Litemi Batɛne 3:7 - Katɔti Ɔku Kedee

⁷ Amu na Israelƒuɔ bábla likpidi na Unwoti anumi. Na ɔkɛnku ɔmɛni ɔsu báyiƒala bana Unwoti Katɔti, na bénwini bátákpa Baal ku Asera baƒiɔ.

Litemi Batɛne 3:7 ပူးပေါင်းရင်းမြစ်များ

Baga 1 16:33

Na ɔ́lɛ ɔƒiɔgyii úte Asera baƒiɔ. Na ɔ́bla ala ani na ányi anyi geen etulo baga bani ƒui nádi lɛga na Israel úti ɔ́gyila Unwoti Israel Katɔti kɔnyi.

Baga 1 18:19

Ɔƒɛni kɔ lɛsa na alɔ Israelƒuɔ ƒui ku Baal kenye bediene eti yaalenwi bammɔ ku Asera kenye bediene eti maane bani na ama ku Isebel baadi na likpo linwi mmɔ na babasiaku-mi na Karmel Kɔbi lɛlɔ.”

Baga 2 23:14

Na Ɔga Yosia ɔ́kɔ atabi ammɔ kpɛtɛ kpɛtɛ ɔ́bla ɔtumu, na ɔ́gyu Asera liƒiɔgyii lɛmmɔ údie. Na kesii kani na ɔ́gyu ligyii lɛmmɔ údie ni, úti bekyuli ekubi útébile bana ekisila na mmɔ.

Baga 2 23:6

Na ɔ́da Asera ɔƒiɔgyii údie kakpakɔ mmɔ úsienku Kidron Kɔwɛ na útákyula-nya. Na úti ntu ɔ́nwu ntɔ bɔmmɔ kpɛtɛ kpɛtɛ na útakuna-nwu úwi bekyuli kavakɔ.

Ala Alɛdi 2 15:16

Asa unieku ɔni baalɔ Maaka ɔ́tu baƒiɔ bonwu badi úte uleku Asera kɔwɔ baƒiɔ, anwuɔsu Asa ɔ́bwɛ-ma úwi kalɔ na ɔ́la bana lɛla biala útákyula na Kidron Kɔwɛ kemmo. Na ɔ́ya na bátu Maaka ɔmɛni beleku lɛga lɛni na ɔɔdi.

Ala Alɛdi 2 24:18

Anwuɔsu bétebile uwi ɔdi munu munu asa na báda Unwoti Katɔti bɔkpa báya na nwuna kakpakɔ na bése kalɔ baakpa ala ani na bávɔ béte Asera baƒiɔ beledi bammɔ. Na ɔkɛnku ɔmɛni ɔsu Unwoti Katɔti úti kɔnyi kpakplaa ɔ́kya Yudaƒuɔ ku Yerusalemƒuɔ bammɔ ƒui.

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Ala Alɛdi 2 33:3

Ɔ́sɔku kadi bamba bekyuli bammɔ aƒiodu ani na ɔti Hesekia ɔ́bwɛ mmɔ ɔ́tu. Na ɔ́tu lɛkpabi úte Baal baƒiɔ na ɔ́sɔku Asera baƒiɔ beledi lɛƒiɔgyii ɔ́lɛ. Na ɔsiaku ayabi kama ɔɔkpá-nya.

Ala Alɛdi 2 34:3

Yosia úse kalɔ ku Katɔti bɔkpa uwi ɔni kani na ɔ́ƒɔ akwa leevu-aku aani nwuna nana Dawid kalɛ. Na akwa ene kama ni, ɔ́lɛ ugyii ka ɔ́yila kadi bamba baƒiɔ ku aƒiodu ani ƒui na akya Yuda ku Yerusalem ku lɛƒiɔgyii lɛni na bálɛ béte Asera baƒiɔ beledi ka bataakpa.

Ala Alɛdi 2 34:7

Na kesii biala na Israel lɛga kadikɔ kani na katɔ kakɛ ni, lɛni kani na Yosia ɔ́bwɛ baƒiɔ bammɔ ku ana akpabi ƒui ku Asera lɛƒiɔgyii lɛmmɔ ku oloƒui kɔkyulakɔ ƒui kpɛtɛ kpɛtɛ únwini ɔtumu. Ɔmmɔ kama ni, Yosia ɔ́sɔ únwini úsie Yerusalem.

Kɔgya 106:35

Mmomu básalaku-ma na basiaku bana ɔbladu kama na baabla lɛla linwi.

Kɔgya 106:36

Na Katɔti bekyuli bébenwini baƒiɔ bakpane. Na ɔmmɔ geen náya na Katɔti ɔ́yila-ma udu.

Kɔgya 106:7

Uwi ɔni na bula bati kuuku bákya Egyipte kalɔ lɛlɔ ni, bétenu ƒula akɔla ala budie taatina kalɔ. Na bétenyimo ƒula lɛƒɔndia pii lɛni na ábla-ma lɛnɔ. Mmomu báta bénye-ɔ lɛlɔ na Ɛpugyie ɔmmɔ kudɔ.

