Litemi Batɛne 12:3 - Katɔti Ɔku Kedee

³ Na uwi ɔni lɛ́nu lɛ́ti ka aaadubo-mi bubunku ni, líti mina ngba lɛ́kpa na lɛ́vi lísie ńtékpoku Amonƒuɔ. Na Unwoti úti-ma ɔ́kya-mi enu kemmo. Na bi ɔsu na bíbo mɛni bibekpoku-mi?”

Litemi Batɛne 12:3 ပူးပေါင်းရင်းမြစ်များ

Ala Alɛdi 2 13:12

Ɔmmɔ ɔsu na Katɔti unye-bu kama na ɔdubo-bu bɔtɔnku na kekpo kamɛni kemmo na bɔdubɔta bukpo-mii uwi ɔni na bula bakpane bávwi bana ese ammɔ na béte-bu kati. Israelƒuɔ, kɔsia kɔdi kuuubo-nwu kemmo kuuute-mii, ɔsika bɛdubo lili bute, ɔsika ulu biala uuubo na bɛdubɔkana Unwoti Katɔti ɔni na bina bati kuuku bátaakpa lɛlɔ bɔdi.”

Hiob 13:14

Lɛ́tuna ka liti mina ngba lɛkpa ƒaa.

Kɔgya 119:109

Mina ngba bɔtu ugyii kenye uwi biala na bekisine bammɔ ɔsu. Nsu naaayiƒala ƒula ɔda bubo bɔmmɔ.

Romaƒuɔ 16:4

Bénye kagyumana ka bekpi na mina lili muedi. Na ɔɔɔdi ami lɛti mɔɔgyá-ma enu, mmomu ku bekyuli bani naaadi Yudaƒuɔ baƒɔtaadine akpa ammɔ ƒui.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Litemi Batɛne 11:27

Na ɔɔɔdi ami náƒiɔ-mii, mmomu amii náƒiɔ-mi. Ɔsika bɛɛbla kasusu ka bibekpoku-mi. Anwuɔsu bɛya na Unwoti ɔni ndi litemi ɔtɛne geen ɔtɛ litemi lɛni nkya Israelƒuɔ ku Amonƒuɔ ntɛ.”

Litemi Batɛne 12:2

Amu na Yeƒta údie kenye ɔnini, “Kadɔ kebendi kadi kébeduo Amonƒuɔ ku ami ku mina bekyuli ntɛ. Na ina ka liye-ɔ kebunku ni, átakpete-mi na aƒɔ-mi alɛku bana enu kemmo.

Litemi Batɛne 12:4

Mmɔ na Yeƒta ɔ́lɔ nwuna bekpone bani nkya Gilead ɔ́sala na bétékpoku Eƒraimƒuɔ. Na Gileadƒuɔ bádu-ma kaduɛ, ɔsika básu banii, “Amii Gileadƒuɔ, bɛ́mami lɛlɔ bɛ́lɛku Eƒraimƒuɔ ku Manaseƒuɔ lɛlɔ.”

Litemi Batɛne 9:17

Na bɛkali kalɛ na mina ɔti úti nwuna ngba úse na úkpo ɔ́ƒɔ-mii ɔ́lɛku Midianƒuɔ enu kemmo.

Samuel 1 19:5

Bɔnu na átanu átati kalɛ na úti lɛlɔ ɔ́kpa na ƒula lili uwi ɔni na útékpoku Goliat? Na bɔnu na átanu ka Unwoti ɔ́ya na abu Israelƒuɔ bɔ́di Ƒilistiƒuɔ lɛlɔ ɔkɛnku lɛla lɛni na ɔ́bla ɔsu? Awɔ ɔlati ánu ɔmɛni na ebiti áda-a sɔsɔ. Na bi ɔsu na ɔlɛka abla likpidi lɛmɛni udu na aya na badu Dawid? Útabla likpidi lɛdi!”

Samuel 1 28:21

Uwi ɔni na uleku ɔmmɔ únwini úbo na ɔ́nu ka Saul ɔtɛ kalɔ ɔni na lɛlɔ lɛ́tɔ-nwu lɛni ɔsu ni, ɔ́su Ɔga Saul ɔnini, “Ati, buti na líti mina ngba lɛ́kpa, na lɛ́di ƒula litemi lɛlɔ, na lɛ́bla lɛla lɛni na ásu-mi anii mbla aani ƒula uleku kabla ɔblane kalɛ.