Litemi Batɛne 18:10 - Katɔti Ɔku Kedee

¹⁰ Na si bísie bítéduo mmɔ ni, bɛdubɔnu ka bekyuli bammɔ baaadaku lɛla lɛdi. Na ɔma ubendi lɛnɔ na ɔdi. Na bebo lɛla biala na ukyuli ɔɔwia. Na bɔɔsu-mii bɔnii Katɔti úuti bekyuli bammɔ ɔ́kya-mii enu kemmo kukuuku.”

Litemi Batɛne 18:10 ပူးပေါင်းရင်းမြစ်များ

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Esekiel 20:6

Na líse kenye ka ndubudie-ma lɛlɛku Egyipte kalɔ lɛlɔ na lɛtɔnku-ma lisienku ɔmii ɔni na lɛ́ɛƒuna líse lɛlɔ. Na kalɔ kammɔ kadi kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii teetulo kɔlɔ kɔkladi ƒui.

Lɛkpa Ulu 2:29

Lɛni na Esau bawɔ bani nli Edom abi lɛlɔ kalɔ ku Moabƒuɔ bani nli Ar bénu kalɔ na bɔ́via bana lɛmii ku Yordan Ketu asa na búduo kalɔ kani na Katɔti ɔ́su úse ka weti wete-bu kemmo.”

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Yosua 2:23

Ɔmmɔ kama Israelƒuɔ batu bammɔ báyu abi eli mmɔ bébo kalɔ. Na bátávia Yordan Ketu na bénwini bésie Yosua kudɔ. Na básu-nwu lɛla biala nálɛ.

Yosua 2:24

Na básu-nwu banini, “Bɔɔƒɔ́ taadi ka Unwoti úti kalɔ kammɔ ƒui úte-bu. Ɔsika bekyuli bani ƒui nkya kalɔ kammɔ lɛlɔ ɔtɔtɔ úse kalɔ ɔɔgyú-ma ɔ́si abu ɔsu.”

Yosua 6:16

Si báka bámana ɔma ɔmmɔ na udu maatɛdi lɛlɔ ni, kɔkpɛɛ bavwine bammɔ bedie bana kɔku kɔmmɔ. Mmɔ na Yosua úbo nwuna bekyuli bammɔ ɔda ɔnii babla kudu, na ɔ́su-ma ɔnini, “Unwoti úti ɔma unengudi ɔmɛni ɔ́kya-mii enu kemmo.

Litemi Batɛne 18:11

Amu na Dan kɔdua bekyuli nkyuli eti leevu-anyɔ bátu akpagya na báta bási Sore ku Estaol ka betékpoku-ma.

Litemi Batɛne 18:27

Amu na béti ala ani Mika ɔ́vɔ ku nwuna ɔkpane na bávi bésie Lais. Na bétékpoku bekyuli bani naaagyi beeese na belie atu bɔyɔ kemmo mɛni. Na Danƒuɔ béti bana kuwii na békpoku-ma, na bákyula bana ɔma unengudi ɔmmɔ.

Litemi Batɛne 18:7

Anwuɔsu nkyuli ɛlɔ bamɛni bátɔlɔ na béduo ɔma ɔni baalɔ banii Lais. Na bánu kalɛ na bekyuli bammɔ belie ƒaa aani Sidonƒuɔ, na bese buɛɛ na beli ku atubɔyɔ. Na ɔdi ulákyaku ɔkpanadi unyeƒi. Na bébo lɛla biala baawia. Na ama ku Sidonƒuɔ bágyunku lɛlɔ, na ama ku bekyuli biala beeebo kɔna kɔdi.

Litemi Batɛne 18:9

Amu na básu-ma banini, “Bɛta na butékpoku Laisƒuɔ. Ka bɔ́nu kalɔ kammɔ ni, kadia. Na bitaya na bubile uwi. Bɛta na butékpoku-ma na bɔƒɔ kalɔ kammɔ.