Litemi Batɛne 16:5 - Katɔti Ɔku Kedee

⁵ Na Ƒilistiƒuɔ benengu bákpɛ béde ugblebi ɔmɛni na básu-nwu banini, “Sia ulu biala lɛlɔ na atɔlɔ Simson na ɔsu-ɔ kesii kani na ɔ́kɛ nwuna ɔyikun bonwu ɔmɛni ɔ́siku. Na abu bɔdubɔwia ulu ɔni lɛlɔ na bɔdubɔsia na bunyimi-nwu na buboku-nwu kalɔ. Na bula ƒui ɔdi biala ɔdubute-ɔ sika ɔƒualadi ebi apim unwi ku eti anyɔ.”

Litemi Batɛne 16:5 ပူးပေါင်းရင်းမြစ်များ

Ala Kalɔ Buse 33:16

Ɔmmɔ ɔsu ni, Esau ɔ́yu ulu limeyi lɛmmɔ na úti úsela Seir.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Mateo 26:15

Na úye-ma ɔnini, “Bi na bɛdubute-mi si lɛ́kya Yesu kakya na lídie-nwu lite-mii?” Mmɔ ni, bátuna ka badubute-nwu sika ɔƒualadi ebi avlaatɛ.

Yosua 13:3

úti ɔ́si Sihor Ketu kani nkya Egyipte ɔƒɛ katukɔ úti úsie Ekron ɔmii lɛlɔ na kada kakɛ. Na ɔdi Kanaanƒuɔ kɔlɔ. Na Ƒilistiƒuɔ lɛma ɛlɔ lɛmmɔ ɔlɛka bikpo bɛƒɔ ni. Na lɛma lɛmmɔ ndi Gasa ku Asdod ku Aska ku Gat ku Ekron ku Awin.

Litemi Batɛne 14:15

Na limeyi linedi lɛlɔ bekyuli bammɔ bésie Simson ulekudi kudɔ na básu-nwu banini, “Tɔlɔ ƒ'ɔgyani na udie agyolo ammɔ kalɔ ɔtina-a na asu-bu. Si ɔɔɔdi lɛni bɔdubo awɔ ku ƒula ɔti kaduli bɔkyula bɔsala.” Na béye ulekubi ɔmmɔ banii, “Munuu buti na éti ɔnanabi ɔmɛni éboku anii ubeyu-bu?”

Litemi Batɛne 16:4

Uwi ɔdi kama Simson úbanu ugblebi ɔni nlie Sorek Kɔwɛ kemmo na baalɔ-nwu banii Delila. Ka ɔ́nu ugblebi ɔmɛni ni, na ɔɔyɔ́-nwu.

Litemi Batɛne 16:6

Ɔmɛni ɔsu Delila ɔ́su Simson ɔnini, “Su-mi kesii kani na aakɛ́ ƒula ɔyikun bonwu ɔmmɔ taasiku ku kalɛ si bényimi-ɔ ni, na alakana bukpo bɔlɛ.”

Litemi Batɛne 17:2

Na ɔnana ɔmɛni ɔ́su uni ɔnini, “Sika ɔƒualadi ebi apim ku eti anyɔ lɛlɔ kɔtɛ ani násu ka ukyuli ɔdi úyu-ɔ ni, línu ka ɔkɛnku ɔmɛni ɔsu éwida ukyuli ɔmmɔ. Ami néti sika ɔƒualadi ebi ammɔ, na ese-mi kudɔ.” Amu na uni ɔ́su-nwu ɔnini, “Unwoti ute-ɔ kusɛ kusɛ, mina ubi.”

Litemi Batɛne 3:3

Na bani nébu kɔlɔ kɔmmɔ kemmo ndi Ƒilistiƒuɔ baga ɛlɔ ku Kanaanƒuɔ ku Sidonƒuɔ ku Hewiƒuɔ bani nlie Lebanon abi lɛlɔ úti ɔ́si Baal-Hermon Kɔbi lɛlɔ útédu Lebo Hamat.

Samuel 1 29:6

Anwuɔsu Ɔga Akis ɔ́lɔ Dawid na ɔ́su-nwu ɔnini, “Na Unwoti anumi ni, mɔɔsu-ɔ nnii ɔ́si ɔni na ébo-mi kudɔ mɛni ni, átata étenye-mi lɛlɔ kudii na ulu ɔdi lɛlɔ. Na nka ndubɔyɔ si ásiaku-mi kekpokɔ na ébebunku-mi. Nsu mina bekpone agyina bakpane besiene bétenu ɔmɛni kalɔ.