Israelƒuɔ Bɔlɛ 34:13

Mmomu bo bana akpabi ƒui bwɛ na ayila bana baƒiɔ bani baalɔ banii Asera ligyii lɛni bálɛ ƒui udu.

Yeremia 23:27

Baasu lɛlɔ ana ani na bégye na baada bekyuli kasusu teedie-mi lɛlɔ kalɛ na beni-mi aani kalɛ kani na bana bati kuuku béni-mi na bésie baakpá Baal baƒiɔ.

Lɛkpa Ulu 16:21

Si bɛɛtú lɛkpabi lɛdi bite bina Unwoti Katɔti ni, biteti baƒiɔ beledi bani baalɔ banii Asera ɔƒiɔgyii bitalɛ Katɔti lɛkpabi lɛmmɔ kudɔ.

Lɛkpa Ulu 4:9

Nsu uwi ɔni na bilie ngba mɛni ni, binye kagyumana uwi biala kemmo kalɛ na bilayiƒala ɔda bubo bɔmmɔ. Na ala ani ƒui na bíti bina anumi bɛ́nu ni, biti bɛsu bina bebi ku bina bawɔ.

Lɛkpa Ulu 8:11

Na bise likpo na bitayiƒala Unwoti Katɔti. Na bitedie atu na nwuna ɔda bubo ku nwuna ala bɔtina bɔni líti muute-mii ɔmwi mɛni lɛlɔ.

Lɛkpa Ulu 8:14

bɛnu kaduɛ na bilatalaku lɛlɔ katɔ na bɛyiƒala bina Unwoti Katɔti ɔni nébedie-mii na Egyipteƒuɔ kalɔ lɛlɔ kesii kani na bénye-mii lɛlɔ na bɛɛbla bana kabla.

Lɛkpa Ulu 8:18

Mmomu binyimo ka bina Unwoti Katɔti néte-mii ɔyikun ɔmmɔ asa na bɛ́bla akɛla ammɔ na úti ɔɔtina ka ɔ́di kenye kani na úse ku bina bati kuuku úse lɛlɔ aani kalɛ na use ɔmwi mɛni.

Litemi Batɛne 3:12

Amu na Israelƒuɔ básɔ bábla likpidi na Unwoti anumi. Na ɔ́si likpidi lɛni bábla mɛni ɔsu ni, Unwoti ɔ́ya na Moab ɔga ɔni baalɔ banii Eglon ɔ́kɛ ɔyikun na Israelƒuɔ lɛlɔ.

Litemi Batɛne 3:8

Ɔ́si kalɛ na Unwoti úti kɔnyi kati kati ɔ́kya Israelƒuɔ ɔsu ni, Unwoti ɔ́nyonu-ma ɔ́kya Ɔga Kusan Risataim enu kemmo. Na Israelƒuɔ bénwini kabla bablane béte nwuna bekyuli na Naharaim Aram kalɛkɛ lɛlɔ akwa maane.

Litemi Batɛne 6:25

Amu na usien ɔmmɔ ni, Unwoti ɔ́su Gideon ɔnini, “Ti ƒula ɔti ɔmantɛ akɔ ɔni nsiaku ebuo unengudi kama unyɔdi ɔni náakɛ akwa maatɛ. Na atáƒɛ ƒ'ɔti Baal baƒiɔ bani na ɔ́tu ɔ́lɛ mmɔ. Na amɛnɛ Asera kugyii kɔni kunye-nwu kudɔ mmɔ ewi kalɔ.

Litemi Batɛne 8:33

Na uwi klukui ɔdi kemmo na Gideon kekpima ni, Israelƒuɔ básɔ bése kalɔ baakpá Baal baƒiɔ. Na béti Baal-Berit bábla bana Katɔti.

Litemi Batɛne 8:34

Na bétenyimo bana Unwoti Katɔti ɔni nédie-ma ɔ́lɛku bana bekisine ƒui enu kemmo.

Samuel 1 12:10

Na uwi biala na bádi-ma lɛlɔ lɛni ni, beenwíni kayi na bewulo bevele Unwoti banini, ‘Bɔ́bla alaekpidi bɔ́ƒiɔ-ɔ, O Unwoti, na búnwini kama bɔ́kya-a na bɔɔkpá ala bamba, aani Baal baƒiɔ ku Astarot baƒiɔ. Nsu ɔƒaani ni, die-bu lɛku bula bekisine enu kemmo na bɔdubɔbla-a kabla.’

Samuel 1 12:9

“Nsu ɔmɛni ƒui ni, bula bati kuuku bammɔ báyiƒala Unwoti bana Katɔti. Ɔmmɔ ɔsu na anwu lɛnɔ úte kuƒi na bana bekisine békpoku-ma. Na bekisine bammɔ akɔ ɔdi ndi Sisera, Hasor bekpone ɔtɔnkune. Ukisine ɔbambadi ɔni nádi-ma lɛlɔ lɛnɔ ndi Ƒilistiƒuɔ. Na Moabƒuɔ ku bana ɔga lɛnɔ bábadi-ma lɛlɔ.