Litemi Batɛne 2:17 - Katɔti Ɔku Kedee

¹⁷ Nsu ɔmɛni kama ƒui belenu litemi batɛne bamɛni litemi. Na béti lɛlɔ bénwini bayalɛ, na bakɛ basiaku baƒiɔ lidu kama baakpá-ma. Kaba kamɛni bekyuli ama bávumana ƒui kede kede, na beeese aani bana bati, na baaasiaku bana ɔbladu kama, na bétenu litemi na bataadi Unwoti ɔda bubo lɛlɔ.

Litemi Batɛne 2:17 ပူးပေါင်းရင်းမြစ်များ

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Kɔgya 106:43

Unwoti uudie nwuna bekyuli bamɛni kɔlɛ kɔlɛ. Nsu bɔta kani baata teenye-nwu lɛlɔ. Na ekpidi ammɔ áya na badaku udu bɔyii ƒui.

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Yeremia 3:6

Uwi ɔni na Yosaia ɔdi ɔga ni, Unwoti ɔ́su ɔnini, “Yeremia, Israel lɛga kadikɔ ƒui káta kénye-mi lɛlɔ aani uleku utidi ɔni nálɛ ɔgyani kama na únwini ɔyalɛ na ɔkɛ abi ƒui eli ku egyii enengudi ɔyuli kalɔ ɔɔtɛ taavi.

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Hosea 2:2

“Bɛtɛmiku bina uni! Bɛlɛ-nwu kaduɛ! Ina ka ɔsɔ ɔɔɔdi mina ulekudi, na ami Unwoti lɛnɔ nsɔ lɛɛɛdi ɔgyani. Bivele-nwu na ɔda lɛyalɛ ku lɛsɔnɔdi lɛmmɔ ɔya na ɔda-mi kama bɔlɛ ɔya.

Lewiƒuɔ Ɔda Bubo 17:7

Na básɔ batabla akpala adi betete bese udu baƒiɔ bani na bakɛ basiaku aani kalɛ na bayalɛ baabla. Na ɔda bubo bɔmɛni buse bute amii ku bina kaba ɔ́si ɔƒɛni úsela uwi ƒui.’

Amos 2:4

Unwoti ɔnini, “Ndubo Yudaƒuɔ kɔtu bɔni na bana ekpidi pii ɔsu, na lɛɛɛdubo mina kasusu bɔvumana. Béni mina ala ani mɔɔtina-ma na banii baladi mina litemi lɛlɔ. Na baƒiɔ bani na bana bati kuuku bákpa na baaadi lɛla lɛdi bákpanku-ma na báyii ulu.

Galatiƒuɔ 1:6

Bina lɛlɔ lɛ́bla-mi kalɛ kadi geen, ɔsika ńtaƒɔ ńtadi nnii bɛdubɔlɛ Katɔti ɔni nálɔ-mii ɔkɛnku Kristo Yesu kaƒɔ buni kani na ɔ́bla-mii kama na bɛsiaku litemi bamba kama.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Lɛkpa Ulu 31:18

Na ndubuni ka libunku-ma, ɔsika bénwini bésie bakya baakpá baƒiɔ ɔ́si bana likyulikpi ɔsu.

Lɛkpa Ulu 9:12

Amu na Unwoti ɔ́su-mi ɔnini, “Yu teesie kɔbi kɔmmɔ kalɔ kɔnakunwi. Ɔsika bekyuli bani na ákpanku álɛku Egyipte kalɔ lɛlɔ mmɔ báƒiɔ-mi geen. Na bálɛ ulu ɔni lɛlɔ na lɛ́su-ma ka basia na bávɔ baƒiɔ mmomu bese lɛlɔ lɛlɔ baakpá.”

Lɛkpa Ulu 9:16

Na ka mɔɔnu ni, lɛ́nu ka bɛ́bla likpidi bɛ́ƒiɔ bina Unwoti Katɔti. Ɔsika bɛ́vɔ ɔmantɛ akɔ ɔkɔdi ɔgyani udu na bɛɛkpá-nwu aani baƒiɔ na bínwini kama bɛ́kya Katɔti ɔƒɛni kani ɔdi ɔmɛni.

Yosua 24:24

Amu na Israelƒuɔ básu Yosua banini, “Unwoti ɔni ndi bula Katɔti lɛti bɔdubɔsiaku. Na bɔdubɔnu-nwu litemi.”

Yosua 24:31

Na uwi ɔni na Yosua úlie ngba ni, Israelƒuɔ básiaku Unwoti kama. Na nwuna kekpima lɛnɔ ni, ka bana batɔnkune bani nánu akɔla budie taatina lidu lidu lɛni Unwoti ɔ́bla úte Israelƒuɔ bamu belie ngba ɔsu ni, Israelƒuɔ básiaku Unwoti kani.

Litemi Batɛne 2:7

Na Yosua ngba bulie emeyi kemmo ƒui ni, Israelƒuɔ bábla Unwoti kabla. Na úse lɛni útédu benengu bani nélie na Yosua kama na bánu akɔla budie taatina lidu lidu ani na Unwoti ɔ́bla úte Israelƒuɔ.

Litemi Batɛne 8:33

Na uwi klukui ɔdi kemmo na Gideon kekpima ni, Israelƒuɔ básɔ bése kalɔ baakpá Baal baƒiɔ. Na béti Baal-Berit bábla bana Katɔti.

Samuel 1 12:12

“Nsu ina ka bina Unwoti Katɔti nádi bina ɔga ni, bíni-nwu uwi ɔni na Amonƒuɔ Ɔga Nahas ɔ́tɔnku nwuna bekpone ka bebekpoku-mii. Na bɛ́su bɛnini, ‘Bɔɔwia ɔga na utaadi-bu lɛlɔ.’

Samuel 1 12:17

Ɔɔɔdi uwi ɔmɛni na baaƒɛ kamu yoo? Na bɛgyi lɛnɔ ka si edula ɔƒɛwi ɔmɛni údu ni, ɔnantu ɔsɔ ulána. Nsu ina ka use lɛni ni, ndubo Katɔti bɔkpali na ɔya na ɔnantu ɔna. Na kayaa kataabwɛ ogya. Na ɔmɛni ɔdubɔya na bɛti kalɛ na likpidi lɛni na bɛ́bla líbomo ɔni na bíye bɛnii bete-mii ɔga na utaadi-mii lɛlɔ ɔsu.”

Samuel 1 12:19

Na bekyuli bammɔ ƒui bévele Samuel banini, “Vele Unwoti ƒula Katɔti te abu ƒula kabla bablane kalɛ na bulekpi. Bɔɔyia ka bɔdubo bukpi, ɔsika na alaekpidi ani ƒui na bɔ́bla kama ni, bɔ́sɔ bɔ́su-nwu ka use ɔga ute-bu.”