Litemi Batɛne 19:17 - Katɔti Ɔku Kedee

¹⁷ Uwi ɔni na unengu ɔmɛni ɔ́nu belusiene bamɛni ka belie ɔblɔnu lɛlɔ ni, ɔ́kpɛ úde-nwu na úye-nwu ɔnini, “Wɛ na bɛ́si na wɛ lɛnɔ bísela?”

Litemi Batɛne 19:17 ပူးပေါင်းရင်းမြစ်များ

Ala Kalɔ Buse 16:8

Mmɔ na ɔ́kpali-nwu ɔ́su-nwu ɔnini, “Hagar, Sarai ubi ulekubi, wɛ na ási na wɛ na ésela?” Amu na Hagar údie kenye ɔnini, “Bukeli na nda mina kɔduni Sarai kudɔ.”

Ala Kalɔ Buse 32:17

Ɔmmɔ kama ni, ɔ́su kabla ɔblane ɔni ntɔ ɔnini, “Si mina ɔnwani Esau úbasiaku-ɔ na úye ɔnini, ‘Ɔma kabla ɔblane na adi, na wɛ na ésela na ɔma mbo bebuo bani ntɔ-ɔ lɛtɔtɔ mmɔ’ ni,

Samuel 2 12:4

“Uwi ɔmmɔ kemmo kani ni, ulusiene ɔdi úbeduo ɔlakɛne ɔmmɔ. Nsu ɔlakɛne ɔmmɔ úni na úteƒie koƒonu kɔdi iye ɔmantɛ akɔ na nwuna bebuo akɔ na uti ɔbla nwuna ulusiene ɔmmɔ lɛƒɔ. Mmomu úsie útéƒie ɔwabane ɔmmɔ koƒonu kuledi kunwi kɔni na ubo, na úti ɔ́nwa úte nwuna ɔƒɔ ɔmmɔ.”

Yesaia 33:8

Ɔdi ɔsɔ ulakana ulu bɔyu busie kesii kadi anwuɔsu alanu ukyuli ɔdi na ulu ɔdi lɛlɔ. Bébile ala ani na búnyimi búse. Na si ina ɔdi anii ataadi linyese lɛdi lɛlɔ muedi ukyuli ɔdi ɔsɔ ulábu-ɔ.

Yeremia 14:8

Awɔ kani ndi bula lɛnunsia na awɔ kani ndubɔkana na aƒɔ-bu ngba ɔƒɛni. Ébunku-bu uwi ɔdi na uwi bamba áda-bu ése.

Litemi Batɛne 19:16

Usien ɔmmɔ ni, unengu ɔdi ɔ́si nwuna kemo. Ɔdi Eƒraimni ɔni nási abi lɛlɔ ɔma, nsu ɔƒɛni úbo úlie Gibea kesii kani na Benyamin kɔdua bekyuli belie.

Litemi Batɛne 19:18

Amu na Lewini ɔmɛni údie kenye ɔnini, “Bɔ́si Betlehem na Yudaƒuɔ kalɔ lɛlɔ, na bɔ́vi búsela Eƒraim abi ɔma ɔni nágyu, kesii kani ukyuli na ndi. Mmɔ na mɔɔbla kabla na Unwoti kakpakɔ. Na nlie mɛni, ɔsika ńtakɛ ukyuli ɔdi kaduli na liduo lɛtɛ.