Litemi Batɛne 5:23 - Katɔti Ɔku Kedee

²³ Na Unwoti ɔtu ɔdi úbo na ɔ́su ɔnini, ‘Biwida Meros, na bɛsɔ biwida bekyuli bani nli mmɔ. Ɔsika bétebo bétebebunku Unwoti na bekpo. Nka bɔlɛ na balɛ bebo bebebunku-nwu na bekpo otogyi ɔmmɔ.’

Litemi Batɛne 5:23 ပူးပေါင်းရင်းမြစ်များ

Nehemia 3:5

Na ɔni nsɔ nsia ni, Tekoa bakloƒu nátu. Nsu bana ɔma banana batɔnkune béni kabla kani bana lɛlɔ banune béte-ma ka babla.

Kɔgya 94:16

Ɔma ndubo-mi bubunku na ukpo balalane bammɔ ute-mi?

Yeremia 48:10

“Mɔɔwia ka bɛdu Moabƒuɔ ƒui. Na si bɛ́ya na bana ɔdi úkeli ni, ndubo-mii buwida.

Mateo 25:41

“Amu na ɔdubɔsu bani na ɔ́ya na bésie kama ɔnini, ‘Bɛkpɛ bɛlɛ-mi lɛlɔ, amii bani na Katɔti úwida! Biteesie lɛgyavonku lɛni neeeni kudii na Katɔti ɔ́klibi úse úte ukisine ɔmmɔ ku nwuna ayu ekpidi kemmo!

Romaƒuɔ 15:18

Lɛɛɛdubo bɔyii bɔsu lɛla lɛdi na lɛla bamba lɛdi lɛlɔ ntu lɛla lɛni na Kristo ɔ́bla ɔkɛnku-mi lɛlɔ kani. Ɔ́ya na lɛ́kpanku bekyuli bani naaadi Yudaƒuɔ, kalɛ bebo na badi Katɔti litemi lɛlɔ ɔkɛnku lɛla lɛni na lɛ́su-ma na lɛ́bla lɛnɔ ɔsu.

Korintoƒuɔ 1 16:22

Ukyuli biala na ulayɔ Blɔti ni, ɔdubɔnuku-ni! O Blɔti, bo!

Korintoƒuɔ 1 3:9

Ɔsika bɔdi bakpana na kabla kenwi kemmo. Na bɔ́sala bɔɔbla-ka teete Katɔti. Na amii bise aani Katɔti kemmo kani lɛlɔ na bunye bɔɔtuma. Na bise lɛnɔ aani ɔtɔ ɔni na Katɔti ɔ́tu.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Litemi Batɛne 13:3

Mmɔ na Unwoti ɔtu ɔdi údie lɛlɔ ɔ́tina-nwu na ɔ́su-nwu ɔnini, “Udinkɔ na adi na átawɔ kudii, nsu adubo kaƒɔ bɔda na awɔ ubi ɔnanabi.

Litemi Batɛne 2:1

Uwi ɔmmɔ ni, Unwoti ɔtu ɔdi ɔ́si Gilgal úsie Bokim, na ɔ́kɔ lɛsa úte Israelƒuɔ ɔnini, “Lídie-mii lɛ́lɛku Egyipte kalɔ lɛlɔ, na líti-mii lísienku kalɔ kani líse kenye ka meti mete bina bati kuuku lɛlɔ. Na lɛ́su ka lɛɛɛdubo bɔlɛ bunyimi bɔni na línyimiku-mii mmɔ kama.

Litemi Batɛne 21:5

Amu ba béye lɛlɔ banini, “Ɔma bene nébu na bula kaba bekyuli akɔ na beeebo Unwoti anumi na mɛni?” Ɔsika bése kenye banii kɔdua kɔni néni ka ubo Unwoti anumi na Mispa ni, ɔlɛka bayila kɔdua kammɔ ƒui udu.

Litemi Batɛne 21:8

Anwuɔsu béye lɛlɔ banini, “Ɔma bene nébu na bula kaba bekyuli akɔ na beeebo Unwoti anumi na Mispa mɛni?” Mmɔ na bánu báti ka ukyuli ɔdi útasi Yabes-Gilead útebo kasala kammɔ.

