Litemi Batɛne 18:31 - Katɔti Ɔku Kedee

³¹ Na bákya bátaakpa Mika baƒiɔ bammɔ ina ka Katɔti kakpakɔ kakya Silo uwi ɔmmɔ ƒui.

Litemi Batɛne 18:31 ပူးပေါင်းရင်းမြစ်များ

Yeremia 41:5

Uwi ɔmmɔ kemmo ni, nkyuli liti ku avlaatɛ badi básia Mispa ɔma ulu ɔmmɔ lɛlɔ badubo ɔ́si Sekem ku Silo ku Samaria lɛma banii beeti bana etela bebeti Unwoti na nwuna kakpakɔ ani ndi antabi ku oloƒui. Na békpeyi bana kuduo kalɔ linwini ƒui na báni bana adala bábwɛ na békulo bana lɛlɔ ekpo ekpo béti baatina ka beewulo kɔnyana.

Yeremia 7:12

“Bisie Silo kesii kani na mina Adi Kevo kedee kénye dii na bɛsia ala ani na lɛ́bla mmɔ anu. Mina kadi bekyuli Israelƒuɔ báƒiɔ-mi, anwuɔsu lɛ́kyula Silo ɔma ɔmmɔ ƒui!

Yosua 18:1

Uwi ɔni na Yosua ku Israelƒuɔ békpo báƒɔ kɔlɔ kɔmmɔ ƒui báwɔlɔ ni, amu na Israelƒuɔ bása na Silo na bátu Unwoti Adi Kevo bálɛ mmɔ. Na kalɔ kammɔ kéduo-ma lɛlɔ bɔnu kalɔ na baadi-ka lɛlɔ.

Litemi Batɛne 19:18

Amu na Lewini ɔmɛni údie kenye ɔnini, “Bɔ́si Betlehem na Yudaƒuɔ kalɔ lɛlɔ, na bɔ́vi búsela Eƒraim abi ɔma ɔni nágyu, kesii kani ukyuli na ndi. Mmɔ na mɔɔbla kabla na Unwoti kakpakɔ. Na nlie mɛni, ɔsika ńtakɛ ukyuli ɔdi kaduli na liduo lɛtɛ.

Litemi Batɛne 21:19

Nsu bɛnu! Uwi údu na bɔdi Unwoti lɛkwa ndi lɛkwa limeyi na Silo ɔni nkya Betel katɔ kakɛ. Na Silo ɔkya ɔƒɛ kanukɔ ulu ɔni néti úsela ɔ́si Betel úsie Sekem na útédu Lebon kada kakɛ.”

Litemi Batɛne 21:21

na binye kagyumana. Na si uwi ɔni na bɛnu ka beleku bani nási Silo bebo baatɔ́ ni, na bikeli bɛlɛ adingyii mmo bɔmmɔ kemmo, na ɔdi biala utéƒie uleku unwi ɔbla ulekudi, na bɛtɔlɔ bisie Benyamin kalɔ kemmo.

Samuel 1 1:3

Lɛkwa ndi lɛkwa ni, Elkana ɔɔsí nwuna ɔma mmɔ teesie Silo kesii kani na uusié taatákpa Unwoti Katɔti Ɔyikune Ƒui. Na mmɔ na Unwoti Katɔti bakpane inyɔ badi bákya na badi Eli bebi. Ama baalɔ Hoƒni ku Pinehas.

Samuel 1 4:4

Ɔmmɔ ɔsu bésie na bététi Unwoti Ɔyikune Ƒui Bunyimi Adaka ɔmmɔ. Na nwuna lɛlɔ ni, Unwoti batu bebweyi inyɔ badi udu bénye bani baalɔ Kerub na bebo avwi. Na Bunyimi Adaka ɔmmɔ kudɔ ni, Eli bebi inyɔ, Hoƒni ku Pinehas, benye.