Litemi Batɛne 2:21 - Katɔti Ɔku Kedee

²¹ nsɔ lɛɛɛdubo kadi bamba bekyuli bani nébu asa-na Yosua úkpi bɔbɔku bute-ma lɛnɔ.

Litemi Batɛne 2:21 ပူးပေါင်းရင်းမြစ်များ

Esekiel 20:24

ɔsika béni na bátadi mina ɔda bubo ku ala bɔtina lɛlɔ na bákya mina Lɛnwunameyi kɔƒa na bakya baakpá kadi bamba baƒiɔ bani na bávɔ mmɔ.

Yosua 23:13

bise likpo ka bina Unwoti Katɔti ɔsɔ ɔɔɔdubo bukpoku kadi bamba bekyuli bani nébu mmɔ bute-mii lɛnɔ. Mmomu bina ɔbladu ɔmmɔ ɔdubunwini kakpagyuɛ ute-mii, na ɔlɛ ɔni bɛdubunu ɔdubɔbla aani kalɛ na beewi ukyuli kugyiimi iye aani kalɛ na alakpi eeduo ukyuli anumi uti utédu ka bina Unwoti ɔ́yila bina ƒui udu na kalɔ kabuni kani na úti úte-mii mɛni lɛlɔ.

Yosua 23:4

Na kɔlɔ kɔni ƒui na búkpo bɔ́ƒɔ ɔ́si Yordan Ketu úti útédu Mediterenia Ɛpu ɔni ntɛ úsie ɔ́ƒɛ kanukɔ kakɛ. Líle kɔlɔ kɔmmɔ ƒui líte bina kaba bekyuli. Na lɛ́sɔ líle kɔlɔ kɔni nébu na bukpo bɔƒɔ lɛnɔ líte-mii.

Yosua 23:5

Na kɔlɔ kɔni nébu na bútekpo tɔ na bɔƒɔ-ku ni, bina Unwoti Katɔti ɔlati ɔdubo-ma bɔbɔku bɔlɛku kɔlɔ kɔmmɔ lɛlɔ na bise bitéti-ku aani kalɛ kani na bina Unwoti Katɔti ɔ́su-mii úse.

Litemi Batɛne 1:1

Na Yosua kekpima ni, Israelƒuɔ béye Unwoti banini, “Bula akɔ ɔmani nka Kanaanƒuɔ butékpoku?”

Litemi Batɛne 2:3

Anwuɔsu mɔɔsu-mii nnii lɛɛɛdubo bekyuli bamɛni bɔbɔku bute-mii ɔni na bíti bísela anumi mɛni. Na bekyuli bammɔ badubo bunwini liyu bete-mii na bataatu-mii lɛƒɛnyi. Na bana baƒiɔ badubo bunwini kɔkpagyuɛ kuteedie-mii.”

Litemi Batɛne 3:1

Anwuɔsu Unwoti ɔ́da kadi bamba lɛma lɛdi úse, kalɛ na uti-ma ɔkɔku Israelƒuɔ bani nétesie kekpo kudii na Kanaan.

Litemi Batɛne 3:3

Na bani nébu kɔlɔ kɔmmɔ kemmo ndi Ƒilistiƒuɔ baga ɛlɔ ku Kanaanƒuɔ ku Sidonƒuɔ ku Hewiƒuɔ bani nlie Lebanon abi lɛlɔ úti ɔ́si Baal-Hermon Kɔbi lɛlɔ útédu Lebo Hamat.