Litemi Batɛne 14:11 - Katɔti Ɔku Kedee

¹¹ Ka Ƒilistiƒuɔ bánu Simson ni, bédie nkyuli avlaatɛ ka betélie-nwu kudɔ.

Litemi Batɛne 14:11 ပူးပေါင်းရင်းမြစ်များ

Hiob 41:6

Ebuo ɔni na badubɔkana badi-nwu kuye na ɔdi? Bɔdu na badubɔdu-nwu na bekulo-nwu lɛna basia kalɛkɛ lɛlɔ beteeye?

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Mateo 9:15

Yesu údie kenye ɔnini, “Bɛɛƒɔ́ taadi ka bekyuli bani na bálɔ béboku uleku ketikɔ badubo kɔnyana buteewulo na uwi ɔni na uleku ɔgya ɔmmɔ ɔkya-ma kudɔ? Ulebo ulete lɛni kudii! Nsu limeyi lɛdi lɛdububo ɔni na badubuti uleku ɔgya ɔmmɔ na bana kudɔ. Na uwi ɔmmɔ na badubulie kɔka.

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Litemi Batɛne 14:10

Na Simson ɔti úsie ulekubi ɔmɛni kaduli, na Simson ɔ́ya na bádi limeyi béte ulekudi aani kalɛ na bana ɔdi ɔɔtina ka babla bete uleku utidi.

Litemi Batɛne 14:12

Amu na Simson ɔ́su bekyuli bammɔ ɔnini, “Ndubo-mii agyolo adi bɔtu bute na lite-mii emeyi maatɛ na emeyi amɛni bɔdi kemmo na bidie-nwu kalɔ. Na si bɛkana agyolo ammɔ kalɔ budie ni, ndubute-mii adi abuni avlaatɛ ku lɛwu lɛbuni avlaatɛ.

Samuel 1 10:23

Ɔmmɔ ɔsu bábabla bátálɔ-nwu béboku. Na ka úbenye-ma akɔ ni, ɔ́kuku úbo ɔ́vi ukyuli biala na unye mmɔ.

Samuel 1 16:6

Uwi ɔni na bébeduo mmɔ ni, Samuel ɔ́nu Eliab, Yisai ubidi unengudi. Mmɔ na ɔ́su lɛlɔ ɔnini, “Ngyi ka okloƒu ɔmɛni na Unwoti ɔɔwia use lɛga.”