Litemi Batɛne 20:6 - Katɔti Ɔku Kedee

⁶ Na líti mina ɔsɔnɔ ukpine ɔmɛni na líle-nwu eku eku leevu-inyɔ na líti límene Israel kaba leevu-inyɔ bammɔ. Ɔsika bábla likyulikpi ku kɔƒa ala na Israel.

Litemi Batɛne 20:6 ပူးပေါင်းရင်းမြစ်များ

Ala Kalɔ Buse 34:7

Yakob bebi báasi alakpi akɔ bébeduo. Ka bénu lɛla lɛni nálɛ ni, béti kɔnyi geen na kɔƒa kubendi lɛla lɛni na Sekem ɔ́blaku bana ɔnwani Dina ka bátɛ ɔsu. Ɔsika ɔmɛni ɔdi lɛla lɛni na útalɛka nka ɔbla na Israel.

Lewiƒuɔ Ɔda Bubo 18:24

“ ‘Na ɔdi biala utabla ala ani muusé lɛlɔ mɛni udu, ɔsika ana udu na kadi bekyuli bani na ndubo bɔbɔku budie bina anumi bábla bébile lɛlɔ na beesé lɛlɔ.

Lewiƒuɔ Ɔda Bubo 18:30

Ɔmɛni ɔsu bɛnu ka bɛ́di mina litemi lɛlɔ kalɛ na ɔdi ulabla ala ani bekyuli bani nélie mɛni bátaabla na beesé lɛlɔ mmɔ na bitasiaku bana ɔdi ala bɔbla kama na bibile lɛlɔ na biteese lɛlɔ bana kalɛ. Ami ndi Unwoti bina Katɔti.’ ”

Yosua 7:15

Na ukyuli ɔni ndubɔlɛ lɛnumi ni, nwuna kudɔ na ala ammɔ akya. Na beti ogya bakyula-nwu ku nwuna akɛla ƒui. Ɔsika úti kɔƒa kubendi uboku Israelƒuɔ lɛlɔ. Na útadi bunyimi bɔni na Katɔti únyimi-ku Israelƒuɔ lɛlɔ.’ ”

Litemi Batɛne 19:22

Uwi ɔni bakya baaní taakɛ ebiti ni, bekyuli bekpidi bani nkya ɔma ɔmmɔ kemmo bábaka bámana unengu ɔmmɔ kaduli. Na bakya beebó kaduli kammɔ kayakun, na baakpali unengu ɔni mbo kaduli kammɔ ka udie ɔnana ɔni néduo-ma kaduli mmɔ ɔlɛku na ama ku-nwu batɛ.

Litemi Batɛne 19:23

Kaduli ɔlati ɔmmɔ ɔ́lɛ keyi na útásu-ma ɔnini, “Oowo! Mina bakpana, bitaya na bɔbla likyulikpi lɛmɛni udu. Ɔsika ukyuli ɔmɛni ɔdi ɔƒɔ ɔni néduo-mi. Ɔmɛni ɔsu bitaya bɔkya lɛlɔ kɔƒa.”

Litemi Batɛne 19:29

Na ka úduo kaduli ni, úti kewii na úle ɔsɔnɔ ɔmmɔ eku eku leevu-inyɔ. Na úti lɛna lɛmmɔ umene Israel kaba leevu-inyɔ.

Litemi Batɛne 20:10

Na bɔdubudie nkyuli leevu bɔlɛku eti anyɔ biala kemmo, na beteete bakladi adila. Na bula bakladi bɔdubusie butáni Gibeaƒuɔ bammɔ kɔtu na likyulikpi ala ani na bábla ɔsu.”