Litemi Batɛne 20:23 - Katɔti Ɔku Kedee

²³ Na Israelƒuɔ bésie Unwoti anumi na bétéwulo bakya-nwu laa útédu useyi uwi. Na béye Unwoti banii, “Bɔsɔ busie na butékpoku bula banwani Benyamin kɔdua?” Amu na Unwoti údie kenye ɔnini, “Ɛɛn, biteesie bitékpoku-ma.”

Litemi Batɛne 20:23 ပူးပေါင်းရင်းမြစ်များ

Samuel 2 3:35

Na bébo Dawid kudɔ bébevele-nwu banii ɔkya lɛdila lɛdi kenye. Nsu Dawid úbulo na ɔ́su kpakplaa ɔnini, “Lɛɛɛdubo lɛla lɛdi bɔdi wetédu useyi uwi. Na si lɛ́kya lɛla lɛdi kenye asa na údu uwi ɔmmɔ ni, na Katɔti ɔni-mi kɔtu.”

Hosea 5:15

Na ndubɔsɔ linwini ntélie mina keliekɔ wetédu uwi ɔni na ama alati báƒɔ enu ka bábla ekpidi na benwini babawia-mi kama ulu. Na ɔkɛnku bana lɛbibo ɔsu ni, badubunwini kayi na basiaku-mi kpakplaa.”

Yosua 7:6

Amu na lɛla lɛni nálɛ mɛni ɔsu ni, ɔ́bla Yosua ku Israelƒuɔ benengu kalɛ kadi. Na báni bana lɛwu bábuɛ na báyu bébi kalɔ na Unwoti Bunyimi Adaka anumi. Na bébi kalɔ mmɔ úti útédu useyi uwi. Na béti ɔtumu bewi lili úti ɔɔtina kalɛ baadu kɔnyana.

Yosua 7:7

Amu na Yosua ɔ́kpali Katɔti na ɔ́su ɔnini, “O Unwoti Katɔti Ɔni Ntulo Ƒui, báyila-bu udu! Na bi ɔsu na átaya na bɔsɔ bɔkya Yordan Ketu ɔvi ɔni nye mmomu?

Litemi Batɛne 1:1

Na Yosua kekpima ni, Israelƒuɔ béye Unwoti banini, “Bula akɔ ɔmani nka Kanaanƒuɔ butékpoku?”

Litemi Batɛne 20:18

Na Israelƒuɔ bésie Betel na bétéye básiku Unwoti kudɔ banii, “Kaba bekyuli bamani nka busie butákpoku Benyamin kɔdua bekyuli?” Amu na Unwoti údie kenye ɔnini, “Yuda kɔdua bekyuli baka busie.”

Litemi Batɛne 20:22

Nsu Israelƒuɔ bekpone bákya lɛlɔ ogya na básɔ bénwini batásala lɛlɔ na kesii kani báka busie kudeedi.

Litemi Batɛne 20:24

Na limeyi linyɔdi lɛlɔ ni, Israelƒuɔ bákpɛ béde Benyaminƒuɔ.

Litemi Batɛne 21:2

Na bekyuli bani nésie Betel ni, bétélie Katɔti anumi na beewulo momoomo ɔ́si ɔtanta útédu useyi uwi taasu banini,

Samuel 1 10:3

“Na ƒula ulu busie kemmo ni, adubɔsɔ asiaku nkyuli ɛtɛ bamba badi na kugyii kunengudi kɔni nnye Tabor kalɔ kemmo. Na bási bésela Betel batákpa bete Katɔti. Adubɔnu ka ukyuli udeedi ɔda bese bakɔdi ɛtɛ badi. Na ukyuli unyɔdi ɔda bodobodo ɛtɛ. Na ɔtɛdi ɔda bebuo ɔku koƒo kɔni kemmo na ntɛ buwi.

Samuel 1 11:4

Amu na batalane bammɔ báyu ulu na bátɔlɔ na bétédu Gibea kesii kani na Saul uli. Ka básu bekyuli bammɔ kenye kammɔ ni, bana ƒui béwulo momoomo.

Samuel 1 7:6

Amu uwi ɔni na Israelƒuɔ bammɔ básala lɛlɔ na Mispa ni, Samuel únye aani Israelƒuɔ ɔtɔnkune kalɛ na Mispa, na bédu ntu na libiɔ kemmo na beebó-mu teewi kalɔ teete Unwoti aani lɛlɔ buti teete-nwu akpala. Na bélie kɔka limeyi lɛmmɔ lɛlɔ, na bédie bana alaekpidi kalɔ básu Unwoti banini, “O Unwoti, bɔ́bla likpidi bɔ́ƒiɔ-ɔ.”