Litemi Batɛne 16:25 - Katɔti Ɔku Kedee

²⁵ Na uwi ɔni na béduo lɛlɔyɔ bonwu kemmo ni, básu banii, “Bɛlɔ Simson biboku mɛni na ubaƒia ɔtina-bu.” Amu na bátálɔ Simson bálɛku nwuna katɛnkɔ mmɔ na sɔsɔ úbaƒia ɔ́tina-ma. Uwi ɔni na béti-nwu bébenyene lɛkpa lɛdi kudɔ ni,

Litemi Batɛne 16:25 ပူးပေါင်းရင်းမြစ်များ

Samuel 2 13:28

Ɔmmɔ kama ni, Absalom úsie útébo nwuna kabla bablane ɔda na ɔ́su-ma ɔnini, “Binu kaduɛ! Si uwi ɔni na bɛ́nu ka Amnon ɔ́ni ntɛ úkpi na bɔdaku-nwu bɔda ni, ndubo-mii bɔsu nnii, ‘Bibo Amnon bɛva kalɔ.’ Na mmɔ ni, bɛdu-nwu. Na bitayia. Ami nébo-mii ɔda lɛni. Ɔmmɔ ɔsu bise kayi na bɛdi lɛnanabi.”

Baga 1 20:12

Amu ka Ben-Hadad únu kenye kammɔ uwi ɔni na anwu ku nwuna baga bákya adi kevo kemmo baaní ntɛ ni, mmɔ na ɔ́su nwuna bekpone ɔnini, “Batu akpagya na betékpoku Israelƒuɔ.” Anwuɔsu ama lɛnɔ báklibi lɛlɔ ka betékpoku ɔma unengudi bekyuli.

Ester 1:10

Na limeyi maatɛdi lɛlɔ ni, ntɛ pii bɔmmɔ bɔ́ɔta bɔ́sia Ɔga Ahasweros anumi, na lɛlɔ lɛnɔ lɛɛyɔ́-nwu geen, anwuɔsu ɔ́tala nwuna kabla bablane maatɛ badi bani ndi Mehuman ku Bitsa ku Harbona ku Bigta ku Abagta ku Setar ku Karkas ɔnii

Ester 3:15

Ɔga Ahasweros ɔ́ya na bákɔ litemi lɛmɛni lɛsa na kesii biala, na ɔ́lɛ lɛni na Susa ɔma unengudi kemmo lɛnɔ. Na ɔmmɔ kama ni, Ɔga Ahasweros ku Haman bétélie kalɔ na báni ntɛ. Nsu litemi lɛmɛni lɛ́bla Susa ɔma bekyuli dɛye dɛye, na lɛsɛ lɛ́ƒɔ-nwu kemmo ƒui.

Kɔgya 69:12

Mina lɛlɔ litemi kani na litemi batɛne ku benengu bada baasu.

Kɔgya 69:26

Ɔsika ukyuli ɔni na áani kɔtu ni, ama basɔ benye beekpóku-nwu. Na alɛbi ani na ɔ́ƒɔ ku ɔlɛ ɔni na uunú únwini-ma agyolo na baatu taama.

Yesaia 22:13

Nsu bɛɛnu ka lɛlɔ mmomu mɔɔyɔ́-mii, na bɛɛtɔ́ taaƒia taadi limeyi, na bɛɛdú bebuo taakun na bɛɛdi na bɛɛní ntɛ! Na bɛɛsu bɛnini, “Bɛya bɔdi na bɔni, ɔsika kɔnaadi bɔdubo bukpi.”

Mateo 27:29

Na bédi liyu kabwa bébi-nwu lili asa na béti ugyii bákya-nwu kɔdianu lɛkɔkɔ. Bábla-nwu ala amɛni ƒui aani ɔga kalɛ. Na bálɛ akɔnkɔ na nwuna anumi, na baamá-nwu taasu banii, “Yiidu! Yudaƒuɔ Ɔga ulie ngba gyɔlɔɔ!”

Hebriƒuɔ 11:36

Bekyuli béwi badi anumi kalɔ na bébo-ma. Na badi lɛnɔ ni, bébo-ma kɔgba na bákya-ma aban ɔtɔ.

Litemi Batɛne 16:24

Na uwi ɔni na bekyuli bánu Simson ɔmɛni ni, bémwi bana baƒiɔ banini, “Bula baƒiɔ néti bula ukisine ɔ́kya-bu enu kemmo, anwu ɔni nébile bula kalɔ na ɔ́du bekyuli pii.”

Litemi Batɛne 16:26

Simson ɔ́su ukyuli ɔni néti-nwu utényene lɛkpa lɛmmɔ kudɔ mmɔ ɔnini, “Ti-mi tényene lɛkpa lɛni nda ɔtɔ ɔmɛni kpakplaa kudɔ, na lɛkada likpo-nwu lɛlɔ.”

Litemi Batɛne 18:20

Mmɔ na kubiti kɔ́da ɔkpane ɔmmɔ, na úti ɔkpane awu ku kaduli baƒiɔ ku ligyii lɛnwidi lɛmmɔ ɔ́da na ɔ́siaku-ma ɔ́tɔlɔ.

Litemi Batɛne 19:6

Anwuɔsu bana inyɔ bélie kalɔ na bádi na báni básala. Mmɔ na uleku ɔmɛni ɔti ɔ́su Lewini ɔmmɔ ɔnini, “Buvele nda-a, ka atɛ usien ɔmɛni na akɛ kubiti.”

Litemi Batɛne 19:9

Uwi ɔni na Lewini ɔmmɔ ku nwuna ɔsɔnɔ ku nwuna kabla bablane bábla kasusu ka bagyu ni, Lewini ɔsɔnɔ ɔti ɔ́sɔ ɔ́su-nwu ɔnini, “Nu, useyi úudu ɔ́wɔlɔ na uwi uletu asa na kadi kasa. Anwuɔsu tɛ na akɛ kubiti kɔkladi. Na kɔnaadi ata ɔtanta tutuutu na atɔlɔ.”

Litemi Batɛne 9:27

Na bana ƒui bésie bana adingyii mmo na bétéde egyiibi na béti bábla ntɛ na báni bádi limeyi. Na bésie bana lɛkpabi lɛni bátu balɛ kudɔ. Na uwi ɔni na bakya baadi na banii teekpi ni, beewida Abimelek.