Litemi Batɛne 18:20 - Katɔti Ɔku Kedee

²⁰ Mmɔ na kubiti kɔ́da ɔkpane ɔmmɔ, na úti ɔkpane awu ku kaduli baƒiɔ ku ligyii lɛnwidi lɛmmɔ ɔ́da na ɔ́siaku-ma ɔ́tɔlɔ.

Litemi Batɛne 18:20 ပူးပေါင်းရင်းမြစ်များ

Agba 30:15

“Ntu kebweyi kadi kakya na kebo bebi belekubi inyɔ. Ama bana keku kani ndi ‘Te-mi! Te-mi!’ “Alakpa atɛ adi akya na elemo kudii. Na ene adi aaagyi bɔsu anii, ‘Ɔ́bɔ!’

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Esekiel 13:19

Baayá na mina bekyuli beete-ma antabi ku bodobodo blii ɔdi kani na beedumi-mi na bana linyesia lɛni na bebo kemmo. Na baasia ɔkɔ etemila ammɔ lɛlɔ na baadú bekyuli bani na nka bátabla lɛla lɛdi na beebunku bekyuli bani na nka báƒiɔ na baatɔlɔ kɔtu tani tani. Na mina bekyuli baaƒɔ́-ma taadi.

Esekiel 21:21

Na si uwi ɔni na Babilonƒuɔ ɔga úbedu mmɔ ni, anwu ɔlati ɔdubɔlɛ ugyii kesii kani na ɔdubo bɔsia si ɔ́kunku nwuna atula iye unye ɔ́nu ebuo ɔni na bádu bákpa bete bana baƒiɔ ɔni ndi ulu ɔni lɛlɔ na baasia teebo like teeye bana baƒiɔ ala teenu.

Hosea 4:3

Ɔmmɔ ɔsu na bina kalɔ ƒui kénwini ketele kalɔ kakwiidi na káyii udu, na bekyuli ku bebuo ku baasɛ bani nkya-ka kemmo ƒui lɛnɔ beekpi.

Lewiƒuɔ Ɔda Bubo 26:1

“ ‘Ɔdi utavɔ baƒiɔ badi iye use lɛtabi lɛdi iye ɔnwi lɛtabi lɛdi ɔbla-ni kedee use lɛlɔ utaakpa na kalɔ kani lɛlɔ bísela bitélie mmɔ lɛlɔ. Ami ndi bina Unwoti Katɔti.

Batalane Kabla 20:33

Anumi étegyie-mi na ɔkpanadi sika ugyiedi iye ɔƒualadi iye lɛwu lɛlɔ.

Ƒilipiƒuɔ 3:19

Na ɔdubɔwɔlɔku-ma na bakywi na lɛgyavonku kemmo. Ɔsika bana kaƒɔ kani na beemwi. Na baatina lɛlɔ na ala ani na nka ɔlɛka ekpo-ma kɔƒa lɛlɔ. Na kayawi ala lɛlɔ kasusu kani na beeti.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Litemi Batɛne 17:10

Amu na Mika ɔ́su-nwu ɔnini, “Bo na ebelie-mi kudɔ na ndubuti-ɔ bɔbla mina ɔti ku ɔkpane. Na ndubuteete-ɔ adila ku adala. Na lɛkwa biala lɛnɔ ndubutaaƒɔ-ɔ sika ɔƒualadi ebi leevu.”

Litemi Batɛne 18:19

Na banana bammɔ bédie kenye banini, “Ba lɛsɛ na tasu ku lɛla. Mmomu siaku-bu kama na ababla bula ɔkpane ku bula ɔti. Na buuye-ɔ bɔnii ɔɔɔdia ka ataabla kaba ku ɔtɔ bekyuli kabla utulo ka ataabla ukyuli unwi kaduli bekyuli kabla?”

Litemi Batɛne 18:21

Na bénwini bátɔlɔ na báya na bana bebi ku bebuo ku bana akɛla ágyu atɔ-ma.