Litemi Batɛne 2:10 - Katɔti Ɔku Kedee

¹⁰ Na uwi ɔdi kama ni, kaba kammɔ bekyuli ƒui békpi na bása bɔtɔlɔ busie bana bati kudɔ. Na kaba kabambadi nási bákɔ ɔni na ama baaagyi Unwoti, na bátanu ala ani lɛnɔ na ɔ́bla úte Israel úbavi.

Litemi Batɛne 2:10 ပူးပေါင်းရင်းမြစ်များ

Ala Kalɔ Buse 15:15

Nsu awɔ ɔlati adubulie aƒɔ akwa pii asa na enwini kama esie ƒula bati kudɔ.

Ala Kalɔ Buse 25:17

Ismael akwa ani na ɔ́ƒɔ ndi eti anyɔ ku avlaatɛ-maatɛ (137). Ka údu mɛni ni, ɔ́yula na ɔ́tɔlɔ úsie Katɔti kudɔ aani kalɛ kani na nwuna bati lɛnɔ bésie kalɛ.

Ala Kalɔ Buse 25:8

Uwi ɔmmɔ na Abraham ɔ́yula ɔni na ɔ́bi lɛlɔ geen. Na ɔ́tɔlɔ úsie Katɔti kudɔ aani kalɛ kani na nwuna bati lɛnɔ bésie kalɛ.

Ala Kalɔ Buse 49:33

Ka Yakob úbo nwuna bebi ɔda ɔmɛni ɔ́wɔlɔ ni, ɔ́sɔku lɛgba útásia nwuna atɛla lɛlɔ na ɔ́yula, na úsie ɔti bene kudɔ.

Samuel 2 7:12

Na si uwi ɔni na ebekpi na átɔlɔ ébo ƒula bati kudɔ ni, ƒula kaba kemmo ubi na ndubɔya na bese lɛga na ƒula kenye na ɔdubɔlɛ ɔsi awɔ ɔlati kemmo. Na ndubɔya na nwuna lɛga kadikɔ kenye kpakplaa.

Ala Alɛdi 1 28:9

“Mina ubi Salomo, mɔɔsu-ɔ kpakplaa ka kya Unwoti lili kalɔ uwi biala na asiaku-nwu kama siin na adi nwuna litemi lɛlɔ ku ƒula kayi ku kasusu ƒui aani kalɛ na lɛ́bla. Ɔgyi ƒula lili kemmo kasusu ku kakali biala na ada aabla ala. Anwuɔsu si énwini ésie-nwu kudɔ ku kayi ƒui ni, ɔdubunu ƒula buvele. Nsu si énwini kama ákya-nwu ni, anwu lɛnɔ ɔdubuni-ɔ uwi ƒui.

Hiob 21:14

Nsu baasu Katɔti banini, ‘Nyonu-bu! Buláwia ƒula lilu lɛdi bɔnii bɔɔnu bɔti.

Israelƒuɔ Bɔlɛ 1:6

Na uwi ɔdi kama ni, Yoseƒ ku nwuna banwani ku kaba kammɔ bekyuli bakladi bébekpi.

Israelƒuɔ Bɔlɛ 1:8

Na uwi útetu asa na bése ɔga ɔwɔdi na Egyipte mmɔ. Na ɔga ɔmɛni ɔɔɔgyi Yoseƒ.

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Yesaia 5:12

Biiti lɛnu lɛni mɔɔdia bunu ku ntɛ bɔbuni teesienku bina emeyi kadikɔ ku lɛbentaa ku ese ku atoloyii ku kɔkpɛɛ lidu lidu. Nsu bina kasusu kadi biala kelesie Unwoti ku nwuna ablala lɛlɔ.

Yeremia 22:16

Na lɛla lɛni mɔɔtina geen ka ukyuli ɔgyi-mi na lɛdi mmɔ. Ɔmmɔ ɔsu na úlie ngba ku atu bɔyɔ na ubo ala na édu-nwu na ɔdi na ɔni lɛnɔ uwi biala.

Yeremia 31:34

“Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ɔ́si ɔƒɛni ni, ukyuli ɔdi ɔsɔ ulatina ɔkpanadi iye ɔnwani ka ɔti Blɔti. Ɔsika bana ƒui badubo-mi bɔti ɔ́si ubliidi ƒui útálɛ unengudi lɛlɔ. Na ndubuti bana alaekpidi ani ƒui bábla lɛkyiɛ-ma. Na nsɔ lɛɛɛdubo bana ekpidi bunyimo kudii.

Yeremia 9:2

Na si busie na ndubɔkana na lisie kalɔ kakwiidi lɛlɔ ntábɛ, na lɛlɛ bekyuli bekpidi bamɛni akɔ ɔkɔ banyine bani naaasiaku Katɔti kama siin kudɔ nka ndubɔyɔ.

Yeremia 9:3

Unwoti ɔnini, “Ɔkɔ etemila aalɛ́ mina bekyuli kenye aani kalɛ na beebó atula taalɛku kataminta kemmo. Na ɔkɔ ala bɔbla ɔyikun kani mɔɔkɔ́-ma katɔ na ɔdi ulaƒɔ enu taasu ɔnii ami ndi Katɔti.

Yeremia 9:5

Lɛlɔ kani na bakɛ beetú taavi uwi ƒui taawia ulu bamba ɔni lɛlɔ na basia banya bana bakpana bakya.

Bumomo Bɔka 27:13

Na si ánya ánu-ka áwɔlɔ ni, awɔ lɛnɔ adubusie atátɛ ƒula bati kudɔ kalɛ kani na ƒula ɔnwani Aaron lɛnɔ úsie ɔtɛ nwuna bati kudɔ,

Luka 20:32

Kawɔlɔkɔ ƒui ni, uleku ɔmmɔ ɔlati úbekpi.

Batalane Kabla 13:36

“Litemi lɛmɛni lɛɛɛdanku Dawid, ɔsika úlie ɔ́bla Unwoti kabla na nwuna ngba bulie uwi ƒui aani kalɛ na Katɔti ɔlati ɔɔyɔ́, na úbekpi na báva-nwu na úbu lɛnɔ.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Tito 1:16

Ama alati baasu banii baabu Katɔti, nsu bana ablala alátina lɛni. Badi bekyuli bani muusé lɛlɔ na balábu lɛla lɛdi na bátamanku lɛbuni lɛdi lɛnɔ bɔbla.

Yosua 24:31

Na uwi ɔni na Yosua úlie ngba ni, Israelƒuɔ básiaku Unwoti kama. Na nwuna kekpima lɛnɔ ni, ka bana batɔnkune bani nánu akɔla budie taatina lidu lidu lɛni Unwoti ɔ́bla úte Israelƒuɔ bamu belie ngba ɔsu ni, Israelƒuɔ básiaku Unwoti kani.

Samuel 1 2:12

Eli bebi bani ndi bakpane mɛni badi bekyuli bekpidi geen. Na balábu Unwoti lɛnɔ munu munu.