Litemi Batɛne 2:19 - Katɔti Ɔku Kedee

¹⁹ Nsu si litemi ɔtɛne ɔmmɔ ɔ́nya úkpi ni, na bekyuli bammɔ ƒui beenwíni teesie bana ɔbladu ukpidi ɔni ntulo bana bati ɔdi ɔni bátaabla kemmo. Na baasiaku baƒiɔ kama na baakpá-ma na baabla-ma kabla. Na beení ka bedie bana ɔbladu buɛ ku atuɔkplu atu.

Litemi Batɛne 2:19 ပူးပေါင်းရင်းမြစ်များ

Ala Kalɔ Buse 6:11

Uwi ɔmɛni kemmo ni, likpidi bɔbla búbile kayawi na Katɔti anumi na ɔda bubo lɛlɔ tadi ku lɛlɔ bukpoku kani nkya.

Nehemia 9:28

“Nsu uwi ɔni na bákɛ bɔnwuna blii ni, basɔ bábla likpidi na ƒula anumi. Amu na awɔ lɛnɔ ányonu-ma éte bana bekisine kalɛ na badi-ma lɛlɔ. Amu ka básɔ béwulo bákpali-ɔ ni, énu-ma kɔvanu na kalɔ mmɔ. Na ƒula kɔnyana bɔnu kemmo ni, eedie ukyuli ɔni ndubukpo ɔƒɔ-ma si báƒiɔ-ɔ uwi ndi uwi.

Kɔgya 78:8

Baaadubo buse aani bana bati bani náta bénye Katɔti lɛlɔ. Ama bábla atuɔkplu ɔsu na bénwini kaba kani nátadi Katɔti ɔda bubo lɛlɔ. Bana kayi kátasia Katɔti lɛlɔ uwi ndi uwi. Na bátadi nwuna etemila lɛlɔ lɛnɔ.

Israelƒuɔ Bɔlɛ 32:7

Mmɔ na Unwoti ɔ́su Mose ɔnini, “Babla, na ayu kɔbi eteesie. Ɔsika ƒula bekyuli bani na ákpanku álɛku Egyipte kalɔ lɛlɔ bábla likpidi na béni-mi.

Yeremia 16:12

Na bɛ́bla ala ani na ásɔ ébie etulo amɛni! Bɛɛbla atuɔkplu kpakplakpa na ɔni na binu-mi litemi na bedi-ni lɛlɔ ni, ala ekpidi ani nébo-mii kasusu kani na bɛɛbla.

Yeremia 23:17

Kenye bediene bamɛni beesié batuɔkplune bani néni banii balabla-mi kabla na benye baabla ala ani na baayɔ́ kudɔ. Na beesié taatásu-ma banini, ‘Unwoti ɔ́su úse ka lɛla biala lɛdubo bɔtɛ ɔsu lɛla lɛdi liiibo.’

Yeremia 3:17

Yerusalem ɔma ɔmmɔ ɔdubunwini mina lɛga kadikɔ liboku lɛni lɛlɔ na nlie. Na kadi bekyuli ƒui badubo-mi butaabu. Na basɔ balasiaku bana likyulikpi ɔbladu ɔni na bana kɔyi kɔɔtina-ma kama.

Esekiel 20:30

“Ɔmmɔ kama ni, ye Israelƒuɔ lɛla lɛni ɔsu na basiaku bana bati kuuku ulikplu ɔbladu ɔmmɔ kama,

Mateo 23:32

Anwuɔsu ni, bisie anumi na bɛwɔlɔ lɛla lɛni na bina bati kuuku bése kalɔ.

Lɛkpa Ulu 31:29

Ngyi ka mina kekpima ni, bekyuli bamɛni badubo bekyuli bekpidi bunwini na badubo ala ani na lɛ́tina-ma mɛni buni. Na uwi ɔdi ɔdubo ɔni na badubo ɔgbankpi bɔsiaku, na uwi ɔdi ɔdubo ɔni na badubo Unwoti kɔnyi bɔkya na bataabla ala ani na úbo-ma ɔda ɔnii batabla.”

Yosua 24:31

Na uwi ɔni na Yosua úlie ngba ni, Israelƒuɔ básiaku Unwoti kama. Na nwuna kekpima lɛnɔ ni, ka bana batɔnkune bani nánu akɔla budie taatina lidu lidu lɛni Unwoti ɔ́bla úte Israelƒuɔ bamu belie ngba ɔsu ni, Israelƒuɔ básiaku Unwoti kani.

Litemi Batɛne 10:13

Nsu ɔmɛni kama bɛ́sɔ bíni-mi na bínwini bíse bɛɛkpá ala bamba. Ɔmɛni ɔsu nsɔ lɛɛɛdubo-mii bɔƒɔ bɔlɛku-ma enu kemmo.

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Litemi Batɛne 2:20

Anwuɔsu úti kɔnyi geen ɔ́kya Israelƒuɔ na ɔ́su ɔnini, “Ka kaba kamɛni báta bénye-mi lɛlɔ na baládi mina lɛla lɛni na línyimi líte bana bati kuuku lɛlɔ na belenu-mi litemi ɔsu ni,

Litemi Batɛne 2:7

Na Yosua ngba bulie emeyi kemmo ƒui ni, Israelƒuɔ bábla Unwoti kabla. Na úse lɛni útédu benengu bani nélie na Yosua kama na bánu akɔla budie taatina lidu lidu ani na Unwoti ɔ́bla úte Israelƒuɔ.

Litemi Batɛne 4:1

Na Ehud kekpima ni, Israelƒuɔ básɔ bábla likpidi na Unwoti anumi.

Litemi Batɛne 8:33

Na uwi klukui ɔdi kemmo na Gideon kekpima ni, Israelƒuɔ básɔ bése kalɔ baakpá Baal baƒiɔ. Na béti Baal-Berit bábla bana Katɔti.

Samuel 1 15:23

Ɔsika si elenu Unwoti litemi na adi-ni lɛlɔ mmomu aatalaku lɛlɔ katɔ na ƒula likyulikpi ɔsu ni, átavumanaku bekyuli bani mɔɔkpá baƒiɔ na beeye-ma ala teenu. Na ka éni Unwoti litemi ɔsu ni, anwu lɛnɔ úni-ɔ ka asɔ adi ɔga na nwuna bekyuli lɛlɔ.”