Litemi Batɛne 10:6 - Katɔti Ɔku Kedee

⁶ Israelƒuɔ básɔ bábla likpidi na Unwoti anumi. Na likpidi lɛmmɔ ndi ka bésie bakya baakpá baƒiɔ Baal ku Astarot ku Aramƒuɔ baƒiɔ ku Moabƒuɔ baƒiɔ ku Amonƒuɔ baƒiɔ ku Ƒilistiƒuɔ baƒiɔ. Na ka Israelƒuɔ béni na báyu atuɔkplu ka basɔ balasiaku Unwoti ɔsu ni,

Litemi Batɛne 10:6 ပူးပေါင်းရင်းမြစ်များ

Baga 1 11:33

Ndubo ɔmɛni bɔbla, ɔsika béni-mi na bésie bátákpa Sidonƒuɔ baƒiɔ bani ndi Astarot ku Moabƒuɔ baƒiɔ Kemos ku Amonƒuɔ baƒiɔ bani ndi Milkom. Na bátasia mina ulu lɛlɔ iye babla ala ani nse siin na mina anumi iye badi mina ɔda bubo lɛlɔ aani kalɛ na Salomo ɔti Dawid ɔ́bla kalɛ.

Baga 1 11:5

Salomo úsie ɔsiaku Sidomƒuɔ baƒiɔ bani baalɔ bani Astarot ku Amonƒuɔ baƒiɔ Milkom bani muusé lɛlɔ mmɔ kama.

Baga 1 11:7

Na kɔbi kɔdi na kɔkya Yerusalem ɔƒɛ katukɔ ni, Salomo ɔ́tu ɔtɔ úte Moabƒuɔ baƒiɔ bani baalɔ banii Kemos ku Amonƒuɔ baƒiɔ bani muusé lɛlɔ na baalɔ-ma bani Molek.

Baga 1 16:31

Ɔ́sia Yerobeam ekpidi ani na ɔ́bla kama na ammɔ lɛti átabɔ-nwu. Mmomu úsie útéti Sidomƒuɔ Ɔga Etbaal ubidi ulekubi ɔni baalɔ banii Isebel ɔ́bla ulekudi, na úse kalɔ ɔɔkpá Baal baƒiɔ na ɔɔbla-ma kabla.

Baga 2 17:16

Na báda bávia bana Unwoti Katɔti ɔda ɔni ƒui na úbo-ma lɛlɔ. Na bávɔ ɔmantɛ bakɔ bebi inyɔ udu bálɛ na baakpá-ma ku Asera ɔƒiɔgyii. Na baakya lili kalɔ teete ayabi ku Baal baƒiɔ.

Baga 2 23:13

Na Ɔga Yosia úbile akpabi ani na Ɔga Salomo ɔ́tu ɔ́lɛ ɔƒɛ katukɔ kakɛ na Oliƒ Kɔbi kada kakɛ. Nka akpabi ammɔ lɛlɔ na bátaakpa Sidon baƒiɔ bani baalɔ banii Astarot, ku Moab baƒiɔ Kemos, ku Amon baƒiɔ Molek.

Ala Alɛdi 2 28:23

Ɔ́su lɛlɔ ɔnini, “Use-mi aani Siriaƒuɔ baƒiɔ bamɛni nébunku-ma ɔsu na bákana-mi lɛlɔ bɔdi. Anwuɔsu ɔƒɛni kalɛ si lɛ́bla akpala líte-ma ni, badubɔkana na bebunku-mi.” Ɔmmɔ ndi likpidi likplodi lɛni na Ahas ɔ́bla na lítiku-nwu lítákya kukpi kemmo ku Yuda bekyuli udu bɔyii.

Kɔgya 106:36

Na Katɔti bekyuli bébenwini baƒiɔ bakpane. Na ɔmmɔ geen náya na Katɔti ɔ́yila-ma udu.

Yesaia 23:4

Kɔƒa kukpo-mii, amii Sidon beyedine bani náƒɔ ɛpu ɔmmɔ ƒui anumi bilie-nwu lɛlɔ kpi, nsu kɔsia kɔdi kútalɛ-nwu kemmo, ɔsika ɛpu ɔmmɔ ɔlati mɔɔsu taatina ɔnini, “Nse aani ukyuli ɔni na kawɔƒɔ kátadu-nwu kudii iye útawɔ kudii. Na ńtada bakloƒu iye begblebi lɛnɔ dii.”

