Litemi Batɛne 1:7 - Katɔti Ɔku Kedee

⁷ Amu na Adoni-Besek ɔ́su ɔnini, “Líkulo baga liti ku aavlanyɔ lɛgba ku enu animigya ƒui. Na adila ani nálɛ ébo mina kadikɔ na lɛ́ya na bála bádi. Na ɔƒaani ni, kalala kani na lɛ́bla-ma kayu na Katɔti ɔ́ƒɔ-mi úti údie-mi kasi.” Na béti-nwu bésienku Yerusalem, na útékpi mmɔ.

Litemi Batɛne 1:7 ပူးပေါင်းရင်းမြစ်များ

Baga 1 21:19

Na asu-nwu anini, ‘Lɛni na Unwoti ɔɔsu. Ɔɔɔdi bɔdu na ádu ukyuli na ékpeli nwuna kadikɔ aaƒɔ́?’ Ɔmmɔ kama na asu-nwu anii, ‘Lɛni na Unwoti ɔɔsu. Kesii kani na bakpɛwe báyalɛ Nabot ubugya ni, mmɔ kani badubo awɔ lɛnɔ ƒula ɔdi geen bɔyalɛ!’ ”

Israelƒuɔ Bɔlɛ 29:20

Na adu ebuo ɔmmɔ. Na eti ubugya ɔmmɔ ɔdi esusu Aaron kɔdianu kɔtu kawɔlɔkɔ ku nwuna kɔdianu kɔnu ku ɔgba animigya. Na abla lɛni kani ete nwuna bebi lɛnɔ. Na akuna ubugya ewi lɛkpabi lɛmmɔ ekpo ene ammɔ ƒui.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Seƒania 3:19

Bɛnu! Ndubo bina bekisine kɔtu bɔni geen, na lɛsala bekpulone ku bani na bédie-ma atu na lɛya bana kɔƒa kɔni na bákya-ma kunwini na baƒɔ lɛnyi na kalɔ lɛlɔ.

Romaƒuɔ 2:15

Na ɔɔtina ka Katɔti úti ala ani nkya Mose ɔda bubo bɔmmɔ bɔɔtina ɔ́kya-ma kayi kemmo. Na bana kayi lɛnɔ kaatina-ma geen ka ɔmɛni use lɛni. Na uwi ɔdi ni, bana kasusu kaadú-ma kɔtɔ iye keete-ma ubo.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Budie Taatina 13:10

Ukyuli ɔni na badubo buƒie ni, badubuƒie-nwu. Na ukyuli ɔni lɛnɔ na badubo bɔdu na ɔkɛɛ kenye lɛnɔ ni, badubo-nwu bɔdu. Ɔmɛni ɔsu ni, amii Katɔti bekyuli ɔlɛka binye lɛbibo biala kenye kpakplaa na bɛsiaku Blɔti ulu lɛlɔ.

Budie Taatina 16:6

Bekyuli bamɛni nádu ƒula bekyuli ku kenye bediene. Anwuɔsu na éte-ma ubugya ukpidi ɔmɛni na báni. Lɛla lɛni námanku-ma na baaƒɔ́!”

Litemi Batɛne 1:6

Adoni-Besek úkeli, nsu bábi básiaku-nwu na békulo-nwu lɛgba ku enu animigya ƒui.

Litemi Batɛne 9:24

Katɔti ɔ́bla ɔmɛni ɔ́si kalɛ na Abimelek ku Sekem bananabi bákya Abimelek ogya na útádu Gideon bebi liti ku aavlanyɔ, na úti ɔmmɔ ɔƒɔ bana likpidi kayu.

Litemi Batɛne 9:57

Na Katɔti lɛnɔ ɔ́ƒɔ Sekemƒuɔ kayu ɔkɛnku likyulikpi lɛni bábla ɔsu. Na Gideon ubidi Yotam ewida ani na úwida-ma ébo-ma lɛlɔ.

Samuel 1 15:33

Nsu Samuel ɔ́su-nwu ɔnini, “Kalɛ na ƒula kewii káya na beleku badi bakya na basɔ balanu bana kaƒɔ bebi ni, lɛni na ƒ'ini lɛnɔ ɔdubo bɔkya beleku bamba akɔ na ɔsɔ ulanu nwuna kɔƒɔ ubi.” Mmɔ kani na Samuel ɔ́du Agag na Unwoti anumi na Gilgal.