Litemi Batɛne 2:4 - Katɔti Ɔku Kedee

⁴ Uwi ɔni na Katɔti ɔtu ɔmɛni ɔ́tɛmi úte Israelƒuɔ bamɛni ɔ́wɔlɔ ni, bana ƒui báda lɛdi bedie na béwulo.

Litemi Batɛne 2:4 ပူးပေါင်းရင်းမြစ်များ

Esra 10:1

Uwi ɔni Esra ɔkya uubó lɛlɔ taava kalɔ na uuwulo taakpali Katɔti na uudie bana alaekpidi kalɔ teevele buti taakyiɛ na Katɔti kaduli ni, bekyuli lisu pii bábaka bámana-nwu na badi beleku ku banana ku banamu na ama lɛnɔ bakya beewulo momoomo.

Agba 17:10

Si ádɔnku ukyuli ɔni muunú ala kalɔ kunwi pɛ ni, uubunku-nwu teetulo si ébo ɔdɔlɔdi kugyiimi eti anyɔ.

Yeremia 31:9

Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.

Yoel 2:12

Unwoti ɔnini, “Útakpɛ tɔ kama útavili. Bɛkana na binwini bibo-mi kudɔ ku bina kayi ƒui. Bise keku kalɔ ku buwulo ku kɔnyana! Na binyimi kenye.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Luka 6:21

Lɛlɔ litaayɔ amii bani na kɔka kɔɔda ɔƒɛni, ɔsika amii ndubumo! Lɛlɔ litaayɔ amii bani muuwulo ɔƒɛni, ɔsika bɛdubɔma!

Luka 7:38

Úbenye Yesu kudɔ na uuwulo teewi-nwu lɛgba lɛlɔ. Na uleku ɔmmɔ úti nwuna lili linwini úni imii bɔni néwi Yesu lɛgba mmɔ, na ɔ́dada-nwu lɛgba. Na úti nnɔmii bɔmmɔ úwi Yesu lɛgba lɛnɔ.

Korintoƒuɔ 2 7:10

Na si Katɔti ala lɛlɔ ɔsu na ukyuli alaekpidi ani na ɔ́bla éduo-nwu ni, uunwíni kama taakya ekpidi bɔbla na ɔɔkɛ́ bɔƒɔ ɔni na ɔsɔ ulenu ɔlɛ ɔdi. Nsu si kayawi ala lɛlɔ ɔsu na lɛla lɛdi liiduo-ɔ ni, ɔɔyá na aayila ngba geen bɔmmɔ.

Yakobo 4:9

Na biteewulo kɔnyana. Amii bani mɔɔmá ni, bina lɛma linwini keku. Na bina lɛlɔyɔ linwini kɔnyana buwulo.

Litemi Batɛne 2:3

Anwuɔsu mɔɔsu-mii nnii lɛɛɛdubo bekyuli bamɛni bɔbɔku bute-mii ɔni na bíti bísela anumi mɛni. Na bekyuli bammɔ badubo bunwini liyu bete-mii na bataatu-mii lɛƒɛnyi. Na bana baƒiɔ badubo bunwini kɔkpagyuɛ kuteedie-mii.”

Litemi Batɛne 2:5

Anwuɔsu na baalɔ mmɔ banii Bokim na nwuna kalɔ ndi Buwulo. Mmɔ na bábla akpala béte Unwoti.

Samuel 1 11:4

Amu na batalane bammɔ báyu ulu na bátɔlɔ na bétédu Gibea kesii kani na Saul uli. Ka básu bekyuli bammɔ kenye kammɔ ni, bana ƒui béwulo momoomo.

Samuel 1 7:6

Amu uwi ɔni na Israelƒuɔ bammɔ básala lɛlɔ na Mispa ni, Samuel únye aani Israelƒuɔ ɔtɔnkune kalɛ na Mispa, na bédu ntu na libiɔ kemmo na beebó-mu teewi kalɔ teete Unwoti aani lɛlɔ buti teete-nwu akpala. Na bélie kɔka limeyi lɛmmɔ lɛlɔ, na bédie bana alaekpidi kalɔ básu Unwoti banini, “O Unwoti, bɔ́bla likpidi bɔ́ƒiɔ-ɔ.”