Litemi Batɛne 4:6

Amu na limeyi lɛdi ni, Debora ɔ́tala na bátálɔ Barak ɔni ndi Abinoam ubidi na uli Kades-Naƒtali béte-nwu. Ka úbo ni, ɔ́su-nwu ɔnini, “Unwoti ɔni ndi Israelƒuɔ Katɔti ɔɔsu-ɔ ɔnini, ‘Ti bekpone mpim leevu (10,000) siku Naƒtali ku Sebulon adua kemmo na akpanku-ma esienku Tabor Kɔbi lɛlɔ.

Litemi Batɛne 5:13

“Ɔmɛni kama ni, banana bani nébu bébo bábanu bana benengu. Na Unwoti bekyuli bakladi básala lɛlɔ ku bana bayikune bébo.

Litemi Batɛne 6:11

Amu na Unwoti ɔtu ɔdi úbo na úbelie kugyii bonwu kɔdi kalɔ na Oƒra ɔma kemmo. Na kugyii kɔmmɔ kɔdi Yoas ɔni nási Abi-Eser kɔdi. Mmɔ na ubidi Gideon ɔkya uuwiile edula ebi teewi ntɛ kebulokɔ kalɛ na Midianƒuɔ balanu-nya beledie kemmo.

Litemi Batɛne 8:5

Na ka bébedu Sukot ni, ɔ́su Sukot bekyuli ɔnini, “Bite mina bekpone bamɛni bodobodo ɔdi na badi, ɔsika lɛlɔ lítu-ma, nsu lɛ́mu nsiaku Seeba ku Salmuna bani ndi Midian baga kama mɔɔbɔku-ma.”

Litemi Batɛne 8:6

Nsu Sukot batɔnkune bammɔ básu Gideon banini, “Ɔni na éteƒie tɔ Seeba ku Salmuna bekyuli mɛni ni, bi ɔsu na ɔlɛka bute ƒula bekpone adila adi na badi?”

Litemi Batɛne 8:8

Na ka Gideon ɔ́si mmɔ ni, úsie Penuel na úye ama lɛnɔ lɛla lɛni kani na úye Sukot kadi bekyuli. Na kenye kani na Sukotƒuɔ bédie ni, aka kani na Penuelƒuɔ lɛnɔ bédie.

Samuel 1 17:47

Lɛla lɛdi litatɔlɔ-ɔ, ɔsika Unwoti mɔɔyá na ukyuli ɔɔdi lɛlɔ, na ɔɔɔdi kewii iye lɛtula ɔyikun kemmo. Ɔsika kekpo kammɔ kadi Unwoti kadi. Na anwu ɔmmɔ ndubɔya na bɔdi-ɔ lɛlɔ lɛnɔ.”

Samuel 1 18:17

Amu na limeyi lɛdi ni, Saul ɔ́lɔ Dawid na ɔ́su-nwu ɔnini, “Aanu mina ubi ulekubi unengudi Merab mɛni. Ndubuti-nwu lite-ɔ na eti aani ƒ'ulekudi si adubɔbla-mi kabla aani ukpone ɔni mɔɔbla kayi, na ekpo kekpo na Unwoti lɛnyi kemmo.” Nsu ɔmɛni ƒui ni, kɔkwɛ kani na Saul ɔɔkya, ɔsika ɔɔwia ka Ƒilistiƒuɔ badu Dawid si bésie kekpokɔ, na ulekpi na Saul ɔlati enu kemmo.

Samuel 1 25:28

Buvele kemmo, ti ƒula kabla ɔblane bɔƒiɔ ƒui kyiɛ-nwu. Unwoti ɔdubɔgyumana-a ku ƒula kaduli bekyuli ƒui uwi ndi uwi, ɔsika nwuna kekpo na enye eekpó. Na muuvele lɛnɔ nnii na ƒula ngba bulie uwi ƒui ni, Unwoti udie-ɔ na alabla lɛla likpidi lɛdi.

Samuel 1 26:19

Buvele kemmo, nu lɛla lɛni ndubo-ɔ bɔsu. Si Unwoti náya na asiaku-mi eekpóku-mi lɛni ni, ndubuvele-nwu na lɛbla akpala lite-nwu na ɔdubunwini kasusu. Na si bekyuli muudí-ɔ taakya-mi ɔsu na asiaku-mi lɛni ni, Unwoti ɔdubuwida-ma. Ɔsika bana ablala nábɔku-mi álɛku Unwoti kalɔ kemmo na banii ntátaakpa kalɔ bamba baƒiɔ.