Litemi Batɛne 17:6 - Katɔti Ɔku Kedee

⁶ Na uwi ɔmmɔ ƒui kemmo ni, na Israelƒuɔ beeebo ɔga ɔdi. Anwuɔsu ukyuli biala ɔɔbla lɛla lɛni mɔɔyɔ́-nwu kaƒɔ.

Litemi Batɛne 17:6 ပူးပေါင်းရင်းမြစ်များ

Ala Kalɔ Buse 36:31

Asa na Israelƒuɔ lɛgabɔdi ulu úse kalɔ ni, bekyuli bamɛni nádi lɛga na Edom kalɔ lɛlɔ. Na ama ndi,

Kɔgya 12:4

Ɔsika baasu ka ama ni, bana kenye ogya na badubuti bakɛ lɛla biala. Na lɛla biala na baayɔ́ ni, badubɔsu-ni ƒaa, ɔsika baasu banii ukyuli biala ulakana-ma lɛla lɛdi bɔbla.

Agba 12:15

Badɔlɔdi mɔɔkali banii baláwia ka ukyuli ɔdi ɔkya-ma kasusu. Nsu banundane beesé atu teenu bekyuli bamba bɔlɛ.

Agba 14:12

Ukyuli biala ɔɔnu kasiakɔ kadi na nwuna ngba kemmo ka nka kadia, nsu nwuna kawɔlɔkɔ ni, kekpine kani na ɔɔdá taalɛ.

Agba 16:2

Bekyuli baanu ka bana ablala akɛ ulu ɔbuni lɛlɔ. Nsu Unwoti mɔɔkɔ́ku lɛla biala taanu kalɛ na lɛdia.

Etemila 11:9

Lɛlɔ lɛyɔ-ɔ na ƒula lɛkloƒu uwi na enu ngba emini. Na teni lɛbuni biala na ánu iye ƒula kayi kaayɔ́ tete lɛlɔ. Nsu tayiƒala ka Katɔti ɔdubɔtɛku-ɔ litemi na lɛla biala lɛni na ábla lɛlɔ.

Lɛkpa Ulu 12:8

Na si uwi ɔmmɔ údu ni, utalɛka bɛbla ala ani na bɛɛbla mɛni. Na úti úbedu ɔƒɛni ni, bɛɛkpá-nwu kalɛ na amii ɔlati bɛɛyɔ́.

Lɛkpa Ulu 33:5

Na Unwoti úbenwini ɔga úte nwuna bekyuli uwi ɔni na Israelƒuɔ kaba ƒui ku bana benengu básala lisu.”

Litemi Batɛne 18:1

Uwi ɔmmɔ kemmo Israelƒuɔ beeebo ɔga ɔdi tɔ. Na emeyi amɛni kemmo kani na Dan kɔdua bekyuli lɛnɔ báta na bakɛ baaví taawia kesii kani bada bana keliekɔ. Ɔsika kɔnu kútetuku-ma tɔ bana kadikɔ na Israelƒuɔ adua kemmo.

Litemi Batɛne 19:1

Uwi ɔmmɔ kemmo ni, Israelƒuɔ beeebo ɔga ɔdi. Na Lewini ɔdi nlie ɔgyu kalɔ kadi na Eƒraim abi lɛlɔ. Na úti ulekubi ɔdi ɔni na ɔ́si Yuda kalɔ lɛlɔ na Betlehem ɔ́bla nwuna ɔsɔnɔ.

Litemi Batɛne 21:25

Na uwi ɔmmɔ kemmo kani na Israelƒuɔ beeebo ɔga ɔdi. Ɔmɛni ɔsu ɔdi biala ɔɔbla lɛla lɛni na ɔɔyɔ́.

Litemi Batɛne 21:3

“O Unwoti, Israel Katɔti, bi ɔsu na ala amɛni udu álɛku Israelƒuɔ lɛni? Bi ɔsu na bula kɔdua kunwi kɔyii ɔmwi kadi?”