Litemi Batɛne 10:14 - Katɔti Ɔku Kedee

¹⁴ Biteesie na bitákpali baƒiɔ bani na amii bɛnii ama bɛɛyɔ́ mmɔ. Bɛya na ama baƒɔ-mii si bɛkya bukpoku bɔdi kemmo.”

Litemi Batɛne 10:14 ပူးပေါင်းရင်းမြစ်များ

Baga 2 3:13

Amu na Elisa úye Israelƒuɔ ɔga ɔnini, “Bi na ami ku awɔ bubo bute lɛlɔ? Teesie na atánu kenye bediene bani na ƒ'ɔti ku ƒ'ini bátaanu mmɔ.” Amu na Israel ɔga údie kenye ɔnini, “Oowo! Unwoti néti bula baga ɛtɛ bamɛni ɔ́sala kalɛ na uti-bu ɔkya Moabƒuɔ ɔga enu kemmo.”

Yesaia 10:3

Bi na bɛdubo bɔbla ɔgbankpi uwi, uwi ɔni na ndubɔya na ɔsi kalɔ kakaaka ubo ubalɛ-mii lɛlɔ? Ɔma na bɛdubo bukeli bɔtamiku? Na ɔma na bɛdubo bina akɛla bɔda buse?

Yesaia 46:7

Baagyú baƒiɔ bammɔ taasia lɛmangba taatáwia-ma kesekɔ, nsu ama alati balákana busie. Na si uwi ɔni na lɛla lɛdi lítulo bekyuli bammɔ ni, na besie batákpali-ma banii baƒiɔ bammɔ bebunku-ma nsu balákpete-ma na bedie kenye kadi na balákana-ma bubunku lɛnɔ.

Yesaia 57:13

Na si uwi ɔni na lɛla lɛdi lítulo-mii na bɛɛwia ubunkune ni, na bɛkpali bina baƒiɔ lidu lidu lɛni nkya-mii na bebunku-mi. Nsu bitayiƒala ka ɔƒɛƒɛɛ ndubo ubébo-ma ugyingya mmɔ. Na ɔƒɛƒɛɛ ɔni mɔɔlɛ́ enwu kemmo kani ndubo-ma udu bɔyila. Na si bíbo-mi kudɔ ka lɛgyumana-mii ni, kalɔ kamɛni ku mina kɔbi kedee kɔmmɔ ƒui kɔdubunwini bina ɔdi uteesie uwi ƒui.”

Yeremia 2:28

Biteesie bitéwulo bɛkya baƒiɔ bani na bɛ́bla bíte lɛlɔ mmɔ si badubɔkana-mii bubunku. Bémomo aani kalɛ kani na bina lɛma limomo.

Esekiel 20:39

“Amii Israelƒuɔ bɛsɔ binye bina baƒiɔ bɔkpa lɛlɔ kani, ɔsika lɛɛɛdubo bɔya na binye biteedie-mi lɛlɔ ɔbu na biteeti etela teete baƒiɔ bammɔ lɛni, ɔsika biiibo lɛla bamba lɛdi na bɛƒuna bite lɛlɔ utulo ka binu-mi litemi!