Litemi Batɛne 18:30 - Katɔti Ɔku Kedee

³⁰ Ɔma ɔmɛni na Danƒuɔ bamɛni bátu baƒiɔ bammɔ balɛ. Na Yonatan ɔni ndi Gerson ubidi na ɔdi Mose uwɔ ni, anwu ku nwuna bebi mɔɔdi bakpane teete Danƒuɔ bammɔ úti útédu ka béƒie-ma bésienku kalɔ bamba lɛlɔ.

Litemi Batɛne 18:30 ပူးပေါင်းရင်းမြစ်များ

Baga 2 15:29

Na uwi ɔni na Peka ɔdi ɔga na Israel ni, Asiriaƒuɔ ɔga ɔni baalɔ Tiglat-Pileser úkpo ɔ́ƒɔ Iyon ku Abel-Bet-Maaka ku Yanoa ku Kedes ku Hasor ku Gilead ku Galilea ku Naƒtali lɛma ƒui. Na úƒie bekyuli bammɔ úsienku Asiria na útákya-ma ɔtɔ.

Baga 2 17:18

Na Unwoti úti kɔnyi ɔ́kya Israelƒuɔ na úkulo-ma údie nwuna anumi. Na úti Yudaƒuɔ lɛti ɔ́bla nwuna badi.

Baga 2 17:20

Na ɔmmɔ ɔsu Unwoti úni Israelƒuɔ ƒui na ɔ́ni-ma kɔtu. Na Unwoti úti-ma útákya bekisine bani na bebo ɔkplu enu kemmo útédu ka bana ƒui báyii-nwu anumi.

Baga 2 17:22

Na bekyuli bammɔ básiaku Yerobeam kama. Na ama lɛnɔ bákya bátaabla likpidi lɛni na Yerobeam ɔɔbla

Baga 2 17:23

útédu ka Unwoti úkulo-ma údie nwuna anumi na kawɔlɔkɔ aani kalɛ na úbo-ma ɔda ɔ́siaku nwuna kabla bablane ku kenye bediene lɛlɔ ka si bábla lɛla lɛdi ni, lɛni na ɔdubo-ma bɔbla. Anwuɔsu, bábakpanku Israelƒuɔ bátákya Asiria kalɔ lɛlɔ. Na bakya mmɔ úbedu ɔmwi kadi.

Israelƒuɔ Bɔlɛ 18:3

ku bana bebi inyɔ bammɔ. Na bebi bammɔ unwi baalɔ Gerson ɔni kalɔ ndi ɔƒɔ, ɔsika Mose ɔ́su ɔnini, “Línwini ɔƒɔ na kadi bamba kalɔ lɛlɔ.”

Israelƒuɔ Bɔlɛ 2:22

Na Sipora ɔ́wɔ ubi ɔnanabi úte Mose. Na Mose ɔ́sia-nwu lɛnyi ɔnii Gerson ɔni kalɔ ndi ɔnii, “Línwini ɔƒɔ na kalɔ bamba lɛlɔ.”

Israelƒuɔ Bɔlɛ 20:4

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Lewiƒuɔ Ɔda Bubo 26:1

“ ‘Ɔdi utavɔ baƒiɔ badi iye use lɛtabi lɛdi iye ɔnwi lɛtabi lɛdi ɔbla-ni kedee use lɛlɔ utaakpa na kalɔ kani lɛlɔ bísela bitélie mmɔ lɛlɔ. Ami ndi bina Unwoti Katɔti.

Lɛkpa Ulu 27:15

“ ‘Ewida asiaku ukyuli ɔni nánwi iye ɔ́vɔ baƒiɔ badi na úti ɔ́bla lɛla lɛni muusé Unwoti lɛlɔ. Ɔsika lɛla ndi lɛla lɛni udu na ukyuli úti nwuna kɔnu ɔ́bla úse úte lɛlɔ na bɔbɛ kemmo ni, ɔ́ƒiɔ Katɔti.’ Na ɔlɛka bekyuli bammɔ ƒui basu banii, ‘Ɔsia lɛni.’

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Lɛkpa Ulu 31:29

Ngyi ka mina kekpima ni, bekyuli bamɛni badubo bekyuli bekpidi bunwini na badubo ala ani na lɛ́tina-ma mɛni buni. Na uwi ɔdi ɔdubo ɔni na badubo ɔgbankpi bɔsiaku, na uwi ɔdi ɔdubo ɔni na badubo Unwoti kɔnyi bɔkya na bataabla ala ani na úbo-ma ɔda ɔnii batabla.”

Litemi Batɛne 13:1

Amu na Israelƒuɔ básɔ bábla likpidi na Unwoti anumi. Ɔmɛni ɔsu Unwoti ɔ́nyonu-ma ɔkya Ƒilistiƒuɔ enu kemmo akwa aavlene sɔɔn.

Litemi Batɛne 17:3

Na Mika úti sika ɔƒualadi ebi amɛni úsienku uni. Na uni ɔ́su-nwu ɔnini, “Kalɛ na ewida amɛni elebo-ɔ lɛlɔ ɔsu ni, ami ɔlati muusé kenye ka ndubuti sika ɔƒualadi ebi amɛni lite-ɔ na eti akpa ete Unwoti. Na eti-nya avɔ kɔlɛmii na anwi ala na eti sika ɔƒualadi ebi ammɔ akwa-nya lɛlɔ.” Ɔmɛni ɔsu úti ala ammɔ ɔ́kya Mika enu kemmo.

Litemi Batɛne 17:5

Mmɔ na Mika ɔmɛni úse baƒiɔ úte lɛlɔ. Ɔmmɔ ɔsu úti ubidi ɔnana unwi na ɔ́ka ɔkpane awu úte-nwu, na úti-nwu úse baƒiɔ bammɔ kenye aani ɔkpane kalɛ.