Litemi Batɛne 3:16 - Katɔti Ɔku Kedee

¹⁶ Na Ehud ɔmɛni ɔ́bla kewii kani bádɔ-ka lɛƒɛnyi inyɔ úte lɛlɔ, na kewii kammɔ bune bɔbla aani lɛgba bɔka unwi ku kakɛ. Na úbo kewii kammɔ ɔ́da nwuna kɔdianu kavobi kakɛ, na ɔ́kya awu ɔ́sia-nwu lɛlɔ.

Litemi Batɛne 3:16 ပူးပေါင်းရင်းမြစ်များ

Samuel 2 20:8

Uwi ɔni na bétédu kesii kani baalɔ banii Lɛtakpɛ Bonwu na Gibeon ni, Amasa úbasiaku-ma na mmɔ. Na Yoab ɔkya nwuna kekpo lɛwu na kewii kakya livuo kemmo na kada-nwu kavobi. Ka Yoab údie ɔgba úsienku anumi kani na kewii kammɔ kálɛ livuo kemmo kébo kalɔ.

Kɔgya 149:6

Bɛya na buteenu bana bumwi lɛnu kɔku na bana inye kemmo. Na beti kuwii kɔni bádɔ-ku lɛvi inyɔ bada.

Kɔgya 45:3

O Ɔga ɔni ntulo ƒui, ti ƒula kewii bala ƒula kavobi. Na ada agala ani muukeye.

Lɛnu Ƒui Ɔnu 3:8

Kewii kama ɔdi biala ligu. Na badi bekyuli bani na kekpo káma-ma enu ɔni na usien muedi benye kagyumana bete lɛla biala.

Hebriƒuɔ 4:12

Katɔti litemi lɛdi lɛla lɛni mbo ngba na lɛɛbla kabla pla pla teetulo kewii kani na bádɔ-ka lɛvi inyɔ. Na liiduo ukyuli kasusu ku kɔyu ntɛ. Na lɛɛbla lɛni aani kalɛ na kewii keele ɔlɔna ku ekubi ntɛ. Litemi lɛmmɔ lɛɛnu lɛla biala lɛni nkya ukyuli kasusu ku kayi kemmo taatina-nwu.

Budie Taatina 1:16

Ukyuli ɔmmɔ ɔda ayabi maatɛ na nwuna kɔdianu. Na litemi geen lɛni nse aani kewii kani na bádɔ-ka lɛvi inyɔ lɛɛlɛ́-nwu kenye. Na nwuna anumi eekeye aani kalɛ na ɔƒɛ ɔɔbi.

Budie Taatina 2:12

Na ɔ́su-mi ɔnini, “Nweni ɔku te Pergamo baƒɔtaadine lɛkpa ɔtu anii, “Ami Yesu mbo kewii kani bádɔ-ka lɛvi inyɔ mmɔ. Na ami mɔɔsu kenye kamɛni.

Litemi Batɛne 3:15

Amu na Israelƒuɔ básɔ béwulo bákpali Unwoti, na Unwoti ɔ́sɔ úte-ma udiene. Na udiene ɔmmɔ baalɔ banii Ehud. Na Ehud ɔmɛni ɔdi kɔmii ukyuli, na ɔti ndi Gera ɔni nási Benyamin kɔdua kemmo. Na Israelƒuɔ bátala Ehud ɔmɛni ka uti etela adi utéte Ɔga Eglon ɔni nási Moab.

Litemi Batɛne 3:17

Na úti etela ammɔ úsienku Ɔga Eglon ɔni nébomo geen ku lɛmwi sɔɔn.

Litemi Batɛne 3:21

Ehud úti nwuna kɔmii na ɔ́ni nwuna kewii kani nƒa nwuna kavobi mmɔ ɔ́kpa na ɔ́tu ɔga ɔmmɔ kaƒɔ.