Litemi Batɛne 14:6 - Katɔti Ɔku Kedee

⁶ Mmɔ na Unwoti Kɔyu kúbeduo Simson lɛlɔ kemmo ku ɔyikun, na úƒie gyata ɔmmɔ ɔ́duli aani kalɛ na baaduli ese ubi. Nsu útasu ɔti iye uni lɛla lɛni na ɔ́bla.

Litemi Batɛne 14:6 ပူးပေါင်းရင်းမြစ်များ

Kɔgya 91:13

Adubɔdi bagyata ku balakpi bekpidi ƒui lɛlɔ na balakana-a lɛla lɛdi bɔbla.

Yesaia 42:2

Ulakyaku ukyuli ɔdi unyeƒi iye bɔva. Na ɔdi ulénu-nwu lɛdi na kuyeya ulu lɛlɔ.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Mateo 11:29

Bibo bɔda kɔda, na bɛtɛya bɛsiku-mi kudɔ. Nse buɛɛ na muuboku lɛlɔ kalɔ, na bɛdubɔkɛ bɔnwuna.

Hebriƒuɔ 11:33

Ɔkɛnku bɔƒɔtaadi lɛlɔ ni, bana badi békpo na bádi lɛga kadikɔ lɛlɔ. Na badi báya na bekyuli baabla ala ulu lɛlɔ. Na badi kɔnu kútuku Katɔti linyese lɛmmɔ. Na badi bákalɛ bagyata inye.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Litemi Batɛne 11:29

Mmɔ na Unwoti Kɔyu kɔ́ƒɔ Yeƒta kemmo na ɔ́ta na úsie Gilead ku Manase, na ɔ́vi úsie Gilead-Mispe. Na ka ɔ́si Gilead-Mispe ni, útáda ɔ́lɛ Amonƒuɔ lɛlɔ.

Litemi Batɛne 13:25

Na Unwoti Kɔyu kúse kalɔ kɔɔƒɔ́-nwu lɛlɔ kemmo uwi ɔni na ɔkya Dan kalɛkɛ, na Sora ku Estaol ntɛ.

Litemi Batɛne 14:19

Amu na Unwoti Kɔyu kúbaƒɔ Simson lɛlɔ kemmo ku ɔyikun, na úsie Askelon na útádu bana banana avlaatɛ na úti bana akɛla útéte bekyuli bani nédie agyolo ammɔ kalɔ. Na úti kɔnyi kati kati na ɔ́vi úsie ɔti kaduli.

Litemi Batɛne 14:5

Na Simson ku ɔti ku uni báta na bésie Timna. Uwi ɔni badaku adingyii kemo kadi nde Timna budu ni, kɔnakunwi gyata ɔkɔdi ɔ́da ɔ́lɛ na ɔ́ƒulu úsie Simson kudɔ.

Litemi Batɛne 14:7

Mmɔ na úsie uleku ɔmmɔ kudɔ na báda kɔtɛ, ɔsika nwuna lɛlɔ lɛɛda-nwu kubiti.

Litemi Batɛne 15:15

Na ka ɔ́nu ebuo ala utine ɔnungla likubi lɛdi ni, úti-ni na ɔ́du bekyuli apim unwi.

Litemi Batɛne 15:8

Na úkpoku-ma kaduɛ na ɔ́du-ma pii. Amu na úsie útélie atakpɛ ubu ɔdi kemmo na Etan.

Litemi Batɛne 16:30

Mmɔ na Simson ɔ́su lɛlɔ ɔnini, “Ami ku Ƒilistiƒuɔ bɔdubo bukpi bɔsala.” Anwuɔsu úti nwuna ɔyikun ƒui na ɔ́kunku akpa ammɔ, na ɔtɔ ɔmmɔ ƒui ɔ́ƒɛ ɔ́yu batɔnkune bammɔ ku bekyuli bammɔ ƒui lɛlɔ. Ɔmɛni ɔsu Simson ɔ́du bekyuli na nwuna kukpi uwi útulo uwi ɔni na úlie ngba.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Samuel 1 10:16

Saul údie kenye ɔnini, “Ɔ́su-bu ɔnii bɔsɔ butekpoku lɛlɔ, ɔsika báanu bebuo ala betine bammɔ.” Na ɔmmɔ kani na Saul ɔ́su nwuna ɔti ɔwani. Nsu útasu-nwu ka Samuel ɔ́su ka anwu Saul ndubo ɔga bunwini.

Samuel 1 10:6

Na Unwoti Kɔyu kɔdubɔƒɔ-ɔ lɛlɔ kemmo ku nwuna ɔyikun na ese kalɔ eteebo kudu aani bana kalɛ, na adubo bunwini ukyuli udu ɔwɔdi.

Samuel 1 11:6

Ka Saul únu kenye kamɛni ni, Katɔti kɔyu kɔ́ƒɔ-nwu lɛlɔ kemmo kɔnakunwi na ɔ́kɛ kɔnyi geen.

Samuel 1 14:1

Na limeyi lɛdi ni, Yonatan ɔ́su ukpone ɔni muuti nwuna ekpola ɔnini, “Ya na bɔvia ulu ɔmmɔ busie kesii kani na Ƒilistiƒuɔ beli.” Anwuɔsu báyu ulu, nsu Yonatan útasu ɔti ka bésela mmɔ.

Samuel 1 17:46

Nsu ɔmwi ni, Unwoti ɔdubɔya na lɛdi-ɔ lɛlɔ. Na ndubukulo-ɔ lili lɛnɔ. Na ɔɔɔdi ɔmmɔ lɛti pɛ. Mmomu bina Ƒilistiƒuɔ bekpone ni, badubo-ma bɔdu geen ɔmwi limeyi lɛmɛni lɛlɔ na bana ɔlɔna unwini lɛdila ute baasɛ ku bebuo bamba na bakun. Na kayawi bekyuli ƒui banu bati ka abu Israelƒuɔ ni, bubo Katɔti ɔni muukpó teete-bu.