alɛdi 2 15:5

Ala ƒui éƒu ákya Israel na emeyi ammɔ kemmo ɔni na ɔdi ɔgbankpi ute ukyuli biala ka usie mmɔ kesii kadi.

Kɔgya 125:5

Nsu bani nénwini básia ulu gontii lɛlɔ ni, Unwoti ɔdubuti-ma utásalaku alaekpidi bablane na ɔni-ma kɔtu. Nsu Israel anwu ni, ɔkɛ atu bɔyɔ ku keyi buɛɛ.

Yesaia 33:8

Ɔdi ɔsɔ ulakana ulu bɔyu busie kesii kadi anwuɔsu alanu ukyuli ɔdi na ulu ɔdi lɛlɔ. Bébile ala ani na búnyimi búse. Na si ina ɔdi anii ataadi linyese lɛdi lɛlɔ muedi ukyuli ɔdi ɔsɔ ulábu-ɔ.

Yeremia 6:25

Unwoti ɔnini, “Bitesie bina mmo bɛnii bitátuma iye bɛkɛ ulu lɛlɔ bitaavi muedi, amu bɛdubuduo ɔgbankpi kemmo ɔƒɛni kani. Bina bekisine bátu akpagya geen bakɛ kesi kesii.

Kɔnyana Buwulo 1:4

Lilu lɛni ntɛ lísela Sion ƒui lɛtɛ kɔka ku kɔnyana ɔsika ukyuli ɔdi ɔsɔ ulásia-ni lɛlɔ na besie batádi bana emeyi buni adi. Nwuna ɔma unegudi lɛban kɔyakun ƒui kuse ukpludi. Na bakpane bammɔ beewulo teedumo. Banana bamba beebo teebeƒie-nwu badagyaa taatɔlɔku. Na kɔnyana ku ɔdu kati kati náƒɔ ɔma ɔmmɔ.

Kɔnyana Buwulo 4:18

Bekisine báka-bu bákya na lɛblɔnu linengudi ƒui lɛlɔ, na bɔsɔ buuubo kasiakɔ. Bula uwi údu ka bɔyii udu.

Lewiƒuɔ Ɔda Bubo 26:22

Na ndubudie beƒiebuo lɛkya-mii na beƒie bina bebi, na bayila bina bebuo ƒui udu kede kede, na bina bumomo bubo kalɔ geen, na ɔkɛnku ɔmmɔ ɔsu na bina lilu lɛtɛ kɔka ukpludi na bekyuli basɔ balasia-ni lɛlɔ.

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Litemi Batɛne 3:31

Ɔmmɔ kama Israelƒuɔ básɔ bákɛ litemi ɔtɛne bamba. Na anwu ndi Samgar na ɔti ndi Anat, na anwu lɛnɔ úkpo ɔ́ƒɔ Israelƒuɔ. Na úti ugyii ɔdadi ɔ́du Ƒilistiƒuɔ nkyuli eti leevu-anyɔ (600).

Litemi Batɛne 5:7

Ngba bulie na akpaklɔ lɛma na Israel kenye kébo kalɔ. Úbo kalɔ úti útédu uwi ɔni na ami Debora líbo. Na líbo aani ubi uni úte Israel ƒui.