Litemi Batɛne 11:26 - Katɔti Ɔku Kedee

²⁶ Na ɔ́si uwi ɔni na Israel úlie Hesbon ku nina lɛma ku Areor ku nina lɛma ku Arnon ku nina lɛma ƒui akwa eti aku ni, bi ɔsu na bítekpo na bɛƒɔ lɛma lɛmmɔ uwi ɔmmɔ kemmo?

Litemi Batɛne 11:26 ပူးပေါင်းရင်းမြစ်များ

Yeremia 48:19

Na amii Aroer ɔma bekyuli bisie na biténye ulu kɔtu na biye baƒɔ bekeline si uwi ɔni na baaví bɛnini, ‘Bi nálɛku-mii asa na bɛkɛ ku usi lɛni?’

Batalane Kabla 13:19

Na ɔ́kyula kɔlɔ akpa maatɛ bekyuli na Kanaan, na úti bana kɔlɔ kɔmɛni úte Israelƒuɔ aani bana kadikɔ.

Lɛkpa Ulu 2:24

Amu na Katɔti ɔ́su-bu ɔnini, “Bɛklibi lɛlɔ na bítávia Arnon Kɔwɛ. Ɔsika líti Hesbon Ɔga Sihon ɔni ndi Amorini kalɔ lɛ́kya-mii enu kemmo. Bise kalɔ bitaadi kalɔ kammɔ lɛlɔ na biteekpoku-ma.

Lɛkpa Ulu 2:36

Na ɔdanku ɔ́si Aroer ɔni ntɛ Arnon Kɔwɛ kenye ku lɛma lɛni nkya mmɔ ƒui úti útédu Gilead. Ɔma biala uuubo ɔni bútadi-ma lɛlɔ. Bula Unwoti Katɔti úti lɛma lɛmmɔ ƒui ɔ́kya-bu enu kemmo.

Lɛkpa Ulu 3:2

Nsu Unwoti ɔ́su-mi ɔnini, “Tayia ɔga ɔmmɔ. Ɔsika líti Ɔga ɔmmɔ ku nwuna bekpone ƒui ku nwuna kɔlɔ lɛ́kya-a enu kemmo. Anwuɔsu kalɛ na ábla Amoriƒuɔ Ɔga Sihon ɔni nádi lɛga na Hesbon na kekpo kemmo ni, lɛni kani na adubɔbla Ɔga Og.”

Lɛkpa Ulu 3:6

Bɔ́yila-ma udu ƒui na lɛma ku akpaklɔ ammɔ kemmo. Na bɔ́du banana ku beleku ku banamu bammɔ ƒui aani kalɛ na bɔ́bla Ɔga Sihon ɔni mɔɔdi lɛlɔ na Hesbon.

Yosua 12:2

Na Amoriƒuɔ baga inyɔ bammɔ kemmo unwi ndi Ɔga Sihon na úlie Hesbon ɔdi lɛga. Sihon ɔmɛni ɔɔdi lɛga ɔ́si Arnon Kɔwɛ kemmo útédu Yabok Ketu kemmo kesii kani na Amoriƒuɔ ɔmii ɔtɛ.

Yosua 12:5

Na Og ɔ́di lɛga na Hermon Kɔbi ku Salka ku Basan kɔlɔ lɛlɔ ƒui úti útédu Gesurƒuɔ ku Maakatƒuɔ ɔmii lɛlɔ ku Gilead kɔlɔ kakɛ kadi úti útédu Ɔga Sihon ɔni nási Hesbon ɔmii lɛlɔ.

Yosua 13:10

ku lɛma lɛni ndi Amoriƒuɔ ɔga ɔni baalɔ Sihon ɔni nádi lɛga na Hesbon úti útédu Amonƒuɔ ɔmii lɛlɔ.

Yosua 13:16

Na kalɔ kammɔ kási Aroer ɔni ntɛ úsie Arnon Kɔwɛ kemmo ku ɔma ɔni nkya kɔwɛ kɔmmɔ ntɛ ku abi eli ku kalɔ kani nwi ƒiaa na kásia Medeba.

Yosua 13:17

Na kadanku Hesbon ku Dibon ku Bamot-Baal ku Bet-Baal-Meon,

Yosua 23:1

Ɔ́ɔƒɔ uwi geen ka Unwoti ɔ́ya na Israelƒuɔ bákɛ bɔnwuna básiku bana bekisine enu kemmo. Ɔƒɛni lɛnɔ Yosua ɔ́ɔbi lɛlɔ na nwuna akwa lɛnɔ éesie anumi geen.

Litemi Batɛne 10:8

Na akwa leevu-maane sɔɔn bekyuli bamɛni bakya baanya Israelƒuɔ bani nlie bésie Yordan ɔƒɛ katukɔ na Gilead, na Amoriƒuɔ kalɔ lɛlɔ taakya, na baabla-ma kalala.

Litemi Batɛne 3:11

Anwuɔsu kalɔ kammɔ kákɛ atu bɔyɔ akwa aavlene úti útédu ka Otniel ɔni ndi Kenas ubidi úkpi.

Litemi Batɛne 3:30

Limeyi lɛmmɔ Israelƒuɔ bádi Moabƒuɔ lɛlɔ, na Israelƒuɔ bákɛ atubɔyɔ akwa liti ku avlaatɛ.

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.

Litemi Batɛne 8:28

Lɛni na Israelƒuɔ bádi Midianƒuɔ lɛlɔ na básɔ bátalɛ lili kudii. Na Gideon uwi ɔmmɔ kemmo ni, atu bɔyɔ bɔ́kya kalɔ kammɔ lɛlɔ ƒui akwa aavlene sɔɔn.

Litemi Batɛne 9:22

Ɔmmɔ kama ka Abimelek ɔ́di lɛga na Israel kalɔ akwa atɛ ni,