Litemi Batɛne 21:10 - Katɔti Ɔku Kedee

¹⁰ Ɔmɛni ɔsu Israelƒuɔ bátala bekpone mpim leevu-inyɔ ka beteesie Yabes-Gilead na betékpoku-ma. Na si bésie ni, na badu ukyuli biala ku beleku ku banamu.

Litemi Batɛne 21:10 ပူးပေါင်းရင်းမြစ်များ

Bumomo Bɔka 31:17

Ɔmɛni ɔsu bɛdu banana bammɔ ƒui ku beleku bani na ama ku ɔnana báatɛ dii.

Lɛkpa Ulu 13:15

bɛdu bekyuli bani ƒui nlie ɔma ɔmmɔ kemmo. Na bɛdu bana bebuo ƒui lɛnɔ. Na bɛnu ka bɛ́yila ɔma ɔmmɔ udu ƒui.

Yosua 7:24

Ɔmmɔ kama Yosua ku Israelƒuɔ béƒie Akan ku bebi bananabi ku belekubi ku nwuna ɔmantɛ bakɔ ku baƒonu ku bebuo beblidi ala betine bani na ubo ku sika ɔƒualadi ku awu gyɔlɔɔ ku sika ugyiedi ugyii ku nwuna kevo ku ala ani nse-nwu, na béti anwu ku ala ammɔ ƒui bésienku kɔwɛ kɔni baalɔ banii Akɔ nwuna kalɔ ndi Lɛbibo Kɔwɛ.

Litemi Batɛne 21:5

Amu ba béye lɛlɔ banini, “Ɔma bene nébu na bula kaba bekyuli akɔ na beeebo Unwoti anumi na mɛni?” Ɔsika bése kenye banii kɔdua kɔni néni ka ubo Unwoti anumi na Mispa ni, ɔlɛka bayila kɔdua kammɔ ƒui udu.

Litemi Batɛne 21:8

Anwuɔsu béye lɛlɔ banini, “Ɔma bene nébu na bula kaba bekyuli akɔ na beeebo Unwoti anumi na Mispa mɛni?” Mmɔ na bánu báti ka ukyuli ɔdi útasi Yabes-Gilead útebo kasala kammɔ.

Litemi Batɛne 21:9

Na ka báka bana bumomo ni, báti ka Yabes-Gileadni ɔdi uuubo mmɔ.

Litemi Batɛne 5:23

Na Unwoti ɔtu ɔdi úbo na ɔ́su ɔnini, ‘Biwida Meros, na bɛsɔ biwida bekyuli bani nli mmɔ. Ɔsika bétebo bétebebunku Unwoti na bekpo. Nka bɔlɛ na balɛ bebo bebebunku-nwu na bekpo otogyi ɔmmɔ.’

Samuel 1 11:7

Mmɔ kani na úƒie ɔmantɛ bakɔ inyɔ ɔ́du na úle lɛna lɛmmɔ wɛlɛwɛlɛ. Amu na úti lɛna lɛmmɔ úte nwuna batalane badi na ɔ́su-ma ɔnii beti lɛna lɛmmɔ na bavi Israelƒuɔ kalɔ lɛlɔ ƒui na batásu-ma banini, “Bɛnu! Ebuo ɔni na ami Saul lɛ́du líle mɛni, si ukyuli ɔni na útata na ɔsiaku-mi ku Samuel na busie butékpo ku Amonƒuɔ ni, ndubɔya na beƒie ukyuli ɔmmɔ ɔmantɛ bakɔ na badu-ma aani kalɛ na líƒie ɔmɛni lɛ́du na líle-nwu wɛlɛwɛlɛ na bɛɛnu mɛni.” Na ka bénu Saul kenye kammɔ ni, Katɔti ɔ́ya na bana ƒui báyia geen, ɔsika bánu ka Katɔti úti ɔyikun ɔdi úte-nwu. Ɔmmɔ ɔsu bana ƒui bénu kalɔ ka basiaku-nwu na betékpo.

Samuel 1 15:3

Anwuɔsu sie na etékpoku-ma na ayila-ma lɛla biala na bebo udu. Tanu ɔdi biala kɔnyana. Banana ku beleku ku banamu ku bebiwɔ ku ɔmantɛ bakɔ ku baƒonu ku bebuo ala betine bani mbo keƒu ku baƒlumu ƒui, na tebu ɔdi tese.’ ”