Litemi Batɛne 10:16 - Katɔti Ɔku Kedee

¹⁶ Mmɔ na bébo baƒiɔ bani na báƒɔ bése lɛlɔ mmɔ bévaakun, na bése kalɔ baabla Unwoti kabla. Ɔmɛni ɔsu ɔ́sɔ útakana bunye bɔnu Israelƒuɔ abi ani na beebó mmɔ.

Litemi Batɛne 10:16 ပူးပေါင်းရင်းမြစ်များ

Ala Kalɔ Buse 6:6

Na úduo Unwoti ka údie ukyuli ɔ́kya kalɔ lɛlɔ. Na nwuna kayi kénu ɔlɛ geen.

Baga 2 13:23

Nsu Unwoti ɔ́nu Israelƒuɔ kɔnyana na útete kuƒi na bayila-ma udu. Mmomu úbunku-ma ɔ́si bunyimi bɔni na únyimi ku Abraham ku Isak ku Yakob ɔsu. Anwuɔsu ulátuna ka ɔyila-ma udu úti úbedu ɔmwi kadi.

Ala Alɛdi 2 15:8

Uwi ɔni kani na Ɔga Asa únu kenye udiene Asaria kenye kamɛni ni, mmɔ kani na úbo ɔda ɔnii bebo baƒiɔ biala babwɛ na Yuda ku Benyamin kalɔ kemmo mmɔ na bayila-ma udu. Na babwɛ bani ƒui na bakya lɛma lɛni na úkpo úƒie ɔ́ƒɔ na Eƒraim kalɛkɛ kemmo mmɔ lɛnɔ ƒui. Na ɔ́sɔku lɛkpabi lɛni nnye kakpakɔ lɛgbanya anumi mmɔ lɛnɔ ɔ́klibi.

Ala Alɛdi 2 33:15

Amu na kadi bamba baƒiɔ ku baƒiɔ lɛtabi lɛni na ɔ́tu únyene Katɔti kakpakɔ mmɔ ni, ɔ́ya na báda-nya ƒui bágyu bédie mmɔ. Na akpabi ammɔ ƒui ni, básala-nya na bálɛku-nya bétéwiakun ɔma ɔmmɔ kama.

Ala Alɛdi 2 7:14

Si ami ɔlati mina kadi bekyuli badubo lɛlɔ kalɔ buboku na bakpali-mi bevele na benwini bebo-mi kudɔ na bada ekpidi bɔbla baya ni, ndubunu bana buvele na liti bana ekpidi lɛkyiɛ-ma na lɛya na kalɔ kammɔ kasɔ kataadia edula.

Kɔgya 73:21

Uwi ɔni návi ni, ntaanu ala amɛni na éteekpoku-mi na aatu-mi kayi.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Hosea 11:8

“Israelƒuɔ, naaakana-mii bɔnyonu lɛni iye lidie-mii atu. Na naaakana makyula-mii aani kalɛ na lɛ́bla Adma ku Seboim. Oowo, uladia-mi bɔbla lɛni, ɔsika mina kayi kelete-mi kuƒi na kalɛ na mɔɔyɔ́-mii ɔsu.

Hosea 14:8

Israel, die ƒula lɛƒiɔkpa atu na ndubunu ƒula buvele na lɛnu-ɔ lɛlɔ. Ami ɔlati ndi kugyii kɔni muukeye mmɔ. Na ami ndubɔya na bɛnwu ebi pii.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Luka 15:20

Amu na ɔ́ta kɔnakunwi na úti ala na ɔ́yu ulu úsela ɔti kudɔ. “Ka ɔti ɔ́nu-nwu ɔ́ti ɔni na ubidi ɔmɛni ɔmu ɔkɛ ɔgyu ɔdubo ni, ubidi lɛlɔ lɛ́bla-nwu kɔnyana, na úkeli útátu ɔda-nwu ku kubiti.

Luka 19:41

Ɔni na Yesu ɔ́ni úde Yerusalem úbu na ɔ́nu ɔma ɔmmɔ ni, úwulo na nwuna lili.

Yohane 11:34

“Wɛ na bɛ́va-nwu?” Amu na bédie kenye banini, “Blɔti, bo, na abanu.”

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Hebriƒuɔ 3:10

Ɔmmɔ ɔsu na líti kɔnyi lɛ́kya kaba kammɔ. Na lɛ́su nnini, ‘Bana kayi ƒui kakɛ ulu bamba lɛlɔ, na bátanu mina lilu bátati kudii.’

Hebriƒuɔ 4:15

Ɔɔɔdi ɔkpane unengudi ɔni na bula lɛlɔ lilakywi-nwu kaƒɔ na bula kpɛtɛ kpɛtɛ bɔbla kemmo. Mmomu ɔdi ukyuli ɔni na ala ékpoku-nwu ánu na ulu biala lɛlɔ aani bula kalɛ kani. Nsu útabla likpidi lɛdi.

Yosua 24:23

Amu na Yosua ɔ́su-ma ɔnini, “Si ɔdi lɛni ni, na bibo baƒiɔ bani nkya-mii akɔ mmɔ bivaakun na biti bina kɔyi bɛsia Unwoti ɔni ndi Israelƒuɔ Katɔti lɛlɔ.”

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Samuel 1 12:10

Na uwi biala na bádi-ma lɛlɔ lɛni ni, beenwíni kayi na bewulo bevele Unwoti banini, ‘Bɔ́bla alaekpidi bɔ́ƒiɔ-ɔ, O Unwoti, na búnwini kama bɔ́kya-a na bɔɔkpá ala bamba, aani Baal baƒiɔ ku Astarot baƒiɔ. Nsu ɔƒaani ni, die-bu lɛku bula bekisine enu kemmo na bɔdubɔbla-a kabla.’

Samuel 1 7:3

Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”

Samuel 1 7:4

Sɔsɔ ni, Israelƒuɔ báda Baal baƒiɔ ku Astarot baƒiɔ bammɔ bɔkpa báya. Na bése kalɔ baakpá Unwoti lɛti.