Litemi Batɛne 13:25 - Katɔti Ɔku Kedee

²⁵ Na Unwoti Kɔyu kúse kalɔ kɔɔƒɔ́-nwu lɛlɔ kemmo uwi ɔni na ɔkya Dan kalɛkɛ, na Sora ku Estaol ntɛ.

Litemi Batɛne 13:25 ပူးပေါင်းရင်းမြစ်များ

Mateo 4:1

Amu na Katɔti Kɔyu kútiku Yesu kúsienku ketele kemmo kesii kani na ukisine ɔmmɔ ukpoku-nwu ɔnu.

Yohane 3:34

Ukyuli Ɔƒunadi ɔni na Katɔti ɔ́tala ni, anwu mɔɔsu Katɔti etemila. Ɔsika Katɔti ɔ́tala nwuna Kɔyu ɔnii kubelie ukyuli ɔmɛni lɛlɔ ku kuna ɔyikun ƒui.

Yosua 15:33

Na lɛma lɛni nkya abi kaƒɔna na ɔƒɛ kanukɔ kakɛ ni, ani ndi Estaol ku Sora ku Asna

Yosua 19:41

Na lɛma lɛmmɔ ndi Sora ku Estaol ku Ir-Semes

Litemi Batɛne 11:29

Mmɔ na Unwoti Kɔyu kɔ́ƒɔ Yeƒta kemmo na ɔ́ta na úsie Gilead ku Manase, na ɔ́vi úsie Gilead-Mispe. Na ka ɔ́si Gilead-Mispe ni, útáda ɔ́lɛ Amonƒuɔ lɛlɔ.

Litemi Batɛne 14:1

Amu na Simson ɔ́vi úsie Timna. Na mmɔ ɔ́nu Ƒilistini ugblebi ɔdi.

Litemi Batɛne 14:19

Amu na Unwoti Kɔyu kúbaƒɔ Simson lɛlɔ kemmo ku ɔyikun, na úsie Askelon na útádu bana banana avlaatɛ na úti bana akɛla útéte bekyuli bani nédie agyolo ammɔ kalɔ. Na úti kɔnyi kati kati na ɔ́vi úsie ɔti kaduli.

Litemi Batɛne 16:31

Amu na nwuna banwani bananabi ku ɔti bene ku nwuna kaduli bekyuli bésie na bététi nwuna ukpine. Na bénwini bátáva-nwu na Sora ku Estaol ntɛ, na ɔti Manoa kaƒiɔtɔ kudɔ. Na Simson ɔ́tɔnku Israelƒuɔ akwa aavlanyɔ.

Litemi Batɛne 18:2

Anwuɔsu Dan kɔdua bekyuli bamɛni bédie bekpone ɛlɔ básiku bana kaduli kemmo na bási Sore ku Estaol lɛma kemmo. Na bébo-ma ɔda ka besie na betéyu bana kalɔ kammɔ banu. Bekyuli bamɛni benye béte kaba kammɔ ɔtɔ bekyuli ƒui. Ka bétéduo ɔma ɔni nwi Eƒraim abi eli ni, bátálɛlɛ Mika kaduli.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Litemi Batɛne 6:34

Amu na Unwoti Kɔyu kɔ́ƒɔ Gideon lɛlɔ kemmo na úti kakpɛɛ na ɔ́vwi momoomo ɔ́kpali Abi-Eserƒuɔ ka batu akpagya bábasiaku-nwu.

Samuel 1 11:6

Ka Saul únu kenye kamɛni ni, Katɔti kɔyu kɔ́ƒɔ-nwu lɛlɔ kemmo kɔnakunwi na ɔ́kɛ kɔnyi geen.