Litemi Batɛne 16:30 - Katɔti Ɔku Kedee

³⁰ Mmɔ na Simson ɔ́su lɛlɔ ɔnini, “Ami ku Ƒilistiƒuɔ bɔdubo bukpi bɔsala.” Anwuɔsu úti nwuna ɔyikun ƒui na ɔ́kunku akpa ammɔ, na ɔtɔ ɔmmɔ ƒui ɔ́ƒɛ ɔ́yu batɔnkune bammɔ ku bekyuli bammɔ ƒui lɛlɔ. Ɔmɛni ɔsu Simson ɔ́du bekyuli na nwuna kukpi uwi útulo uwi ɔni na úlie ngba.

Litemi Batɛne 16:30 ပူးပေါင်းရင်းမြစ်များ

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Hiob 20:5

alaekpidi ɔblane biala ni, uwi klukwii ɔdi kani na ɔɔkɛ́ ebiti teetédu.

Hiob 31:3

Geen ni, Unwoti ɔɔyá na ɔgbankpi ɔɔsiáku bekyuli bani mɔɔbla ekpidi.

Kɔgya 62:3

Kɔlɛ sɔɔn na amii mina bekisine bɛdubɔta bibekpoku-mi na bɛkya-mi ɔlɛ lɛlɔ, ɔsika nse aani ɔban ɔni nsɔ neeebo ɔkplu iye kowodu kɔni mɔɔnyonu lɛlɔ?

Etemila 9:12

Na lɛnɔ ni, ukyuli ɔdi ɔɔɔgyi uwi ɔni na nwuna uwi ɔdubo ubedu. Kalɛ na kabɛ keeduo agyakuo kemmo iye aasɛ ɔɔnú kamia ni, lɛni na uwi ukpidi uubo taabasiaku bekyuli aani kalɛ na baanú kakpagyuɛ.

Mateo 16:25

Ukyuli biala ɔni mɔɔwia ka ɔƒɔ nwuna lili ngba ute lɛlɔ ni, ɔdubɔyila-mu. Na ukyuli biala ɔni nányonu nwuna ngba ka ɔsiaku-mi kama ni, ɔdubɔkɛ ngba geen.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 21:13

Mmɔ na ɔ́su-bu ɔnini, “Bi ɔsu na biiwulo na bɛɛƒɛ-mi enu lɛni? Ami lɛ́tuna ka benyimi-mi na Yerusalem, na likpi lite Blɔti Yesu lɛnyi.”

Ƒilipiƒuɔ 2:17

Nsu si ina mina ubugya na bada beewi kalɔ aani kalɛ baabla akpala na bina lili kalɛ na bina bɔƒɔtaadi busie anumi ni, lɛlɔ lɛdubɔyɔ-mi na kubiti kɔda-mi na bina ƒui ɔsu.

Ƒilipiƒuɔ 2:30

Ɔsika úti nwuna ngba ɔ́kpa na úbu blii suɛ nka úkpi ɔ́si Kristo kabla ɔsu. Na úte-mi kebunku kani amii alati bítakana-mi bute.

Ƒilipiƒuɔ 2:8

Ɔmmɔ ɔsu ni, úboku lɛlɔ kalɔ na únu Katɔti litemi utédu ka úkpi ugyii lɛlɔ kukpi muedi.

Koloseƒuɔ 2:15

Na ugyii ɔmmɔ lɛlɔ ni, Kristo ɔ́ƒɔ ɔyikun ɔ́lɛku bayikune ku kenyekɔ biala enu kemmo. Na ɔ́kya-ma kɔƒa na bekyuli anumi ka ɔ́di-ma lɛlɔ.

Tesalonikaƒuɔ 1 5:2

Ɔsika amii alati bɛgyi geen ka Blɔti limeyi lɛmmɔ lɛdububo aani kalɛ na uyune uuyú ukyuli taatu usien.

Litemi Batɛne 14:19

Amu na Unwoti Kɔyu kúbaƒɔ Simson lɛlɔ kemmo ku ɔyikun, na úsie Askelon na útádu bana banana avlaatɛ na úti bana akɛla útéte bekyuli bani nédie agyolo ammɔ kalɔ. Na úti kɔnyi kati kati na ɔ́vi úsie ɔti kaduli.

Litemi Batɛne 15:15

Na ka ɔ́nu ebuo ala utine ɔnungla likubi lɛdi ni, úti-ni na ɔ́du bekyuli apim unwi.

Litemi Batɛne 15:8

Na úkpoku-ma kaduɛ na ɔ́du-ma pii. Amu na úsie útélie atakpɛ ubu ɔdi kemmo na Etan.

Litemi Batɛne 16:29

Amu na Simson ɔ́kpɛ úde akpa anyɔ ani nda ɔtɔ umodi ɔmmɔ. Na ka úti kayi úkpo-nya lɛlɔ ni, úti nwuna kɔmii úƒie lɛkpa linwi ɔ́da. Na úƒie linyɔdi lɛnɔ ɔ́da ku nwuna kɔdianu.

Litemi Batɛne 16:31

Amu na nwuna banwani bananabi ku ɔti bene ku nwuna kaduli bekyuli bésie na bététi nwuna ukpine. Na bénwini bátáva-nwu na Sora ku Estaol ntɛ, na ɔti Manoa kaƒiɔtɔ kudɔ. Na Simson ɔ́tɔnku Israelƒuɔ akwa aavlanyɔ.