Litemi Batɛne 17:3 - Katɔti Ɔku Kedee

³ Na Mika úti sika ɔƒualadi ebi amɛni úsienku uni. Na uni ɔ́su-nwu ɔnini, “Kalɛ na ewida amɛni elebo-ɔ lɛlɔ ɔsu ni, ami ɔlati muusé kenye ka ndubuti sika ɔƒualadi ebi amɛni lite-ɔ na eti akpa ete Unwoti. Na eti-nya avɔ kɔlɛmii na anwi ala na eti sika ɔƒualadi ebi ammɔ akwa-nya lɛlɔ.” Ɔmɛni ɔsu úti ala ammɔ ɔ́kya Mika enu kemmo.

Litemi Batɛne 17:3 ပူးပေါင်းရင်းမြစ်များ

Ala Alɛdi 2 33:7

Manase ɔ́nwi atabi baƒiɔ badi na úti útálɛ Unwoti kakpakɔ. Mmɔ na Unwoti ɔ́su Dawid ku ubidi Salomo ɔnini, “Kakpakɔ kamɛni kemmo ku Yerusalem ɔma ɔni na lɛ́ƒuna na Israel bekyuli ƒui akɔ ni, mmɔ na ndubɔsia mina lɛnyi ute uwi ƒui.

Israelƒuɔ Bɔlɛ 20:23

Anwuɔsu bitese baƒiɔ badi bitebunku-mi, na biteti sika ɔƒualadi iye ugyiedi bitavɔ baƒiɔ badi bitese lɛlɔ.

Israelƒuɔ Bɔlɛ 20:4

Bitavɔ iye bɛnwi lɛla lɛni nálɛ ala ani nkya kayaa iye kalɔ lɛlɔ iye ntu bɔni na kalɔ kemmo na bitaakpa.

Israelƒuɔ Bɔlɛ 34:17

“Teti lɛbuala tabla baƒiɔ badi na ataakpa.

Yesaia 30:22

Na uwi ɔmmɔ ni, bɛdubɔnu bina baƒiɔ bani na bɛ́vɔ, ku bani na bɛ́nwi na bɛ́kwaa-nya ku sika ugyiedi aani kebu alakpi ani muusé lɛlɔ na bibo-nya biwiakun.

Yesaia 66:3

Nsu ukyuli biala nádu ɔmantɛ akɔ ka ɔkpa ute-mi ni, use aani ukyuli ɔni nádu nwuna ukyuli ɔkpana. Na ɔdi biala nádu koƒonubi ka ɔkpa ute-mi ni, use aani ukyuli ɔni náƒɛ akpewe limɔ. Na ɔdi biala néti kakpa edula ebi ka ubakpa ute-mi ni, use aani ukyuli ɔni néti ɔplakuo ubugya uboku-mi. Na ɔdi biala makyula oloƒui mete-mi use aani ukyuli ɔni mɔɔkpá baƒiɔ. Amii alati bɛ́ƒuna ala ani na bɛɛyɔ́ bíte lɛlɔ na binye bɛɛbla ala ani muusé lɛlɔ mɛni, ka anya mɔɔda-mii kubiti ɔsu.

Yeremia 10:8

Ala ani na bánwi iye bávɔ bábla baƒiɔ baaadi lɛla lɛdi. Na ukyuli biala ɔni mɔɔkpá-ma ɔdi ɔdɔlɔdi!

Lewiƒuɔ Ɔda Bubo 19:4

“ ‘Ɔdi utesie utatákpa baƒiɔ badi iye ɔvɔ baƒiɔ badi use lɛlɔ. Ami ndi Unwoti bina Katɔti.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Lɛkpa Ulu 12:3

Bibo bana akpabi ƒui bɛbwɛ. Na bibo bana atabi ani baalɔ atabi kedee lɛnɔ bɛbwɛ kpɛtɛ kpɛtɛ. Na bɛƒɛ bana lɛƒiɔgyii lɛni na bálɛ béte bana baƒiɔ beledi bani baalɔ Asera baƒiɔ. Na bibo bana baƒiɔ ƒui bɛkya ogya kemmo kalɛ na ukyuli ɔdi ulenyimo ka báakpa baƒiɔ badi na mmɔ kudii.

Lɛkpa Ulu 27:15

“ ‘Ewida asiaku ukyuli ɔni nánwi iye ɔ́vɔ baƒiɔ badi na úti ɔ́bla lɛla lɛni muusé Unwoti lɛlɔ. Ɔsika lɛla ndi lɛla lɛni udu na ukyuli úti nwuna kɔnu ɔ́bla úse úte lɛlɔ na bɔbɛ kemmo ni, ɔ́ƒiɔ Katɔti.’ Na ɔlɛka bekyuli bammɔ ƒui basu banii, ‘Ɔsia lɛni.’

Litemi Batɛne 17:13

Mmɔ na Mika ɔ́su ɔnini, “Ɔmwi ni, ngyi ka Unwoti ɔdubo-mi lɛƒɔndia lɛdi bɔbla. Ɔsika Lewini ɔmɛni únweni mina ɔkpane.”

Litemi Batɛne 17:2

Na ɔnana ɔmɛni ɔ́su uni ɔnini, “Sika ɔƒualadi ebi apim ku eti anyɔ lɛlɔ kɔtɛ ani násu ka ukyuli ɔdi úyu-ɔ ni, línu ka ɔkɛnku ɔmɛni ɔsu éwida ukyuli ɔmmɔ. Ami néti sika ɔƒualadi ebi ammɔ, na ese-mi kudɔ.” Amu na uni ɔ́su-nwu ɔnini, “Unwoti ute-ɔ kusɛ kusɛ, mina ubi.”

Litemi Batɛne 17:4

Amu ka Mika úti sika ɔƒualadi ɔmɛni úsienku uni ni, uni úti sika ɔƒualadi ebi eti ene, na úti úte ɔkywɛne ɔdi ka uti ɔvɔ kɔlɛmii ute-nwu. Na ɔkywɛne ɔmmɔ ɔ́bla ala ammɔ úte-nwu, na Mika úti-nya útése nwuna kaduli.

Litemi Batɛne 18:30

Ɔma ɔmɛni na Danƒuɔ bamɛni bátu baƒiɔ bammɔ balɛ. Na Yonatan ɔni ndi Gerson ubidi na ɔdi Mose uwɔ ni, anwu ku nwuna bebi mɔɔdi bakpane teete Danƒuɔ bammɔ úti útédu ka béƒie-ma bésienku kalɔ bamba lɛlɔ.

Litemi Batɛne 18:5

Na batu bammɔ bévele ɔkpane ɔmmɔ banini, “Ye siku Katɔti kudɔ si bula ulu busie ɔdubɔdia ute-bu?”