Litemi Batɛne 13:4 - Katɔti Ɔku Kedee

⁴ Ɔƒɛni mɔɔsu-ɔ ka tani ntɛ kpakplaa iye ntɛ biala, na anu lɛnɔ ka atadi adila ani muusé lɛlɔ.

Litemi Batɛne 13:4 ပူးပေါင်းရင်းမြစ်များ

Lewiƒuɔ Ɔda Bubo 11:27

Na bebuo bani ƒui na bebo lɛgba ine na baakpɛ́ kalɔ ku bebuo bani mbo akɔkɔ badi bebuo bani muusé lɛlɔ. Na ukyuli biala metuku bana bekpine ɔdubuse lɛlɔ utédu useyi uwi asa na wabla sɛɛn.

Lewiƒuɔ Ɔda Bubo 11:47

Na ɔlɛka bɛnu kavumana kani na kakya bebuo bani nse sɛɛn ku bani neeese sɛɛn ntɛ. Na bɛnu bɛti kubweyi kɔni na bɛkana na bɛkun ku bani na útalɛka bɛkun.’ ”

Luka 1:15

Ɔdubo ukyuli ubendi bɔbla na Katɔti anumi. Útalɛka ɔni ntɛ kpakplaa iye bɔbambadi bɔdi udu lɛnɔ. Na ɔ́si nwuna bɔwɔ uwi ni, Katɔti kɔyu kɔdubɔƒɔ-nwu lɛlɔ kemmo.

Batalane Kabla 10:14

Amu na Petro ɔ́su ɔnini, “Oowo! Kudi kudii! Blɔti, ńteti bebuo bani abu Yudaƒuɔ bukisi ńtetuku kenye kudii!”

Litemi Batɛne 13:13

Na ɔtu ɔmmɔ údie kenye ɔnini, “Ƒ'ulekudi ɔdi ka ɔbla ɔsia lɛla biala na lɛ́su-nwu lɛlɔ.

Litemi Batɛne 13:14

Na anya ndi ka útalɛka ɔdi lɛla biala na bébulo iye ɔni ntɛ kpakplaa iye ntɛ bɔdi biala iye ɔdi adila ani muusé lɛlɔ biala. Na ɔlɛka ɔdi ɔda ɔni ƒui líbo-nwu lɛlɔ.”

Litemi Batɛne 13:7

Nsu bɔsu kani na ɔ́su-mi ɔnii ndubo kaƒɔ bɔda na lɛwɔ ɔnanabi. Ɔƒɛni ntani ntɛ kpakplaa iye ntɛ biala. Na ntadi adila ani muusé lɛlɔ lɛnɔ. Ɔsika ubi ɔmmɔ ɔdubunwini Unwoti ukyuli ɔƒunadi ɔ́si nwuna bɔwɔ uwi úti útédu nwuna kukpi uwi.”