Litemi Batɛne 21:5 - Katɔti Ɔku Kedee

⁵ Amu ba béye lɛlɔ banini, “Ɔma bene nébu na bula kaba bekyuli akɔ na beeebo Unwoti anumi na mɛni?” Ɔsika bése kenye banii kɔdua kɔni néni ka ubo Unwoti anumi na Mispa ni, ɔlɛka bayila kɔdua kammɔ ƒui udu.

Litemi Batɛne 21:5 ပူးပေါင်းရင်းမြစ်များ

Yeremia 48:10

“Mɔɔwia ka bɛdu Moabƒuɔ ƒui. Na si bɛ́ya na bana ɔdi úkeli ni, ndubo-mii buwida.

Litemi Batɛne 21:1

Uwi ɔni na Israelƒuɔ banana básala belie Mispa ni, bése kenye ka ɔdi biala uleti nwuna ubi ulekubi ulete Benyamin kɔdua ukyuli ɔdi na weti.

Litemi Batɛne 21:18

Na básu lɛlɔ banini, “Bulakana na buti bula belekubi bute-ma na beti-ma. Na kenye kani búse mmɔ ndi ka, ‘Bɔbuɛ bɔdi bute ukyuli ɔni meti nwuna ubi ulekubi wete Benyamin kɔdua kɔdi ka uti-nwu.’

Litemi Batɛne 21:6

Na mmɔ lɛnɔ na Israelƒuɔ béwulo Benyamin kɔdua lili. Ɔsika básu banii, “Ɔmwi limeyi lɛmɛni kɔdua kunwi kɔ́yii na Israel adua kemmo.”

Litemi Batɛne 5:23

Na Unwoti ɔtu ɔdi úbo na ɔ́su ɔnini, ‘Biwida Meros, na bɛsɔ biwida bekyuli bani nli mmɔ. Ɔsika bétebo bétebebunku Unwoti na bekpo. Nka bɔlɛ na balɛ bebo bebebunku-nwu na bekpo otogyi ɔmmɔ.’

Samuel 1 11:7

Mmɔ kani na úƒie ɔmantɛ bakɔ inyɔ ɔ́du na úle lɛna lɛmmɔ wɛlɛwɛlɛ. Amu na úti lɛna lɛmmɔ úte nwuna batalane badi na ɔ́su-ma ɔnii beti lɛna lɛmmɔ na bavi Israelƒuɔ kalɔ lɛlɔ ƒui na batásu-ma banini, “Bɛnu! Ebuo ɔni na ami Saul lɛ́du líle mɛni, si ukyuli ɔni na útata na ɔsiaku-mi ku Samuel na busie butékpo ku Amonƒuɔ ni, ndubɔya na beƒie ukyuli ɔmmɔ ɔmantɛ bakɔ na badu-ma aani kalɛ na líƒie ɔmɛni lɛ́du na líle-nwu wɛlɛwɛlɛ na bɛɛnu mɛni.” Na ka bénu Saul kenye kammɔ ni, Katɔti ɔ́ya na bana ƒui báyia geen, ɔsika bánu ka Katɔti úti ɔyikun ɔdi úte-nwu. Ɔmmɔ ɔsu bana ƒui bénu kalɔ ka basiaku-nwu na betékpo.

Samuel 1 14:24

Lɛlɔ lítu Israelƒuɔ geen na bábla kpɛtɛ kpɛtɛ na kɔka ɔsu. Ɔsika asa na badubusie kekpokɔ kammɔ ni, Saul ɔ́kpali Katɔti ɔ́kya-ma úse kenye na úbo-ma ɔda ɔnini, “Ukyuli biala uuubo kuƒi na ɔkya lɛdila lɛdi kenye wetédu ka lídie bula bekisine bamɛni kasi. Na ukyuli biala ɔni náta únye ɔmɛni lɛlɔ na ɔ́bla lɛla bamba ni, Katɔti ɔdubuwida-nwu.” Ɔmmɔ ɔsu bekpone bammɔ ɔdi biala útakya lɛla lɛdi kenye.