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Yeremia 2:20

“Na kuuku uwi ɔni návi kemmo ni, bídie-mi atu na bíni ka lɛdi-mii lɛlɔ, na bɛnii bɛsɔ bilabla-mi kabla. Na ɔƒaani ni, baƒiɔ bammɔ na bɛɛkpá na biisié lɛlɔ kudɔ ɔnana ku uleku na egyii bonwu ammɔ ɔyuli kalɔ na abi eli.

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Esekiel 27:16

“ ‘Na Edomƒuɔ béti atabi ani na áƒɔ kuye ku kunweni lidu lidu béboku ku adi ani na áƒɔ kuye geen ku ani na ese kpɛtɛ kpɛtɛ bábadiku-ɔ kuye.

Lɛkpa Ulu 13:6

Binye kagyumana bite bina ɔnwani iye bina ubidi ɔnanabi iye ulekubi iye bina beleku bani na bɛɛyɔ́ geen iye ƒula ɔkpana geen ɔni ndubo bɔbɛ bubasu-mii ka bibo na bitákpa baƒiɔ bani udu na amii iye bina bati kuuku bítakpa kudii.

Lɛkpa Ulu 13:8

bitenu kalɔ na bitakpete ukyuli ɔmmɔ. Na bitanu ukyuli ɔmmɔ kɔnyana. Na nwuna lɛlɔ litakywi ɔdi kaƒɔ, na teti ukyuli ɔmmɔ tabɛla.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Lɛkpa Ulu 31:17

Na si ɔ́lɛ lɛni ni, ndubo kɔnyi buti bɔkya-ma geen. Na ndubo-ma bɔda bɔnyonu na bayila-ma udu. Na ndubɔya ɔgbankpi lidu lidu libo-ma lɛlɔ. Na si ala amɛni udu eebo-ma lɛlɔ ni, mmɔ na badubɔnu bɔti ka Ami ɔni ndi bana Katɔti nsɔ liiibo-ma akɔ lɛnɔ.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Yosua 13:31

Na Gilead kakɛ ku Astarot ku Edrei ɔni ndi Ɔga Og lɛma lɛni nkya Basan aka na béti béte Makir kaduli bekyuli kakɛ kenwi. Na Makir ɔmɛni ɔ́si Manase kaba kemmo.

Litemi Batɛne 10:5

Uwi ɔni na Yair úkpi ni, báva-nwu na Kamon.

Litemi Batɛne 11:24

Na biletéti kalɔ kani bina baƒiɔ bani baalɔ banii Kemos úte-mii. Na lɛni kani na bɔdubuti lɛla biala na bula Unwoti Katɔti úte-bu.

Litemi Batɛne 13:1

Amu na Israelƒuɔ básɔ bábla likpidi na Unwoti anumi. Ɔmɛni ɔsu Unwoti ɔ́nyonu-ma ɔkya Ƒilistiƒuɔ enu kemmo akwa aavlene sɔɔn.

Litemi Batɛne 16:23

Amu na Ƒilistiƒuɔ batɔnkune bábasa lisu ka babla akpala bete bana baƒiɔ bani baalɔ banii Dagon, na badi limeyi. Ɔsika baasu banii, “Bula baƒiɔ bamɛni néti Simson ɔni ndi bula ukisine ɔ́kya-bu enu kemmo.”

Litemi Batɛne 3:7

Amu na Israelƒuɔ bábla likpidi na Unwoti anumi. Na ɔkɛnku ɔmɛni ɔsu báyiƒala bana Unwoti Katɔti, na bénwini bátákpa Baal ku Asera baƒiɔ.

Litemi Batɛne 4:1

Na Ehud kekpima ni, Israelƒuɔ básɔ bábla likpidi na Unwoti anumi.

Litemi Batɛne 6:1

Na uwi bamba ɔdi lɛlɔ ni, Israelƒuɔ básɔ bábla likpidi na Unwoti anumi. Ɔmɛni ɔsu ɔ́ya na Israelƒuɔ bénwini kabla bablane béte Midianƒuɔ akwa maatɛ sɔɔn.

Litemi Batɛne 8:33

Na uwi klukui ɔdi kemmo na Gideon kekpima ni, Israelƒuɔ básɔ bése kalɔ baakpá Baal baƒiɔ. Na béti Baal-Berit bábla bana Katɔti.

Samuel 1 5:2

Na ka béti-nwu béboku mmɔ ni, béti-nwu bétése bana baƒiɔ ɔtɔ na badi baƒiɔ benengudi bani na baakpá na baalɔ-ma Dagon. Béti Bunyimi Adaka ɔmmɔ bényene Dagon baƒiɔ bani na bávɔ bényene mmɔ kɔmadɔ.