Litemi Batɛne 5:15 - Katɔti Ɔku Kedee

¹⁵ Na Isakar bagabi básiaku Debora. Na badi lɛnɔ basiaku Barak ku usi bétédu kɔwɛ kemmo. Na Ruben kɔdua ama béle lɛlɔ kemmo inyɔ, anwuɔsu bátati lɛla lɛni babla.

Litemi Batɛne 5:15 ပူးပေါင်းရင်းမြစ်များ

Ala Kalɔ Buse 35:23

Lea bebi bani na ɔ́wɔ úte Yakob ndi Ruben ɔni ndi Yakob ubi unengudi. Nwuna kama báwɔ Simeon ku Lewi ku Yuda ku Isakar asa na Sebulon.

Ala Alɛdi 1 12:32

Na Isakar kaba kemmo bekyuli bani nánu uwi ɔmmɔ kemmo ala báti na bagyi lɛla lɛni ndubɔlɛ kɔsia bebo batɔnkune bumomo eti ene (200) ku bana lɛlɔ bekyuli bani na lɛlɔ na baadi.

Agba 22:13

Ɔkɔsɔne ubo kɔkɔsɔ kɔkwɛ pii na uuti teete lɛlɔ kuƒi na ɔɔsu ɔnini, “Ɔƒɛni kalɛ si lɛ́lɛ lísie ntábla lɛla lɛdi ni, ndubo gyata bɔsiaku na ulu lɛlɔ na ɔdu-mi!”

Batalane Kabla 15:39

Amu na bana inyɔ bamɛni báni Marko Yohane lɛlɔ litemi lɛmɛni bénene laa ɔni náya na bégyingyaku lɛlɔ. Barnaba útiku Marko na básia ntu anumi na bátɔlɔ bésie Kipro.

Batalane Kabla 20:13

Amu na Paulo ɔ́sia lɛgba ulu úsie Aso. Nsu abu bani na abu ku-nwu bɔkɛ ni, búti ɔkɔlɔ bɔ́gyu bɔ́tɔ-nwu kalɛ na butása mmɔ na buti-nwu aani kalɛ na ɔ́su.

Korintoƒuɔ 2 11:2

Muukpó-mii lɛlɔ kogyulo teete Katɔti. Lívele-mii líte Kristo aani kalɛ na beevele adagyaa ɔni nse sɛɛn teete kɔgya.

Litemi Batɛne 4:10

Na Barak ɔ́ya na Sebulon ku Naƒtali adua bekyuli bálɛ bébo. Na bekpone mpim leevu básiaku-nwu. Na Debora lɛnɔ ɔ́siaku-ma.

Litemi Batɛne 4:14

Amu na Debora ɔ́su Barak ɔnini, “Yu teesie! Ɔsika ɔmwi kadi Unwoti úti Sisera ɔ́kya-a enu kemmo.” Anwuɔsu Barak úti nwuna bekpone mpim leevu ɔ́siku Tabor Kɔbi mmɔ.

Litemi Batɛne 4:6

Amu na limeyi lɛdi ni, Debora ɔ́tala na bátálɔ Barak ɔni ndi Abinoam ubidi na uli Kades-Naƒtali béte-nwu. Ka úbo ni, ɔ́su-nwu ɔnini, “Unwoti ɔni ndi Israelƒuɔ Katɔti ɔɔsu-ɔ ɔnini, ‘Ti bekpone mpim leevu (10,000) siku Naƒtali ku Sebulon adua kemmo na akpanku-ma esienku Tabor Kɔbi lɛlɔ.

Litemi Batɛne 5:16

Na beeye banii bi ɔsu na básɔ bakya baƒonu bammɔ kudɔ, na beteenu kalɛ baƒonu badane bammɔ bakpali bana bebuo. Sɔsɔ na ɔdi ka Ruben kɔdua béle lɛlɔ kemmo inyɔ. Ɔmɛni ɔsu na bábla kasusu ka belésie.