Litemi Batɛne 13:20 - Katɔti Ɔku Kedee

²⁰ Uwi ɔni na baakyula akpala ammɔ na aada taakɔ katɔ ni, Unwoti ɔtu ɔmmɔ ɔ́sia ogya ɔmmɔ kemmo úsie katɔ. Ka Manoa ku ulekudi bánu lɛla lɛni nálɛ mmɔ ni, báyu bátɛ na béti bana anumi bébi kalɔ.

Litemi Batɛne 13:20 ပူးပေါင်းရင်းမြစ်များ

Ala Kalɔ Buse 17:3

Mmɔ ni, Abram ɔ́yu úbi kalɔ na Katɔti ɔ́su-nwu ɔnini,

Baga 2 2:11

Na uwi ɔni na bátɛmi bésela ni, kɔnakunwi kani na ɔpɔnkɔ kɛɛkɛ ɔni na ɔɔda ku ogya ku bapɔnkɔ bani mɔɔda ku ogya báda bálɛ na béle Elia ku Elisa ntɛ. Na Elia ɔ́kɔ úduo bapɔnkɔ kɛɛkɛ ɔmmɔ kemmo na béti-nwu bésienku katɔ.

Ala Alɛdi 1 21:16

Dawid ɔ́nu Unwoti ɔtu ɔmmɔ na kayaa ka ɔda kewii kadi na Yerusalem eli. Na anwu ku nwuna benengu báda adala ani mɔɔtina ka beewulo kɔnyana geen na béboku lɛlɔ kalɔ na béti anumi bébi kalɔ.

Ala Alɛdi 1 21:21

Na uwi ɔmmɔ lɛlɔ kani na Dawid ɔ́da úbalɛ mmɔ. Na ka Arauna ɔ́nu-nwu ni, ɔ́da nwuna kabla bɔbla ɔ́ya na úboku lɛlɔ kalɔ úte Dawid.

Ala Alɛdi 1 21:26

Dawid ɔ́tu lɛkpabi lɛmmɔ na ɔ́bla bɔkyula ƒui akpala ani mɔɔyɔ́ Unwoti kaƒɔ úte-nwu ku unwi bɔbla akpala. Na Unwoti únu Dawid buvele na ɔ́ya na ogya ɔ́si katɔ úbo úbayu lɛkpabi lɛmmɔ lɛlɔ.

Kɔgya 47:5

Katɔti ɔ́kɔ úsie uli nwuna lɛgaboku lɛlɔ na katɔ na lɛlɔyɔ kɔvanu kɔda momoomo. Na kɔkpɛɛ lɛnɔ kɔda ka ɔ́kɔ úsela katɔ.

Esekiel 1:26

Na ɔmmɔ kama lɛ́nu lɛla lɛdi aani lɛgaboku lɛni nse aani liseebi buni lɛni náƒɔ kuye na liikeye aani ɛpu ntu na baalɔ-ni Saƒira, na lɛ́nu aani si ukyuli na ɔdi nli-ni lɛlɔ.

Esekiel 1:28

na uudie kunweni lidu lidu aani kalɛ na kɔdigye kɔɔlɛ́ na ɔƒɛƒɛɛ ɔdi bukpo kama. Na lɛ́nu lɛ́ti ka Unwoti bukeye ɔsu na mɔɔnu mmɔ nwaa ƒui lɛni! Ɔmmɔ ɔsu líboku lɛlɔ kalɔ buɛɛ lɛ́yu líbi anumi kalɔ. Na kɔnakunwi ni, línu ka lɛdi lɛdi lɛɛtɛmiku-mi.

Daniel 10:9

Na uwi ɔni na línu-nwu lɛdi bɔku ni, líbuli na líti anumi ńtébi kalɔ, na líduo lɛlɛɛ kemmo lísie ɔgyu kɔnakunwi.

Lewiƒuɔ Ɔda Bubo 9:24

Na ogya ɔ́bwɛ ɔ́lɛ ɔ́si Unwoti Adi Kevo kemmo mmɔ úbakyula lɛla biala údie na lɛkpabi lɛmmɔ lɛlɔ kede kede. Na ka bekyuli bammɔ ƒui bánu ɔmɛni ni, báva momoomo ku lɛlɔyɔ na béti anumi bébi kalɔ.

Mateo 17:6

Uwi ɔni na batɛyane ɛtɛ bamɛni bénu lɛdi lɛmɛni ni, liƒu lɛ́da-ma geen na báyu bébi kalɔ.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Litemi Batɛne 6:19

Amu na Gideon únwini úsie kaduli na útádu ese ɔkɔdi ɔdi na ɔ́bla kutu ƒɛƒɛɛ na úti ɔlaaƒɔ ɔni kemmo na bɔnyii buubo, na úƒi bodobodo na úti ala ammɔ ƒui ɔ́kya kagyigyɛ kemmo ku lɛna ku kutu lɛnwabui lɛmmɔ ƒui úboku kugyii kubendi kɔmmɔ kalɔ úbete-nwu.

Litemi Batɛne 6:21

Na Katɔti ɔtu ɔmmɔ úti ugyii ɔni ɔ́da mmɔ kenye útuku lɛna ku bodobodo ɔmmɔ. Na ogya ɔ́buɛ ɔlɛ lɛtakpɛ lɛmmɔ lɛlɔ na ɔ́kyula lɛna ku bodobodo ɔmmɔ. Mmɔ kani na Unwoti ɔtu ɔmmɔ ɔ́yii ɔ́kya.