Litemi Batɛne 14:19 - Katɔti Ɔku Kedee

¹⁹ Amu na Unwoti Kɔyu kúbaƒɔ Simson lɛlɔ kemmo ku ɔyikun, na úsie Askelon na útádu bana banana avlaatɛ na úti bana akɛla útéte bekyuli bani nédie agyolo ammɔ kalɔ. Na úti kɔnyi kati kati na ɔ́vi úsie ɔti kaduli.

Litemi Batɛne 14:19 ပူးပေါင်းရင်းမြစ်များ

Litemi Batɛne 1:18

Yuda kadi bekyuli béti Gasa ku Askelon ku Ekron lɛma linengudi lɛmmɔ ku kɔlɔ kɔni náka kɔ́mana-ni.

Litemi Batɛne 13:25

Na Unwoti Kɔyu kúse kalɔ kɔɔƒɔ́-nwu lɛlɔ kemmo uwi ɔni na ɔkya Dan kalɛkɛ, na Sora ku Estaol ntɛ.

Litemi Batɛne 14:18

Asa na ɔƒɛ ɔdubuduo nwuna lɛyu kemmo limeyi maatɛdi lɛlɔ ni, ɔma ɔmmɔ bekyuli básu Simson banini, “Bi ndubɔyu ɔkplu butulo gyata?” Mmɔ na Simson údie kenye ɔnini, “Si ɔɔɔdi mina ɔmantɛ akɔ na bɛda biinwíni kalɔ ni, nka úti úbedu ɔƒaani ni, bilakana agyolo ammɔ kalɔ budie!”

Litemi Batɛne 14:6

Mmɔ na Unwoti Kɔyu kúbeduo Simson lɛlɔ kemmo ku ɔyikun, na úƒie gyata ɔmmɔ ɔ́duli aani kalɛ na baaduli ese ubi. Nsu útasu ɔti iye uni lɛla lɛni na ɔ́bla.

Litemi Batɛne 15:14

Na uwi ɔni na badaku Lehi budu ni, Ƒilistiƒuɔ bálɛ bébo ku kɔvanu. Mmɔ na Unwoti Kɔyu kɔ́ƒɔ Simson lɛlɔ kemmo ku ɔyikun. Na kɔbuli kɔni béti bényimi-nwu enu mmɔ kɔ́bla aani kɔbuli kɔni ogya ɔ́kyula-ku. Na kɔ́lɛ-nwu enu kemmo kúwi kalɔ.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Samuel 1 11:6

Ka Saul únu kenye kamɛni ni, Katɔti kɔyu kɔ́ƒɔ-nwu lɛlɔ kemmo kɔnakunwi na ɔ́kɛ kɔnyi geen.

Samuel 1 6:17

Sika ugyiedi alɛbi udu ɔni na Ƒilistiƒuɔ béti bésienku bétékpi Unwoti kɔtɔ ni, unwi ɔdi Asdod ɔdi, Gasa ɔdi unwi, Askelon ɔdi unwi, Gat ɔdi unwi, na Ekron ɔdi lɛnɔ unwi.

Samuel 1 6:4

Amu na Ƒilistiƒuɔ bammɔ béye banini, “Bi na ɔ́manku ka buti butékpi Unwoti ɔmmɔ kɔtɔ.” Mmɔ na bédie kenye banini, “Biti sika ugyiedi na bɛnwamana-nwu na bɛvɔ bɛbla aani bina alɛbi ani mɔɔdu-mi mmɔ udu. Na bɛvɔ ɔbambadi lɛnɔ aani besi bani muubile-mi ala udu kenye. Na nwuna bumomo bɔbla ɛlɔ ɛlɔ na Ƒilistiƒuɔ agyina besiene bammɔ bumomo kenye, ɔsika amii ku-ma lɛlɔ na ɔlɛ ɔmmɔ úbo. Na biti bitéte Israel baƒiɔ bammɔ aani bina kɔtɔ bukpi etela. Ɔƒɛni kalɛ kaƒɔ kadubɔba-nwu na ɔ́ya ɔgbankpi ɔmmɔ kenye kekulo na amii ku bina baƒiɔ ku kalɔ kammɔ ƒui bɛkɛ bɔnwuna.