Litemi Batɛne 3:11 - Katɔti Ɔku Kedee

¹¹ Anwuɔsu kalɔ kammɔ kákɛ atu bɔyɔ akwa aavlene úti útédu ka Otniel ɔni ndi Kenas ubidi úkpi.

Litemi Batɛne 3:11 ပူးပေါင်းရင်းမြစ်များ

Ala Alɛdi 1 4:13

Na Kenas bebi ndi Otniel ku Seraia. Na Otniel bebi ndi Hatat ku Meonotai.

Nehemia 9:28

“Nsu uwi ɔni na bákɛ bɔnwuna blii ni, basɔ bábla likpidi na ƒula anumi. Amu na awɔ lɛnɔ ányonu-ma éte bana bekisine kalɛ na badi-ma lɛlɔ. Amu ka básɔ béwulo bákpali-ɔ ni, énu-ma kɔvanu na kalɔ mmɔ. Na ƒula kɔnyana bɔnu kemmo ni, eedie ukyuli ɔni ndubukpo ɔƒɔ-ma si báƒiɔ-ɔ uwi ndi uwi.

Ester 9:22

ku limeyi lɛni na Yudaƒuɔ békpo bana bekisine, na bákɛ bɔnwuna básiku-ma enu kemmo. Úte-ma bɔti ka badi limeyi lɛmmɔ ku ebiti na bete bana banwani etela ku adila, na batayiƒala bawabane.

Yosua 11:23

Ɔmmɔ ɔsu Yosua úkpo ɔ́di kɔlɔ kɔmmɔ ƒui lɛlɔ aani kalɛ kani na Unwoti úbo Mose ɔda. Na Yosua úle kɔlɔ kɔmmɔ úte Israelƒuɔ na bana kaba kenye. Na kɔlɔ kɔmmɔ kúnwini bana kɔdikɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.

Yosua 15:17

Amu na Kaleb ɔnwani Kenas ubidi ɔni baalɔ Otniel útékpo na ɔ́di ɔma ɔmmɔ lɛlɔ. Na Kaleb úti ubidi Aksa úte-nwu na úti.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Litemi Batɛne 3:12

Amu na Israelƒuɔ básɔ bábla likpidi na Unwoti anumi. Na ɔ́si likpidi lɛni bábla mɛni ɔsu ni, Unwoti ɔ́ya na Moab ɔga ɔni baalɔ banii Eglon ɔ́kɛ ɔyikun na Israelƒuɔ lɛlɔ.

Litemi Batɛne 3:30

Limeyi lɛmmɔ Israelƒuɔ bádi Moabƒuɔ lɛlɔ, na Israelƒuɔ bákɛ atubɔyɔ akwa liti ku avlaatɛ.

Litemi Batɛne 3:9

Nsu ka Israelƒuɔ béwulo bákpali Unwoti ni, Unwoti úte-ma udiene ɔdi, na anwu ndi Otniel, Kaleb ɔnwani ɔnamudi ubidi Kenas. Na anwu nékpo ɔ́ƒɔ-ma.

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.

Litemi Batɛne 8:28

Lɛni na Israelƒuɔ bádi Midianƒuɔ lɛlɔ na básɔ bátalɛ lili kudii. Na Gideon uwi ɔmmɔ kemmo ni, atu bɔyɔ bɔ́kya kalɔ kammɔ lɛlɔ ƒui akwa aavlene sɔɔn.