Litemi Batɛne 2:12 - Katɔti Ɔku Kedee

¹² Na béni bana Unwoti ɔni ndi bana bati kuuku Katɔti ɔni nédie-ma ɔ́lɛku Egyipte kalɔ lɛlɔ, na bénwini bésie baakpá kadi bamba baƒiɔ lidu lidu lɛni nkya bana amadɔ mmɔ. Na báya na Unwoti ɔ́kɛ kɔnyi geen,

Litemi Batɛne 2:12 ပူးပေါင်းရင်းမြစ်များ

Kɔgya 106:36

Na Katɔti bekyuli bébenwini baƒiɔ bakpane. Na ɔmmɔ geen náya na Katɔti ɔ́yila-ma udu.

Kɔgya 78:58

Ɔsika bákya-nwu kɔnyi geen na baƒiɔ akpabi ani na bátu bényene abi eli ɔsu. Na báya na uukpó kogyulo ka baakpá-ma.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 13:16

Na ɔmɛni ɔdubɔbla likposela ɔsia-mii kɔnu ku atɛntɛ ka Unwoti ɔkɛnku nwuna kɔnu ɔyikun lɛlɔ údie-bu ɔ́lɛku Egyipte kalɔ lɛlɔ.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:9

Si bɛɛsia limeyi lɛmɛni anu taadi-ni ni, ɔdubunwini aani likposela ɔsia-mii kɔnu iye atɛntɛ ka ɔdi ka Unwoti ɔda bubo bɔsia-mii enyekuli lɛlɔ uwi ndi uwi. Ɔsika Unwoti ɔkɛnku nwuna kɔnu ɔyikun lɛlɔ na udie-mii ɔ́lɛku Egyipte kalɔ lɛlɔ.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Yeremia 16:11

“Mmɔ ni, na asu-ma anini, ‘Amii Yuda kadi bekyuli, bina bati kuuku bénwini kama bákya-mi na béni mina ɔda bubo ku mina ala ani na mɔɔtina-ma na bése kalɔ baakpá baƒiɔ.

Lɛkpa Ulu 13:5

Bɛdu ukyuli biala ɔni ndi ɔkɔ kenye udiene iye ɔdi ukyuli ɔni mɔɔnyi ɔkɔ teedie ana ani bégye kalɔ. Ɔsika bekyuli bammɔ udu beenwíni bekyuli kasusu teedie Katɔti lɛlɔ anwu ɔni nédie-mii ɔ́lɛku Egyipte kalɔ lɛlɔ na kesii kani nka bénye-mii lɛlɔ na bɛɛbla kabla teete bekyuli bamba. Ukyuli ɔmmɔ udu ɔdi ukyuli ukpidi, na ɔɔyɔ́ ka ɔda-mii kasusu udie ngba bɔni na Unwoti ɔɔyɔ́ ka bilie lɛlɔ. Ɔlɛka bɛdu ukyuli ɔmmɔ udu kalɛ na bilasiaku nwuna udu ukpidi ɔmmɔ kama.

Lɛkpa Ulu 29:18

Anwuɔsu bɛnu kaduɛ kalɛ na bina akɔ ɔdi ɔnana iye uleku iye ɔtɔ iye kɔdua kɔdi kayi kelénwini kama kalakya bula Unwoti Katɔti na usie utákpa bana baƒiɔ bammɔ badi. Bɛnu kaduɛ na ɔdi utebile ɔdi kasusu aani kugyii kɔni ntu mbo ɔdu ukpidi ɔdi na bina akɔ.

Lɛkpa Ulu 29:25

Na kenye kani na bekyuli bammɔ badubudie ndi ɔnii, “Bekyuli bamɛni báta béni bunyimi bɔni na Unwoti únyimiku-ma uwi ɔni na ɔ́da-ma údie Egyipte kalɔ lɛlɔ. Unwoti ndi bana bati kuuku Katɔti.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Lɛkpa Ulu 33:17

Na Yoseƒ ubo ɔyikun aani lɛku kemmo akɔ. Na nwuna kekpo kabua kani na ubi kese aani akɔ ese. Na Manase ɔlɔkplu buti bɔsala apim unwi ni, anwu ndi Yoseƒ ɔdi. Na Eƒraim ɔlɔkplu buti bɔsala mpim leevu ni, anwu ndi Yoseƒ ɔdi. Na ese ammɔ na úti ɔ́di kaba kammɔ bekyuli lɛlɔ. Na ɔ́yila-ma kede kede.”

Lɛkpa Ulu 4:25

Ina bílie kalɔ kammɔ lɛlɔ bítu uwi na bɛ́wɔ bebi ku bawɔ tɛtɛ na ɔmmɔ kama bɛ́vɔ baƒiɔ badi bíse bíte lɛlɔ ni, Katɔti ɔdubuti kɔnyi ɔkya-mii. Ɔsika ala ammɔ bene ƒui adi likpidi na nwuna anumi.

Lɛkpa Ulu 5:9

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo. Na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Lɛkpa Ulu 6:12

bɛnu kaduɛ kalɛ na bina kasusu kalálɛ bina Unwoti ɔni náda-mii údie Egyipte kalɔ lɛlɔ kesii kani nka bénye-mii lɛlɔ na bɛɛbla-ma kabla mmɔ.

Litemi Batɛne 10:11

Amu na Unwoti únu-ma bɔkpali na úye-ma ɔnini, “Uwi ɔni na Egyipteƒuɔ ku Amoriƒuɔ ku Amonƒuɔ ku Ƒilistiƒuɔ

Litemi Batɛne 5:8

Si uwi ɔni na Israelƒuɔ báƒuna baƒiɔ bawɔdi ni, kekpo kaadá taalɛ ɔma kabanye. Na lɛtula iye lɛgyumanala lɛdi lilalɛ na bula Israelƒuɔ mpim aavlene bani nkya akɔ

Litemi Batɛne 8:33

Na uwi klukui ɔdi kemmo na Gideon kekpima ni, Israelƒuɔ básɔ bése kalɔ baakpá Baal baƒiɔ. Na béti Baal-Berit bábla bana Katɔti.