Litemi Batɛne 2:7 - Katɔti Ɔku Kedee

⁷ Na Yosua ngba bulie emeyi kemmo ƒui ni, Israelƒuɔ bábla Unwoti kabla. Na úse lɛni útédu benengu bani nélie na Yosua kama na bánu akɔla budie taatina lidu lidu ani na Unwoti ɔ́bla úte Israelƒuɔ.

Litemi Batɛne 2:7 ပူးပေါင်းရင်းမြစ်များ

Baga 2 12:2

Na Yoas ɔ́bla lɛla lɛni na lɛ́yɔ Unwoti kaƒɔ akwa ani ƒui na ɔkpane Yehoiada útaalɛ-nwu mmɔ kemmo.

Ala Alɛdi 2 24:2

Na uwi ɔni na ɔkpane unengudi Yehoiada uli ngba ƒui ni, na Yoas útaayia Unwoti na útaadi nwuna litemi lɛlɔ na ɔɔbla ala ani na ese siin.

Ƒilipiƒuɔ 2:12

Anwuɔsu ni, mina bakpana bayɔne, aani kalɛ na bɛɛdi mina litemi lɛlɔ si nkya-mii kudɔ ni, lɛni kani na ɔdi ka bɛdi-nya lɛlɔ bitulo si uwi ɔni na liiibo-mii kudɔ lɛnɔ. Bise anumi na bitaabla ala ani mɔɔtina ka Yesu ɔ́ƒɔ-mii ngba, na biti ɔbu geen bite Katɔti.

Yosua 24:31

Na uwi ɔni na Yosua úlie ngba ni, Israelƒuɔ básiaku Unwoti kama. Na nwuna kekpima lɛnɔ ni, ka bana batɔnkune bani nánu akɔla budie taatina lidu lidu lɛni Unwoti ɔ́bla úte Israelƒuɔ bamu belie ngba ɔsu ni, Israelƒuɔ básiaku Unwoti kani.

Litemi Batɛne 2:17

Nsu ɔmɛni kama ƒui belenu litemi batɛne bamɛni litemi. Na béti lɛlɔ bénwini bayalɛ, na bakɛ basiaku baƒiɔ lidu kama baakpá-ma. Kaba kamɛni bekyuli ama bávumana ƒui kede kede, na beeese aani bana bati, na baaasiaku bana ɔbladu kama, na bétenu litemi na bataadi Unwoti ɔda bubo lɛlɔ.

Litemi Batɛne 2:6

Amu na Yosua ɔ́ya na bekyuli bammɔ ƒui bégyingya, na ɔdi biala úsie útéti nwuna kadikɔ.

Litemi Batɛne 2:8

Amu na Unwoti kabla ɔblane Yosua ɔni ndi Nun ubidi úbekpi uwi ɔni na ɔ́ƒɔ akwa eti anyɔ ku leevu (110).